DANIELI 7:28 - Biblia Ilagho Jiboie Kwa Wandu Wose

²⁸ Uku niko kutua kwa maza iro; na ini Danieli, ngaja wasi andenyi ya maririkanyo ghapo loli loli, hata fwana yapo ikaghaluka; ela ngawika iro maza ngolonyi kwapo.”

DANIELI 7:28 ပူးပေါင်းရင်းမြစ်များ

KUZOYA 37:10

Ela iji oremghorieghe ndee na waruna malagho gha ndodo iyo, ndee ukam'bukia ukighamba, “Ni ndodo-ki ihi kwailoda? Ikaia loli ini na mayo na wanyinyu dichakuchea oho na kukughoghomia hata andonyi?” Nao waruna wikakaia na iriso ibaa aighu yake,

KUZOYA 37:11

ela ndee ukakaia ukighiririkanya agho malagho.

DANIELI 10:16

Uo malaika ufwanane na mdamu ukaniadada momu ghwapo ngazoya kudeda. Ngamzera, “Ee bwana wapo, agha mawono ghanivavira, nani naasilwa putu.

DANIELI 10:8

Niko ngasigharika niekeri, na kuwona agho mawono mabaa; hata seresigharikieghe na ndighi ringi andenyi kwapo. Wushu ghwapo ghukaghaluka ghoobosha, ngasirilwa ni ndighi putu.

DANIELI 11:27

Na awo wazuri wawi wichasea kidombo meza imweri kuja vindo, wikikaia na wuwiwi ngolonyi kwawo. Wichakaia wikighoriana tee weni na weni, wisedimagha kuvikia kudumbua ilagho jingi; angu kutua kwawo kuchacha kwa ngelo ilaghirilo.

DANIELI 12:13

Ela oho Danieli, ghenda chia yako hata kutua. Oho kuchafwa kuhore, na sena kucharuka kupate ifungu ja ifwa jako ngelo ya kutua.”

DANIELI 12:9

Ukanitumbulia, “Ghenda chia yako Danieli, kwa kukaia malagho agha ni ngasu ikabilo mhuri hata kukatia kwa ngelo.

DANIELI 4:16

Akili rake nderighaluso sa ra nyamandu, hata miaka mfungade iide aighu yake.

DANIELI 4:19

Niko Danieli, uo uwangwagha Belteshazari, ukakambwa ni chongo kwa ngelo vui, ukiririkanya jeghora. Mzuri ukaghamba, “Belteshazari, iyo ndodo na kutambushira kwaro isekukambire chongo.” Belteshazari ukatumbulia, “Bwana wapo, iyo ndodo ndeikaie ya awo wizamilwagha ni oho, na kutambushira kwaro kukaie kwa wamaiza wako!

DANIELI 5:6

Niko fwana ya wushu ghwake ikaghaluka, maghesho mengi ghikawuka andenyi kwake; mawungo ghake ghikateweleka, na vitemberu vake vikakoda koda.

DANIELI 7:15

“Na ini Danieli, nerekoghe ngija wasi na kusumbulwa ni agho mawono andenyi kwapo.

DANIELI 8:1

Mwaka ghwa kadadu ghwa kubonya nguma kwake mzuri Belshazari, ini Danieli nerewonieghe mawono gha kawi.

DANIELI 8:17

Nao Gabrieli ukacha kaavui na andu nerekoghe kimusi; ngaobua na kughwa kiwushu-wushu. Ela uo ukanizera, “Manya ee Mwana wa mdamu, kukaia, agho mawono ni gha ngelo ra kutua.”

DANIELI 8:19

Ukanizera, “Ola nichakumanyisha iro maza richaakaia kutuonyi, ngelo ya machu gha Mlungu. Agho mawono ni kwa wundu ghwa ngelo ya kutua.

DANIELI 8:27

Ini Danieli ngalemwa na kuwuya mkongo kwa matuku mengi. Niko ngawuka na kuzoya kubonya kazi ra mzuri, ela nereshinuloghe ni agho mawono, hata seredimieghe kughitambua anduangi.

MARKO 9:15

Ahoeni, iji jija izungu ja wandu wammbona, wikashinika na ndighi, wikamkimbiria na kumroghua.

LUKA 2:19

Ela Maria ukaghiwika agho malagho ukighiririkanya ngolonyi kwake.

LUKA 2:51

Nao ukaghendanya nawo hata Nazareti, ukakaia ukiwisikira, na mae ukaghiwika malagho agho ghose ngolonyi kwake.

LUKA 9:44

“Deghenyi madu msikire agha malagho nicha; Mwana wa Mdamu uchafunywa mikonunyi kwa wandu.”