DANIELI 6:26 - Biblia Ilagho Jiboie Kwa Wandu Wose

²⁶ Ini nafunya momu andenyi ya wuzuri ghwapo, wandu wiobuo na kusughisika imbiri ya Mlungu wa Danieli. Uo ni Mlungu uko moyo, uduagha kwa kala na kala; wuzuri ghwake ndeghuchaanonwa jingi; na nguma rake nderiwadie kutua kungi.

DANIELI 6:26 ပူးပေါင်းရင်းမြစ်များ

EZRA 1:3

Mlungu ndekaie nenyo mmbose muko wandu wake. Ghendenyi Jerusalemu muiaghe sena Hekalu ya BWANA, Mlungu wa Israeli, uo utaswagha Jerusalemu.

EZRA 7:21

“Na ini, Mzuri Artashasta nafunya momu kwa wawiki pesa wose wa isanga ja magharibi ya Moda ghwa Eufrate huwu: Ijo jose Ezra mkohani na mwalimu wa Sharia ya Mlungu wa mlungunyi uchaajikunda konyu, mjibonye kwa kufunga ndighi kose.

ZABURI 119:120

Naawuyakuobua; niaobua matanyo ghako.

ZABURI 146:10

BWANA, ni mzuri uchabonya nguma kwa kala na kala; Mlungu wako ee Sioni, uchabonya nguma ngelo rose. BWANA ndekaso!

ZABURI 2:11

Mdumikienyi BWANA kwa kuobua na kukusera.

ZABURI 29:10

BWANA waghibonyere machi ghimilie nguma wasea kidombo kifumbinyi cha nguma ukikaia mzuri kwa kala na kala.

ZABURI 42:2

Nakaia na kau ya Mlungu, uo Mlungu uko moyo. Niendammbona Mlungu lii?

ISAYA 66:2

Ni ini moni nerevibonyereghe vilambo ivi vose, na vose ni vapo. Ini nadaboilwa ni mundu ukuserie, uko na roho ya wumboa na kusughusikia ilagho japo.

ISAYA 9:7

Kubonya nguma kwake kwa sere ndekuchaakaia na kutua kungi; Uchaseria kifumbi cha nguma cha ndee Daudi, ukighumangisha wuzuri ghwake kwa hachi na loli; kufuma idana hata kwa kala na kala. BWANA wa majeshi nuo uchaabonya agha.

JEREMIA 10:10

Ela BWANA ni Mlungu wa loli; Uo ni Mlungu uko moyo, na Mzuri wa kala na kala. Ndoe yadasughuswa ni machu ghake, iro mbari ra wandu nderidimagha kurumaghia lubio lwake.

DANIELI 2:44

Matuku gha awo wazuri, Mlungu wa mlungunyi uchawika wuzuri ghusechaanonwa jingi, hata nguma raro nderichaasighilwa mndungi. Wuzuri ugho ghuchachikanya-chikanya agha mawuzuri ghose, na kughimeria; nagho ghuchadua kwa kala na kala.

DANIELI 3:29

Kwa huwo, ini nafunya momu kukaia, Wandu wangi wa mbari ingi, angu wa kiteto chingi wichaaghora ilagho jingi aighu ya Mlungu wa Shadraka, Meshaki, na Abednego, wichadumbulwa viluponge viluponge, na nyumba rawo richachikanywa na kuinjwa. Ndekuwadie mlungu ghungi mzima ghudimagha kukira kwa chia ihi anduangi.”

DANIELI 4:3

Iro alama rake ni mbaa saki, na mashiniko ghake ghawadie ndighi saki! Wuzuri ghwake ni ghwa kala na kala, nao wadabonya nguma kivalwa hata kivalwa.

DANIELI 4:34

Nebukadnezari ukaghamba, “Kutua kwa agho matuku, ini Nebukadnezari nerewusireghe meso ghapo cha mlungunyi, nawurilwa ni akili rapo, ngamkasa Uo-Uko-Aighu-Nandighi, ngamkasa na kumneka ishima uo uduagha moyo kwa kala na kala. Uo wadabonya nguma kwa kala na kala, na wuzuri ghwake ghwadakaia vivalwa na vivalwa.

DANIELI 6:20

Hata iji orevikieghe kaavui andu Danieli orekumbiloghe, ukakema kwa lwaka lwa wasi, ukamzera Danieli, “Ee Danieli, mdumiki wa Mlungu uko moyo, welee, Mlungu wako kumdumikiagha tulituli wadimie kukukira kusejigho ni shimba?”

