DANIELI 8:12 - Biblia Ilagho Jiboie Kwa Wandu Wose

¹² Kwa wundu ghwa kaung'a, ulo lwembe lorenekeloghe agho majeshi, chiaimweri na vizongona vekora va ituku ituku. Loli ya wutasi ikalaghashwa, na ulo lwembe lukabonya sa iji koni lorekundieghe.

DANIELI 8:12 ပူးပေါင်းရင်းမြစ်များ

AYUBU 12:6

Ela vitoi na wandu wisemuichi Mlungu weeka na sere, hata ngera Mlungu ghwawo ni ndighi rawo.

ZABURI 119:142

Hachi yako ichadua kwa kala, na sharia yako ni ya loli.

ZABURI 119:43

Kunidimishe kughora loli ngelo rose, angu naawuyaghisuwiria matanyo ghako.

ZABURI 28:5

Kwa kukaia ndewitalagha iro kazi ra BWANA, angu ivo ubonyere; uchawikaba na kuwitotesha putu.

ISAYA 59:14

Daiwikie na mbai iyo loli, na hachi ikakaia kula nesi; kwa kukaia loli yamerie kulaghashwa wandunyi, wuloli ndeghuwadie wulalo.

JEREMIA 12:1

Ngakareda malalamiko ghapo kwako ee BWANA, ni oho kuko na hachi yose. Elaima nalomba kudedanya na oho aighu ya hachi yako. Kwaki wandu wawiwi wikaiagha nicha huwu? Kwaki wandu wa mikalo wiwonagha mecha?

DANIELI 11:28

Mzuri wa Siria uchaghala isangenyi kwake na vilambo vingi uvidwae wunyika, ela ngolo yake ichakaia ikilola chia enona ilaghano ja wueli; uchabonya sa iji ukundagha na kuwuya cha isangenyi jake.

DANIELI 7:21

“Nao iji nerekoghe ngizighana, ulo lwembe lukabonya wuda na waeli lukawisima;

DANIELI 8:4

Ngawona iyo bauru ikisindika cha magharibi, na kaskazinyi, na kusinyi. Ndekorekoghe na nyamandu ingi eredimagha kusimana nayo; hata ndekorekoghe na nyamandu ingi eredimagha kuvuvua mmbao angu kufufunuka kufuma kwa iro ndighi ra iyo bauru. Bauru iyo erebonyereghe sa iji koni erekundieghe, ikakukasa cheni.

WUFUNUO 13:7

Wokoni ikarumirilwa kubonya wuda na waeli, na kuwisima; ikanekwa nguma aighu ya kula kichuku, na wandu, na kiteto na mbari.

1 SAMUELI 23:9

Daudi uendamanya kukaia Sauli wabonya mpango ghom'bonya kiwiwi, ukamzera uja mkohani Abiathari, “Reda iyo Naivera aha.”