DANIELI 6:4 - Biblia Ilagho Jiboie Kwa Wandu Wose

⁴ Niko waja wabaa wawi na waja wabaa wazima wikawoka kulola ilagho jingi jedima kumshitakia Danieli kwa wundu ghwa kuwona seji Danieli wawuyaghenjesha wuzuri, ela ndewerepatireghe ilagho jingi hata ikosa jingi kwa Danieli, kwa kukaia orekoghe mloli.

DANIELI 6:4 ပူးပေါင်းရင်းမြစ်များ

KUZOYA 41:38

Mzuri ukawizera wadumiki wake, “Welee, dadima kumpata hao mundu sa uhu uko na Roho wa Mlungu andenyi kwake.”

KUZOYA 43:18

Nao wikaobua na ndighi angu wereghenjeroghe nyumbenyi kwa Josefu wikaghamba, “Ni kwa wundu ghwa rija pesa rerewunjiroghe magunienyi kodu charo cha imbiri, niko daredwa aha upate kulola shekeria yaro, nao udiwade na kudibonya wazumba wake, na weke punda wedu uwiwuse.”

MAKATANISHO 29:27

Wandu wa hachi wadazamilwa ni wawiwi, na wandu wizamie wadazamilwa ni wandu wa hachi.

MCHILI 4:4

Wokoni nawonie kukaia kufunga ndighi kose, na wuya ghose ghwa kazi, ghwadashekerelwa ni mundu kukaia na iriso na mmbao. Iri naro ni maza ra duu; ni sa kulwa na mbeo.

JEREMIA 18:18

Niko awo wandu wikaghamba, “Choonyi dibonye njama aighu ya Jeremia, kwa kukaia na jingi sharia ndeichakaia isefunywaghwa ni wakohani, na njama nderichakaia risefumagha kwa wandu wa akili, na ilagho ja Mlungu ndejichaalekwa kughorwa ni walodi. Choonyi dimghorie malagho ghemsima, disewuesikiria malagho ghangi ghake.”

JEREMIA 18:23

Njama rawo renibwagha kwariichi putu ee BWANA; kusakewilekia kiwiwi chawo, hata kusakeivuta kaung'a yawo mesonyi kwako. Kuwichee ngelo ya machu ghako, kuwikumbe noko wifume kwako.”

JEREMIA 20:10

Kwa kukaia nasikira wandu wengi wikihohoria, “Kiture changia kula andu! Nndokonyi dimghore kwa wabaa, nndokonyi dimghore!” Waghenyi wapo wa ngolonyi waghamba wikiweseria kughwa kwapo, “Kewada uchakalilwa nesi dichamsima, dipate kulipa kisasi aighu yake.”

JEREMIA 29:7

Mlindie sere andenyi ya ugho muzi nam'bonya mdwalo wunyika, mghulombie ugho muzi kwapo ini BWANA, kwa kukaia ghukakaia na sere nenyo mchakaia na sere.

DANIELI 3:8

Ngelo iyo Wababuloni wamu wikacha na kuwishitakia Wayahudi.

DANIELI 5:12

Uo mundu Danieli orewangiloghe Belteshazari ni mzuri, orewonekieghe kukaia na roho iboie na ndighi emanya na kutambua ndodo, na ndawi, na kusasawua malagho. Idana duma Danieli uredo, nao uchakutambushira agha malagho.”

DANIELI 6:22

Mlungu wapo wamdumie malaika wake, na kuifunga memu ya shimba, naro nderinibonyere ilagho jingi anduangi, kwa kukaia serewonekieghe kukaia na ikosa jingi imbiri kwake; na hata imbiri kwako ee mzuri sibonyere ikosa jingi anduangi.”

MATHAYO 26:4

Wikabonya njama emmbwada Jesu kwa mikalo wimmbwaghe.

MATHAYO 27:18

Angu oremanyireghe waamfunya tu kwa wundu ghwa iriso jawo.

LUKA 20:20

Kwa huwu wikakaia wikilola ngelo ifwane, wikammbikia washeki wemzighanira, wikubonyagha weni kukaia waloli kwa Jesu, wipate ilagho jingi kwake jemshitakia kwa wabaa wa serikali.

LUKA 20:26

Hata ndeweredimieghe kummbwada kwa malagho ghake imbiri ya wandu anduangi, ela wikanyama kima wikishinikia agho matumbulio ghake.

LUKA 22:2

Wakohani wabaa na walimu wa Sharia werekoghe wikilola chia em'bwagha Jesu, angu werewiobueghe wandu.

JOHANE 19:4

Nao Pilato ukafuma shighadi sena ukawizera, “Ola hoyo namfunya shighadi konyu, mpate kumanya angu ini siwonie ikosa jingi kwake anduangi.”

2 WAKORINTHO 11:12

Ini nichadua ngibonya sa iji koni nawuyabonya, eri niwighirie awo wawuyaghora wikikukasa kwa wudumi ghwawo, wei kedi waawuyabonya sa isi diweni.

WAFILIPI 2:15

mpate kukaia wandu mseghorwagha kiwiwi, hata kukaia na ikosa jingi anduangi; wana wa Mlungu msewadie iboli jingi, aghadi ya kivalwa chinonekie na cha kaung'a; mking'ala-ng'ala aghadi kwawo sa miengere wurumwengunyi.

1 TIMOTHEO 5:14

Kwa wundu ugho, niawona waka wifuilo ni womi wawo wiko watini, wilowolo, wive wana, wiribonyere nguma nyumba rawo; wisechemneka mmaiza wulalo ghodisholia.

TITO 2:8

kwa madedo gha loli ghisedimagha kufunywa makosa; eri mtangali upate kufushwa waya, kwa kusowa ilagho jingi iwiwi jeghora.

1 PETRO 2:12

Mkaie na tabia ndicha aghadi ya wandu wa mbari zima; eri wikakaghora aighu yenyu wei mo wabonyi kiwiwi, wiriwone kazi renyu riboie, na kumkasa Mlungu ijo Ituku uchagha.

1 PETRO 3:16

mkikaia na nia ielie, eri iji mwadukanwa, awo wisholiagha tabia renyu riboie andenyi ya Kristo, wipate kufwa waya.

WATANYI 14:4

Ndee na mae ndeweremanyireghe kukaia ilagho ijo jedefuma kwa BWANA; angu BWANA odeeka kilola visababu kufuma kwa Wafilisti. Ngelo iyo Wafilisti wedeeka wikiwibonyera nguma Waisraeli.

1 SAMUELI 12:4

Nao wikaghamba, “Ndekudisokie kilambo chingi, hata kudikoronga; hata ndekuhongelo ni mndungi anduangi.”

1 SAMUELI 18:14

ukabonya nicha kwa kula ilagho orekoghe ukijibonya; kwa kukaia BWANA orekoghe andwamweri nao.

1 SAMUELI 22:14

Ahimeleki ukatumbulia mzuri, “Nechi Daudi nuo urumirikie aghadi ya wabaa wako, sena ni mghosi wako na m'baa wa masikari ghekulindia, sena unekelo ishima nyumbenyi kwako.