DANIELI 7:7 - Biblia Ilagho Jiboie Kwa Wandu Wose

⁷ “Nyuma ya iro, nerewonieghe kwa mawono nakio, nyamandu ya kana eobosha na ya mashiniko; nayo erekoghe nandighi nyingi, na maghegho mabaa gha chuma; ikabara-bara madiwo ghake na kuja; ikafasha-fasha masighariko kwa maghu ghake. Erekoghe na wuchumbano m'baa na iro nyamandu zima rerekoghe imbiri yake; nayo erekoghe na mbembe ikumi.

DANIELI 7:7 ပူးပေါင်းရင်းမြစ်များ

2 SAMUELI 22:43

Nawikabie ngawifasha wikawuya sa teri ya ndoe; nerewifashireghe na kuwichandiria sa mazozo gha chienyi.

AYUBU 41:14

Nani udimagha kum'asamua momu ghuko na maghegho gheobosha?

EZEKIELI 40:2

Andenyi ya mawono Mlungu orenidwaeghe cha isanga ja Israeli, na kuniwika aighu ya mghondi mlacha nandighi; naimbiri yapo chia ya kusinyi korekoghe na kilambo chiwonekagha sa muzi.

DANIELI 2:19

Nao kio icho cheni, Mlungu ukamfunukuya Danieli ngasu ya ija ndodo. Danieli ukamkasa Mlungu wa mlungunyi ukaghamba:

DANIELI 7:13

Na kwa agho mawono gha nakio, nerewonieghe umu ufwanane na mwana wa mdamu ukicha andenyi ya mawingu gha mlungunyi; ukamchea Uo wa Matuku Mengi, ukakaia kimusi imbiri kwake.

DANIELI 7:2

Danieli ukaghamba, “Nerewonieghe mawono ghapo nakio, ngawona mbeo ikiweta mbembe rose inya aighu ya bahari mbaa.

DANIELI 8:10

Lwembe ulo lukachurikia ndighi hata kuvikia kulwa na majeshi gha mlungunyi; lukakurudua na kupotua nyerinyeri rimu na kurifasha-fasha.

DANIELI 8:22

Iro mbembe inya rerebukieghe wulalo ghwa luja lorechikieghe, ni mawuzuri ana ghichaafumirika kwa iyo mbari; ela agho ndeghichaakaia na ndighi ra wuzuri ghwa imbiri.

ZEKARIA 2:1

Nerezighanireghe andenyi ya mawono ghamu ngawona mundu wawadia kamba epima!

WUFUNUO 12:3

Na alama imu ikawoneka sena mlungunyi; choka mbaa ya mkundu, iko na vongo mfungade, mbembe ikumi na virumbu mfungade.

WUFUNUO 13:1

Nao ngawona nyamandu ikijoka kufuma baharinyi, iko na mbembe ikumi na vongo mfungade; iro mbembe rake rerekoghe na virumbu ikumi, na irina ja masholio aighu ya vongo vake.

WUFUNUO 17:12

Na iro mbembe ikumi kuriwonie, ni wazuri ikumi wisepatire ndighi rebonya nguma, ela wicharumirilwa kubonya nguma sa wazuri chiaimweri na iyo nyamandu kwa saa imweri.

WUFUNUO 17:7

Ela uo malaika ukanizera, “Kushinikiaki? Nichakughoria kutambua kwaro iyo ngasu ya uo muka, na ya iyo nyamandu yawuyamduka iko na vongo mfungade na mbembe ikumi.

WUFUNUO 17:8

Iyo nyamandu kuiwonie erekoghe, ela ndeiduagha; yalighisa kujoka kufuma kinenyi cha abuso, na kughenda kutotenyi. Na awo wandu wiko ndoenyi awa marina ghawo ghiseandikilo andenyi ya chuo cha irangi, kufuma kuzoya kwa wurumwengu, wikashinika kwa kuiwona iyo nyamandu; angu erekoghe, ikasoweka; nayo ikawuya ikawoneka moyo sena.