DANIELI 7:14 - Biblia Ilagho Jiboie Kwa Wandu Wose

¹⁴ Ukanekwa kubonya nguma, na wubaa, na wuzuri; eri wandu wa mbari rose, na kichuku na viteto, wipate kumdumikia. Kubonya nguma kwake ni kwa kala na kala, na wuzuri ghwake ndeghuchaanoneka anduangi.

DANIELI 7:14 ပူးပေါင်းရင်းမြစ်များ

ZABURI 102:22

ingelo wandu wa mbari zima na mawuzuri ghikwanagha chiaimweri kumtasa BWANA.

ZABURI 103:19

BWANA wachiwikie kifumbi chake cha nguma mlungunyi, nao wadawibonyera nguma wandu wose.

ZABURI 145:13

Wuzuri ghwako ni ghwa kala na kala, na nguma rako radua vivalwa hata vivalwa. BWANA ni mloli kwa malagho ghake ghose, nao ni mucha kwa mabonyo ghake ghose.

ZABURI 146:10

BWANA, ni mzuri uchabonya nguma kwa kala na kala; Mlungu wako ee Sioni, uchabonya nguma ngelo rose. BWANA ndekaso!

ZABURI 45:6

Kifumbi chako cha nguma ni cha Mlungu, chiadua kwa kala na kala; kwawibonyere wandu wako nguma kwa hachi;

ZABURI 72:11

Wazuri wose ndewimghoghomie, na mbari rose rimdumikie.

ZABURI 72:17

Irina ja mzuri ndejiduo kwa kala na kala, na sare yake iere na kukaia luma sa iruwa. Wandu ndewilombe irasimio kwa chia yake, na mbari ra wandu rose rimmbange mrasimilwa.

ZABURI 8:6

Kwamnekie nguma aighu ya vilambo vose kuvibonyere, na kuviwika vose vikaie aisi yake,

ISAYA 16:5

Niko icho kifumbi cha nguma chichamangishwa kwa lukundo lukatie, na umu wa kivalwa cha Daudi uko mloli uchachiseria, uo utanyagha ukilola hachi, nao ndemukagha kubonya hachi.)

ISAYA 60:12

Ela mbari ra wandu na wuzuri ugho ghose ghusekudumikiagha oho, ghuchatota; na mbari yaro ichasia toe.

ISAYA 9:6

Angu damerie kuvailwa mwana, danekelo mwana wa womi; nao uchadibonyera nguma, na irina jake uchawangwa, “Mnjama wa mashiniko,” “Mlungu Uwadie Ndighi,” “Aba wa kala na kala,” “M'baa wa sere.”

ISAYA 9:7

Kubonya nguma kwake kwa sere ndekuchaakaia na kutua kungi; Uchaseria kifumbi cha nguma cha ndee Daudi, ukighumangisha wuzuri ghwake kwa hachi na loli; kufuma idana hata kwa kala na kala. BWANA wa majeshi nuo uchaabonya agha.

DANIELI 2:35

Niko chuma, na feza, na shaba, na dhahabu, vose vikachika vipande vipande; vikawuya sa teri ya kwari kwalazi, na kiremba chikaweta na kuiduka noko, hata isemanyike wei kokoghe na kilambo aho. Ela ijo igho jereipotokieghe jikawuya ibaa na kuwuya mghondi m'baa hata ghukafinikira ndoenyi kose.

DANIELI 2:37

Oho ee mzuri, ko mzuri wa wazuri; Mlungu wa mlungunyi wakunekie wuzuri, na kudima, na ndighi, na wubaa.

DANIELI 2:44

Matuku gha awo wazuri, Mlungu wa mlungunyi uchawika wuzuri ghusechaanonwa jingi, hata nguma raro nderichaasighilwa mndungi. Wuzuri ugho ghuchachikanya-chikanya agha mawuzuri ghose, na kughimeria; nagho ghuchadua kwa kala na kala.

DANIELI 3:4

Itangazo jikabonywa kwa lwaka lubaa, “Inyo wandu wose wa mbari na viteto, mwalaghirwa

DANIELI 4:3

Iro alama rake ni mbaa saki, na mashiniko ghake ghawadie ndighi saki! Wuzuri ghwake ni ghwa kala na kala, nao wadabonya nguma kivalwa hata kivalwa.

