DANIELI 8:27 - Biblia Ilagho Jiboie Kwa Wandu Wose

²⁷ Ini Danieli ngalemwa na kuwuya mkongo kwa matuku mengi. Niko ngawuka na kuzoya kubonya kazi ra mzuri, ela nereshinuloghe ni agho mawono, hata seredimieghe kughitambua anduangi.

DANIELI 8:27 ပူးပေါင်းရင်းမြစ်များ

DANIELI 10:16

Uo malaika ufwanane na mdamu ukaniadada momu ghwapo ngazoya kudeda. Ngamzera, “Ee bwana wapo, agha mawono ghanivavira, nani naasilwa putu.

DANIELI 10:8

Niko ngasigharika niekeri, na kuwona agho mawono mabaa; hata seresigharikieghe na ndighi ringi andenyi kwapo. Wushu ghwapo ghukaghaluka ghoobosha, ngasirilwa ni ndighi putu.

DANIELI 4:19

Niko Danieli, uo uwangwagha Belteshazari, ukakambwa ni chongo kwa ngelo vui, ukiririkanya jeghora. Mzuri ukaghamba, “Belteshazari, iyo ndodo na kutambushira kwaro isekukambire chongo.” Belteshazari ukatumbulia, “Bwana wapo, iyo ndodo ndeikaie ya awo wizamilwagha ni oho, na kutambushira kwaro kukaie kwa wamaiza wako!

DANIELI 5:14

Nasikire malagho ghako wei koko na roho ya milungu ielie andenyi kwako na kukaia kwawadie suku na kumanya na hikima ndicha.

DANIELI 7:28

Uku niko kutua kwa maza iro; na ini Danieli, ngaja wasi andenyi ya maririkanyo ghapo loli loli, hata fwana yapo ikaghaluka; ela ngawika iro maza ngolonyi kwapo.”

DANIELI 8:17

Nao Gabrieli ukacha kaavui na andu nerekoghe kimusi; ngaobua na kughwa kiwushu-wushu. Ela uo ukanizera, “Manya ee Mwana wa mdamu, kukaia, agho mawono ni gha ngelo ra kutua.”

DANIELI 8:2

Ngawona mawono seji neeka andenyi ya muzi m'baa Susa ghuko andenyi ya isanga ja Elamu, niko kimusi kaavui na Moda ghwa Ulai.

DANIELI 8:7

Ngawona ikiitika ija bauru, kwa lubio lubaa na kuchikanya mbembe rake iwi. Ija fwandi ikaisirisha ndighi na kuighusha andonyi. Ikaifasha-fasha na maghu ghake, hata ndekorekoghe na mndungi odima kuvuvua ija bauru kufuma kwa ndighi ra ija fwandi anduangi.

HABAKUKI 3:16

Nasikire agho malagho, ngasughusika; na memu yapo ikasughusika kwa wowa. Maindi ghapo ghikateweleka, ngawoka kutighina. Nichaweseria mboaeri ituku jivike, ingelo Mlungu uchaawikaba wandu wawuyadikaba.

1 SAMUELI 3:15

Nao Samueli ukalala hata ndoe ikaela; niko ukairughua minyango ya nyumba ya BWANA. Ela ukaobua kumghoria Eli agho mawono.