DANIELI 7:17 - Biblia Ilagho Jiboie Kwa Wandu Wose

¹⁷ ‘Iri nyamandu mbaa inya ni wazuri bana wichaawuka ndoenyi.

DANIELI 7:17 ပူးပေါင်းရင်းမြစ်များ

ZABURI 17:14

Kunikire na wandu wawiwi ee Bwana, awo wiko na kula kilambo wichikunde; kuwineke makabo ghikate, agho kughiwikie kwa wundu ghwawo; ghidimagha kuwikata wana wawo, hata na weke wawae.

DANIELI 7:16

Ngamsoghodera mndumu wa awo werekaieghe aho, ngamkotia wuloli ghwa agho mawono ghose. Niko ukanighoria na kunimanyisha kutambua kwaro maza iro rose.

DANIELI 7:18

Ela waeli wa Uo-Uko-Aighu-Nandighi wichapata ugho wuzuri, na kukaia nagho kwa kala na kala.’

JOHANE 18:36

Jesu ukamtumbulia, “Wuzuri ghwapo si ghwa wurumwengu ughu anduangi. Ngera wuzuri ghwapo ghodeeka ghwa wurumwengu ughu, kumangu wadumiki wapo wabonya wuda, eri nisewado ni Wayahudi; ela wuzuri ghwapo si ghwa wurumwengu anduangi.”

WUFUNUO 13:1

Nao ngawona nyamandu ikijoka kufuma baharinyi, iko na mbembe ikumi na vongo mfungade; iro mbembe rake rerekoghe na virumbu ikumi, na irina ja masholio aighu ya vongo vake.

WUFUNUO 13:11

Niko ngawona nyamandu zima sena ikijoka kufuma ndoenyi; nayo erekoghe na mbembe iwi sa mwana wa ng'ondi, na kudeda sa choka.