DANIELI 7:14

Ukanekwa kubonya nguma, na wubaa, na wuzuri; eri wandu wa mbari rose, na kichuku na viteto, wipate kumdumikia. Kubonya nguma kwake ni kwa kala na kala, na wuzuri ghwake ndeghuchaanoneka anduangi.

DANIELI 7:27

Niko wuzuri, na nguma rose na wubaa ghose ghwa agho mawuzuri gha ndoenyi ghichaanekwa waeli, awo wandu wa Uo Uko Aighu Na Ndighi, na wuzuri ghwawo ghuchakaia ghwa kala na kala. Wabonyi nguma wose wa ndoenyi wichawidumikia na kuwisikira.’

HOSEA 1:10

Elaima sena mtalo ghwa wandu wa Israeli ghuchakaia sa msangagha ghwa baharinyi, ghusepimikagha hata ghusetalikagha anduangi. Na andu Mlungu orewizerieghe, “Inyo ndemko wandu wapo,” uchawizera konyuma, “Inyo mo wana wa Mlungu uko moyo.”

MALAKI 3:6

“Ini ne BWANA sighalukagha. Na inyo ee kivalwa cha Jakobo, ndemchaamerelwa putu anduangi.

MATHAYO 6:13

Kusakedikumba matimonyi, Ela kudikire na uja Mmbiwi.’

LUKA 1:33

Nao uchaibonyera nguma nyumba ya Jakobo kwa kala na kala; na wuzuri ghwake ndeghuchaakaia na kutua kungi anduangi.”

LUKA 12:5

Ela nichammbonyera uo ufwane kuobolwa, muobuonyi uo nyuma ya kubwagha, uko nandighi rekumba jehanamunyi, ee namghoria, muobuonyi Uo.

MABONYO GHA WADUMI 17:25

Hata ndedumikilwagha kwa mikonu ya wandu seji oosowa kindo chingi anduangi; angu uo moni nuo uwinekagha wandu wose irangi, miruke, na vilambo vose.

WAROMA 9:26

Na aja koni ighorelo, ‘Inyo ndemko wandu wapo’, wichawangwa ‘Wana wa Mlungu uko moyo.’”

WUKUMBUSO 5:26

Ni mdamu uao usikire Mlungu uko moyo ukighora aghadi ya modo seji dasikira nao ukakaia moyo?

1 WATHESALONIKE 1:9

Awo wandu weni waawuyaja malagho ghedu, seji moredikaribishireghe, na seji moresighieghe milimu, na kumghalukia Mlungu; mpate kumdumikia Mlungu wa loli uko moyo,

WAEBRANIA 12:29

angu Mlungu odu, ni modo ghubirie, ghulunguragha.

JAKOBO 1:17

Kula kuneka kuboie, na kula inosi jikatie, jadafuma aighu, jikisea kufuma kwa uja Aba wa miengere. Uo ndeughalukagha, hata kukaia na kiju cheghaluka anduangi.

WUFUNUO 11:15

Niko uo malaika wa mfungade ukaikaba tarumbeta yake, kukakaia na chwaka mbaa mlungunyi rikighamba, “Wuzuri ghwa wurumwengu ghwawuya wuzuri ghwa Bwana odu na ghwa Kristo wake, nao uchabonya nguma kwa kala na kala.”

WUFUNUO 4:10

awo waghosi mirongo iwi na bana wadaghwa kijimijimi imbiri yake uo uko kidombo kifumbinyi cha nguma, na kumtasa uo uduagha moyo kwa kala na kala. Nawo wakumba virumbu vawo imbiri ya icho kifumbi cha nguma wikibora:

WUFUNUO 5:14

Na iro nyamandu riko moyo inya rikaghamba, “Amen”, na awo waghosi wikaghwa kijimijimi na kutasa.

1 SAMUELI 17:26

Daudi ukawizera awo wandu werekwanyeghe, “Mundu ukam'bwagha u Mfilisti na kuinjira Israeli ughu waya ubonyerwa kii? U Mfilisti useshamishiro ni kilamboki hata udime kazaruma majeshi gha Mlungu uko moyo?”

1 SAMUELI 17:36

Mdumiki wako wabwaghie shimba na kibarabara wori; na uhu Mfilisti useshamishiro uchakaia sa imu ya iro nyamandu, kwa kukaia wawuyamenya majeshi gha Mlungu uko moyo.”