DANIELI 6:7 - Biblia Ilagho Jiboie Kwa Wandu Wose

⁷ Wabaa wose wa wuzuri, wazighaniri, na wabaa wa masanga, wanjama na wabaa wose warumiriana kukaia mzuri udunge sharia na kuimangisha, kukaia, mndungi ukalomba kilambo chingi kwa mlungu ghungi, angu kwa mdamu, isaakaia ni kwako koni ee mzuri kwa matuku mirongo idadu, uchakumbwa andenyi ya kizimba cha shimba.

DANIELI 6:7 ပူးပေါင်းရင်းမြစ်များ

ZABURI 10:9

na kulaliria sa shimba ikuvisire, upate kummbwada iji wangia mdeghonyi ghwake.

ZABURI 2:2

Wazuri, wa ndoenyi wakupanga, na wabonyi nguma wabonya njama chiaimweri aighu ya BWANA na aighu ya Msaghulwa wake.

ZABURI 59:3

Hawo waawuyanilaliria wipate kunibwagha, wandu wibirie wakukwanya chiaimweri aighu yapo. Ini siwadie ikosa, hata kaung'a ingi ee BWANA.

ZABURI 59:5

Ee BWANA Mlungu wa majeshi, Mlungu wa Israeli, wuka kurikabe mbari rose ra wandu; kusesighe ungi wa awo wawuyabonya njama ra wuwiwi kwa mikalo.

ZABURI 62:4

Mookunda tu kumuinjira ishima jake. Mwadaboilwa ni kughora tee, Mwadarasimia kwa memu yenyu, ela kondenyi mwadawasira njowe.

ZABURI 83:5

Hee, warumiriana kwa ngolo imweri; wabonya ilaghano jekubonya kiwiwi.

ZABURI 94:20

Welee, wabonyi nguma wawiwi, awo wibonyagha sheshe kwa kutumia sharia, wadima kuwadana na oho?

DANIELI 2:4

Wababuloni wikamzera mzuri, “Ee mzuri, dua moyo kwa kala; dighorie isi wadumiki wako iyo ndodo, nesi dichakuwonyera kutambua kwaro.”

DANIELI 3:11

Na uo ose useghwagha na kutasa uchakumbwa andenyi ya iwiwi ja modo.

DANIELI 3:2

Nao mzuri Nebukadnezari ukaduma wandu wikwanye wabaa wose wa isanga; walindiri wa mali wose, na wabonyi nguma, na wanjama, na wawiki pesa, na watanyi wabaa na watini, na wandu wose wa veo va ighu, wiche kuiwika wakfu ija fwana oreibonyereghe.

DANIELI 3:27

Na wabaa wa isanga na wa serikali, na wanjama wa mzuri, wikakwana chiaimweri. Wikawona kukaia modo ndeghuwibonyere waja wandu ilagho jingi; hata kukaia na ndighi mimbinyi kwawo; maridia ghawo na nguwo rawo nderiwonie ilagho jingi, hata irumba ja modo ndejerekoghe kwawo anduangi.

DANIELI 3:6

Na uo ose useghwagha na kutasa, uchawadwa shwa wori na kukumbwa andenyi ya iwiwi ja modo.”

DANIELI 6:16

Mzuri ukafunya momu Danieli uredo. Nao ukaredwa na kukumbwa andenyi ya kizimba cha shimba. Mzuri ukamzera Danieli, “Mlungu wako uo kumdumikiagha tuli tuli ukukire!”

DANIELI 6:22

Mlungu wapo wamdumie malaika wake, na kuifunga memu ya shimba, naro nderinibonyere ilagho jingi anduangi, kwa kukaia serewonekieghe kukaia na ikosa jingi imbiri kwake; na hata imbiri kwako ee mzuri sibonyere ikosa jingi anduangi.”

MIKA 6:5

Ririkanyenyi ee wandu wapo, seji Balaki mzuri wa Moabu orem'bonyereghe mpango, na seji Baalamu mwana wa Beori oremtumbulieghe. Ririkanyenyi seji maza rerebonyekieghe kufuma Shitimu hata Gilgali; mpate kumanya kukaia nedebonya huwo nipate kumkira.”

NAHUMU 2:12

Shimba erekoghe ikibwagha madiwo ghake, na kudumbua vipande vipande kwa wundu ghwa shimba ya waka na wana wake; ikachura mbanga madiwo ghake, na nyama rirashulo-rashulo mirumenyi kwake.

MATHAYO 12:14

Ela Mafarisayo wikafuma shighadi wikabonya njama seji wichaadima kumtotesha Jesu.

MATHAYO 26:4

Wikabonya njama emmbwada Jesu kwa mikalo wimmbwaghe.

MARKO 15:1

Hata nakesho kio, wakohani wabaa, waghosi, walimu wa Sharia na wandu wa mwandu wose, wikabonya njama chia imweri, wikamfunya Jesu na kumghenja kwa Pilato.

JOHANE 12:10

Na wokoni wakohani wabaa wikabonya njama em'bwagha Lazaro,