DANIELI 7:4 - Biblia Ilagho Jiboie Kwa Wandu Wose

⁴ Nyamandu ya imbiri erekoghe sa shimba, nayo erekoghe na mawawa gha indu. Hata iji nerezighanireghe, ngawona mawawa ghake ghainjwa, ikawusirwa na kubonywa ikaie kimusi sa mdamu, nayo ikanekwa akili ra kidamu.

DANIELI 7:4 ပူးပေါင်းရင်းမြစ်များ

2 SAMUELI 1:23

“Sauli na Jonathani werekoghe wakundwa wikundikie ndewitane jingi kufuma wiko moyo hata kifwa. Werekoghe wiangue kuchumba indu, werekoghe na ndighi kuchumba shimba.

AYUBU 25:6

Ni kuchumba saki mdamu uko kivunyu na wana wa wadamu wiko wadudu weni.”

ZABURI 9:20

Kuwioboshe ee BWANA! Kuwibonye wandu wa mbari zima wimanye kukaia awo ni wandu tu.

JEREMIA 25:38

BWANA wasighie andu kwake sa shimba isighie mbanga yake, isanga jawo jawurie iduu, kwa wundu ghwa wuda ghwa mkorongi, na kwa wundu ghwa agho machu ghake ghibirie.”

JEREMIA 4:13

Wonenyi! M'maiza waawuyacha sa mawingu. Magare ghake ghaawuyacha sa kikulughulu, na farasi rake raangue kuchumba indu. Ni bugha kodu, kwa kukaia dameria kusia!

JEREMIA 4:7

Mtoteshi wa iro mbari ra wandu wameria kufuma sa shimba ifumagha kisachinyi chake; waawuyacha kumtotesha Juda, na mizi ya Juda ichasighwa yameria kuwuya maghacho; na mndungi okaia andenyi yaro uchaasoweka.

JEREMIA 48:40

BWANA waghamba huwu: “Olenyi mbari ichacha shwa iangue sa indu, ikighorua mawawa ghake aighu ya Moabu;

JEREMIA 49:19

Olenyi sa iji shimba ichagha iranunyi ja ng'ondi jimange, kufuma kwa icho kilemba cha Moda ghwa Jordani, niko koni nichaawibonya Waedomu wikimbie shwa-shwa kufuma isangenyi kwawo; nani nichamsaghua mundu mzima ojibonyera nguma uo ose nichaamkunda. Nani uko sa ini, nani udimagha kunishitakia? Ni m'bonyi nguma uao udimagha kusimana nani?

KILILO CHA JEREMIA 4:19

Awo werekoghe wikidinugha werekoghe na iseghe kuchumba indu riburukagha. Werediwingieghe aighu mighondinyi, wikadilaliria kireti.

EZEKIELI 17:3

kuwizere, Bwana MLUNGU waghamba huwu, Indu mbaa iko na mawawa mabaa ghiwadie ndighi iko na chuya ndacha na mafuri mengi gha rangi nyingi erechieghe Lebanoni. Ikawada longe lwa mudi ghwa sida,

EZEKIELI 28:2

“Mwana wa mdamu, ghora na m'baa wa Tiro kumzere, Bwana MLUNGU waghamba huwu: Ngolo yako yakusikire, na oho kwaghambie, ‘Ini ne mlungu, nadasea kidombo aighu ya kifumbi cha milungu, ghadi na ghadi ya bahari,’ na sena hoku ko mdamu ndekuko mlungu ungi, hata ngera kwakutala kumoni kukaia na hikima sa mlungu.

EZEKIELI 28:9

Welee, kuchachuria kughamba wei ‘Ini ne mlungu,’ iji kuko imbiri ya wabwaghi wako? Oho ko mdamu tu, iji kuko mikonunyi kwa wandu wawuyakushoghonua.

DANIELI 2:38

Sena wakunekie wadamu andu kose wiko, na nyamandu ra isakenyi, na nyonyi ra mbeonyi, kupate kubonya nguma aighu yawo wose. Oho ko icho chongo cha dhahabu.

DANIELI 4:36

“Ngelo iyo cheni, iji akili rapo raniwuria, wubaa ghwa wuzuri ghwapo, ishima japo na kuboa kwapo vikaniwuria. Wanjama wapo na wabaa wikanilola, ngawuya na kumangishwa andenyi ya wuzuri ghwapo, na hata wubaa mungi ghukachurilwa aighu yapo.

DANIELI 7:12

Rija nyamandu risigharikie, reresokeloghe nguma rawo; ela reresighiloghe rikaie moyo kwa ngelo imu.

DANIELI 7:5

Ngawona nyamandu zima ya kawi ifwanane na kibarabara. Ikawusirwa luwaru lumweri, nayo erekoghe na mbaru idadu momunyi kwake ghadi na ghadi ya maghegho ghake; ikazerwa, ‘Wuka kuje nyama nyingi.’

MATHAYO 24:28

Angu andu koni gharia iko, niko koni nderi rikwanyikiagha.

WUKUMBUSO 28:49

BWANA uchareda mbari kufuma kula ichelwa nakumoni; ni mbari iangue sa indu iburukagha, idedagha kiteto kusechimanyagha.

WUFUNUO 13:2

Iyo nyamandu nereiwonieghe, erekoghe sa inge, maghu ghake gherekoghe sa gha kibarabara, na momu ghwake ghorekoghe sa ghwa shimba; iyo choka ikaineka iyo nyamandu ndighi rake, kifumbi chake cha nguma, na nguma mbaa.