DANIELI 6:23 - Biblia Ilagho Jiboie Kwa Wandu Wose

²³ Nao mzuri ukaboilwa nandighi; ukafunya momu Danieli ujoso na kufunywa kizimbenyi cha shimba. Niko Danieli ukajoswa na kufunywa kizimbenyi cha shimba, nao nderekoghe na alama ingi eshoghonolwa iwonekagha mumbinyi kwake, kwa kukaia orekoghe ukimrumiria Mlungu wake.

DANIELI 6:23 ပူးပေါင်းရင်းမြစ်များ

1 WAZURI 5:7

Hiramu uendasikira malagho gha Solomoni; ukaboilwa na ndighi ukaghamba, “BWANA ndekaso idime, kwa kukaia wamneka Daudi mwana uko na hikima upate kuibonyera nguma mbari ihi mbaa.”

1 MALAGHO GHA NGELO 5:20

wikawisima wose angu weremlilieghe Mlungu ngelo wiko wudenyi, nao ukawitumbulia ilombi jawo kwa kukaia werekusaghikieghe kwake.

2 MALAGHO GHA NGELO 20:20

Wikawuka nakesho kio, wikaghenda cha kireti cha Tekoa; hata iji werekoghe wikighenda, Jehoshafati ukawuka kimusi ukaghamba, “Nisikirenyi inyo wandu wa Juda nenyo mkaiagha Jerusalemu! Mrumirienyi BWANA Mlungu onyu nenyo mchamangishwa; wirumirienyi walodi wake, nenyo mchasima.”

ZABURI 18:21

Nailindirie sharia ya BWANA, hata sikosere kwa kumsigha Mlungu wapo anduangi.

ZABURI 37:40

BWANA wadawitesia na kuwivuvua, wadawivuvua kufuma kwa wandu wawiwi na kuwikira, angu wikusaghikagha kwake.

KUFUMA 18:9

Hata iji Jethro wasikira seji BWANA orebonyereghe nicha kwa Waisraeli kwa kuwikira na mkonu ghwa Wamisri, ukaboilwa,

MAKATANISHO 18:10

Irina ja BWANA ni mnara ghumange; mhachi wadaghukimbiria na kukaia banana.

ISAYA 26:3

Uo mundu nia yake uimangishire kwako ee Mlungu, kwadammbika andenyi ya sere ikatie; angu wakurumiria oho.

DANIELI 3:17

Ikakaia ni huwo, Mlungu odu, uo dimdumikiagha wadima kudikira na ijo iwiwi ja modo, nao uchadikira na mkonu ghwako ee mzuri.

DANIELI 3:25

Nao ukawizera, “Ela naawuyawona wandu bana wifungulo, nawo waawuyasela andenyi ya modo wisewonagha ilagho jingi! Na fwana ya uo mundu wa kana ooka sa awo wana wa milungu.”

DANIELI 6:14

Mzuri uendasikira agho malagho, ukaja wasi nandighi, ukasindapima dii ukilola chia emkira Danieli, ukatima nandighi hata iruwa jikaneng'ena ukilola chia emkira.

DANIELI 6:18

Mzuri ukawuya cha ngomenyi kwake, ukalalafunga tumu chee, na ngoma ringi nderikabilo, hata dilo rikaela.

MARKO 9:23

Jesu ukamzera, “Ngera kwadima! Nechi maza rose radimika kwa uhu urumiriagha.”

WAEBRANIA 11:33

wandu awo kwa irumirio, weresimieghe mawuzuri, wikawika hachi, wikapata malaghiro, wikafunga memu ya shimba,