DANIELI 8:7 - Biblia Ilagho Jiboie Kwa Wandu Wose

⁷ Ngawona ikiitika ija bauru, kwa lubio lubaa na kuchikanya mbembe rake iwi. Ija fwandi ikaisirisha ndighi na kuighusha andonyi. Ikaifasha-fasha na maghu ghake, hata ndekorekoghe na mndungi odima kuvuvua ija bauru kufuma kwa ndighi ra ija fwandi anduangi.

DANIELI 8:7 ပူးပေါင်းရင်းမြစ်များ

DANIELI 11:11

Ela mzuri wa Misri uchajokwa ni machu, nao uchafuma kulwa na mzuri wa Siria, na kuwada jija ijeshi jake ibaa.

DANIELI 7:12

Rija nyamandu risigharikie, reresokeloghe nguma rawo; ela reresighiloghe rikaie moyo kwa ngelo imu.

DANIELI 7:7

“Nyuma ya iro, nerewonieghe kwa mawono nakio, nyamandu ya kana eobosha na ya mashiniko; nayo erekoghe nandighi nyingi, na maghegho mabaa gha chuma; ikabara-bara madiwo ghake na kuja; ikafasha-fasha masighariko kwa maghu ghake. Erekoghe na wuchumbano m'baa na iro nyamandu zima rerekoghe imbiri yake; nayo erekoghe na mbembe ikumi.

DANIELI 8:10

Lwembe ulo lukachurikia ndighi hata kuvikia kulwa na majeshi gha mlungunyi; lukakurudua na kupotua nyerinyeri rimu na kurifasha-fasha.

DANIELI 8:6

Ikaichea ija bauru erekoghe na mbembe iwi, iyo nereiwonieghe kiimbiri iko kimusi mbai na mbai ya moda; ikairamia kwa machu mabaa.

DANIELI 8:8

Ija fwandi ikakuduka loli loli. Ela iji erechurikieghe kukaia nandighi, luja lwembe lwake lubaa lukachika, na wulalo ghwaro rikabuka mbembe inya mbaa rilangayagha mbembe inya ra mlungunyi.

WALAWI 26:37

Wichakuwarana wikikimbia kuseko na kuwingwa ni mndungi, hata ndemchakaaia na ndighi relwa na wamaiza wenyu anduangi.

JOSHUA 8:20

Wandu wa Ai wiendazighana na nyuma, wikawona ikungughu ja mosi jikijoka kufuma mzinyi, nawo wikasirilwa ni ndighi reghenda imbiri angu kuwuya nokonyuma, kwa kukaia wandu awo werekoghe wikikimbia cha kireti werewighalukieghe na kuwiwingisa.