DANIELI 6:26

Ini nafunya momu andenyi ya wuzuri ghwapo, wandu wiobuo na kusughisika imbiri ya Mlungu wa Danieli. Uo ni Mlungu uko moyo, uduagha kwa kala na kala; wuzuri ghwake ndeghuchaanonwa jingi; na nguma rake nderiwadie kutua kungi.

DANIELI 7:18

Ela waeli wa Uo-Uko-Aighu-Nandighi wichapata ugho wuzuri, na kukaia nagho kwa kala na kala.’

DANIELI 7:27

Niko wuzuri, na nguma rose na wubaa ghose ghwa agho mawuzuri gha ndoenyi ghichaanekwa waeli, awo wandu wa Uo Uko Aighu Na Ndighi, na wuzuri ghwawo ghuchakaia ghwa kala na kala. Wabonyi nguma wose wa ndoenyi wichawidumikia na kuwisikira.’

OBADIA 1:21

Wasimi wa Jerusalemu wichaikaba Edomu na kuibonyera nguma na BWANA moni uchakaia mzuri.”

MIKA 4:7

Wakelemeshero na kuwikwa kula na mzawo, ela nichabonya masighariko ghawo wizoe kwa wuwishi, ela wichawuya mbari mbaa. Kufuma ngelo iyo, nichawibonyera nguma aighu ya Mghondi ghwa Sioni kwa kala na kala.”

MATHAYO 11:27

Aba waninekie vilambo vose. Hata ndekuwadie ungi ummanyagha Mwana ela Aba, sena ndekuwadie mndungi ummanyagha Aba ela Mwana, na uo ose Mwana uchaakunda kumfunukuya.

MATHAYO 28:18

Jesu ukawichea ukawizera, “Namerie kunekwa nguma rose mlungunyi na ndoenyi.

LUKA 1:33

Nao uchaibonyera nguma nyumba ya Jakobo kwa kala na kala; na wuzuri ghwake ndeghuchaakaia na kutua kungi anduangi.”

LUKA 10:22

Nanekelo vilambo vose ni Aba; hata ndekuwadie mndungi ummanyagha Mwana nani, ela Aba moni, sena mndungi ndemmanyagha Aba nani, ela Mwana moni, na uo ose Mwana uchaamsaghua umfunukuye.”

JOHANE 12:34

Nao ijo izungu jikamtumbulia, “Isi daghorelwa ni Sharia edu angu Kristo uchadua kwa kala na kala. Yakaia wada oho kughora, ‘Suti Mwana wa Mdamu ujoso aighu?’ Uo Mwana wa Mdamu nani?”

JOHANE 3:35

Uja Aba wamkunde Mwana, nao wamnekie vilambo vose.

WAEBRANIA 12:28

Kwa huwo ndedifunye chawucha na kuboilwa kwa kuwusa wuzuri ghusedimagha kusughuswa; nesi ndedimtase Mlungu kwa chia im'boiagha, kwa ishima, na kuobua;

1 PETRO 3:22

uo umerie kughenda mlungunyi, nao oko chia ya mkonu ghwa kiwomi ghwa Mlungu; ukiwibonyera nguma weke malaika, na awo wibonyagha nguma na kudima.

WUFUNUO 1:6

na kudibonya dikaie wuzuri, na wakohani wedumika kwa Mlungu wake nao ni Ndee; kwake uo, ndeghukaie wubaa, na kubonya nguma kwa kala na kala. Amen.

WUFUNUO 11:15

Niko uo malaika wa mfungade ukaikaba tarumbeta yake, kukakaia na chwaka mbaa mlungunyi rikighamba, “Wuzuri ghwa wurumwengu ghwawuya wuzuri ghwa Bwana odu na ghwa Kristo wake, nao uchabonya nguma kwa kala na kala.”

WUFUNUO 17:14

Nawo wichalwa na uo Mwana wa Ng'ondi chiaimweri na awo wikwanye, werewangiloghe wikasaghulwa, nawo ni waloli; na uo Mwana wa Ng'ondi uchawisima, angu uo ni Bwana wa weke bwana na Mzuri wa wazuri.”

WUFUNUO 3:21

Uo usimagha, nichamrumiria kusea kidombo andwamweri nani kwa kifumbi chapo cha nguma seji koni ini neresimieghe na kusea kidombo andwamweri na Aba kwa kifumbi chake cha nguma.