DANIELI 7:20 - Biblia Ilagho Jiboie Kwa Wandu Wose

²⁰ Wokoni ngakunda kumanya malagho gha iro mbembe ikumi rerekoghe chongonyi kwake, na ulo lwembe lorebukieghe lukarikua iro mbembe idadu; lwembe luja loni lorekoghe na meso, na momu ghudedagha malagho mabaa luwonekagha luko na kudima kuchumba wambao.

DANIELI 7:20 ပူးပေါင်းရင်းမြစ်များ

DANIELI 7:11

“Niko ngazighana kwa wundu ghwa malagho mabaa gherededwagha ni ulo lwembe. Hata iji nerekoghe ngizighanira, iyo nyamandu ikabwaghwa, na mumbi ghwake ghukanonwa; ghukafunywa ghukoro na modo.

DANIELI 7:19

“Niko ngakunda kumanya kuchumba malagho gha ija nyamandu ya kana, iyo iserefwananeghe na rija nyamandu zima, ibirie nandighi; iko na maghegho ghake gha chuma, na chwakule rake ra shaba; erebarieghe madiwo ghake na kuja kula kilambo, na kufasha-fasha masighariko gharo kwa maghu ghake.

DANIELI 7:21

“Nao iji nerekoghe ngizighana, ulo lwembe lukabonya wuda na waeli lukawisima;

DANIELI 7:23

“Niko ukanimanyisha: ‘Ija nyamandu ya kana ni wuzuri ghuchaawoneka ndoenyi; nagho ghuchakaia na wuchumbano na mawuzuri mazima. Wuzuri ugho ghuchasima ndoenyi kose; ghuchaichikanya na kuifasha fasha.

DANIELI 7:7

“Nyuma ya iro, nerewonieghe kwa mawono nakio, nyamandu ya kana eobosha na ya mashiniko; nayo erekoghe nandighi nyingi, na maghegho mabaa gha chuma; ikabara-bara madiwo ghake na kuja; ikafasha-fasha masighariko kwa maghu ghake. Erekoghe na wuchumbano m'baa na iro nyamandu zima rerekoghe imbiri yake; nayo erekoghe na mbembe ikumi.

DANIELI 7:8

Hata iji nerekoghe ngiririkanya iro mbembe, ngawona lwembe luzima lutinieri lukibuka na kuzoghua, lukakua mbembe idadu ra imbiri na virimba varo. Luja lwembe, lorekoghe na meso sa gha mdamu, na momu ghudedagha malagho mabaa.”

WUFUNUO 12:3

Na alama imu ikawoneka sena mlungunyi; choka mbaa ya mkundu, iko na vongo mfungade, mbembe ikumi na virumbu mfungade.