DANIELI 6:2 - Biblia Ilagho Jiboie Kwa Wandu Wose

² Na aighu ya awo, ukawika wabaa wamu wadadu wewizighana, Danieli ukikaia umu wawo. Werewikiloghe wiredeloghe mtalo ghwa maza ra isanga ni waja wabaa, eri mzuri usepate hasara.

DANIELI 6:2 ပူးပေါင်းရင်းမြစ်များ

EZRA 4:22

Lindia kusebonye iji ilagho mboa; kwaki maza ridimagha kuzama hata mzuri ungie ndengonyi?”

ESTA 7:4

Kwa kukaia ini, na wandu wapo damerie kuuzwa, eri dibwagho kuseko na wughoma ghungi, dimerelo putu. Ngera wei dedeuzwa dikaie wazumba womi na waka, sakaiagha na ilagho jingi jekusumbua, nadakaia kima. Kwa kukaia wasi ghodu ndeghudimagha kukatanishwa na hasara mzuri uchaipata.”

MAKATANISHO 26:6

Kumduma mkelu ughenje malagho, ni sa mundu kukudumbua maghu ghake moni, na kukulolia malagho.

MAKATANISHO 3:16

Hikima yadakuneka matuku mengi; na mali na ishima.

DANIELI 5:16

Ela nasikira wei oho kwadima kutambua na kusasawua maza rikurie. Kukadima kunishomia ghaja maandiko na kunimanyisha kutambua kwaro, kucharushwa marwao gha zambarau, na kungirwa mkufu ghwa dhahabu singonyi kwako; na oho kuchakaia wa cheo cha kadadu andenyi ya wazuri.”

DANIELI 5:29

Niko Belshazari ukafunya momu Danieli urusho mwarwao gha zambarau, na kungirwa mkufu ghwa dhahabu singonyi kwake; sena itangazo jibonyo kukaia uchakaia wa cheo cha kadadu andenyi ya wuzuri.

DANIELI 5:7

Mzuri ukakema kwa lwaka; ukalomba wasawi, na Wababuloni, na wamanyi wa nyerinyeri wiredo. Ukawizera wandu wa hikima wa Babuloni, “Mundu uo ose uchaashoma maandiko agha, na kunighoria kutambushira kwaro, ucharushwa marwao gha zambarau, na kungirwa mkufu ghwa dhahabu singonyi kwake; nao uchakaia mundu wa kadadu kwa wuzuri ghwapo.”

DANIELI 6:1

Dario orewonieghe nicha kuwika wabaa ighana na mirongo iwi andenyi ya wuzuri ghwake ghose.

MATHAYO 18:23

Niko huwu wuzuri ghwa mlungunyi ghwafanana na mzuri umu orekundieghe kulawua mitalo ya wadumiki wake.

LUKA 16:2

Ukammbanga na kumzera, ‘Ni malaghoki agha nawuyasikira aighu yako? Niredie mtalo ghwa wunyapara ghwako; angu ndekuchaakaia mnyapara sena.’

1 WAKORINTHO 4:2

Sena yakundikie wazighaniri wikaie waloli.

1 SAMUELI 2:30

Ini BWANA Mlungu wa Israeli nerelaghirieghe kukaia oho na kivalwa chako chichanidumikia kwa wukohani matuku ghose; ela idana, naghamba agho sichaaghibonya putu; kwa kukaia nadawitala awa winitalagha, na kuwimenya awo winimenyagha.