DANIELI 6:16 - Biblia Ilagho Jiboie Kwa Wandu Wose

¹⁶ Mzuri ukafunya momu Danieli uredo. Nao ukaredwa na kukumbwa andenyi ya kizimba cha shimba. Mzuri ukamzera Danieli, “Mlungu wako uo kumdumikiagha tuli tuli ukukire!”

DANIELI 6:16 ပူးပေါင်းရင်းမြစ်များ

2 SAMUELI 3:39

Na ini idime nawuya mnyonge, hata ngera nashingilo mavuda nikaie mzuri; awana wa Seruia waniredia wasi m'baa. BWANA ndemlipe m'bonyi kiwiwi kunughana na wuwiwi ghwake.”

AYUBU 5:19

Kukapatwa ni wasi mando arandadu, uchakukira; hata indo ja mfungade, ndekuchaapatwa ni kiwiwi chingi.

MAKATANISHO 29:25

Kumuobua mdamu, ni mdegho; ela uo ukusaghikagha na BWANA uchakaia banana.

ISAYA 41:10

Msakeobua, angu neko andwamweri na inyo, msekambo ni chongo, angu Ini ne Mlungu onyu. Nichamchuria ndighi, nichamtesia; nichammaziria na kumsimia kwa ndighi rapo.

ISAYA 43:2

Hata ngera kwaida aghadi ya machi mengi, ini nichakaia andwamweri na oho. Kukaida aghadi ya meda ya machi mengi, ndegichaakudwa anduangi. Kukaida aghadi ya modo, ndekuchaahia; hata lumu lwa modo lukakuleta, ndekuchaalungua anduangi.

JEREMIA 26:14

Ela kwapo ini, wonenyi neko mkonunyi konyu; nibonyerenyi agho mughiwonagha kukaia mecha na gha hachi konyu.

JEREMIA 38:5

Mzuri Zedekia ukaghamba, “Olenyi hoyo oko mikonunyi konyu; kwa kukaia mzuri ndedimagha kusimana nenyo.”

JEREMIA 38:6

Nao wikaniwada wikanikumba andenyi ya kisima cha mwana wa mzuri Malkia, icho cherekoghe andenyi ya waza ya mlindiri; wikinisera na kamba. Ndekorekoghe na machi ghangi andenyi ya icho kisima, ela kizozo kiduu; ngangia nokondenyi aho kizozonyi.

JEREMIA 39:17

Ela oho nichakukira, hata ndekuchaangirwa mikonunyi kwa awo wandu kwawuyawiobua anduangi.

DANIELI 3:15

Idana iji mwasikira lwaka lwa tarumbeta, na misherembe, na zeze, na ngoma, na kayamba, na firimbi, na kula kilambo chebora, mugho kiwushu-wushu na kuitasa ija fwana ya dhahabu niibonyere. Kamanya muko tayari kubonya huwo, ichakaia nicha; ela mkalegha, mchakumbwa shwa-shwa andenyi ya iwiwi ja modo. Na oko hao mlungu udimagha kumkira na mkonu ghwapo?”

DANIELI 3:17

Ikakaia ni huwo, Mlungu odu, uo dimdumikiagha wadima kudikira na ijo iwiwi ja modo, nao uchadikira na mkonu ghwako ee mzuri.

DANIELI 3:28

Nebukadnezari ukaghamba, “Mlungu wa Shadraka, Meshaki na Abednego ndekaso, uo umdumie malaika wake kuwikira wadumiki wake. Weremrumrieghe na kuleghatala momu ghwapo; wikakaia tayari kufunya mimbi yawo kuchumba kudumikia na kutasa mlungu ghungi isaakaia ni Mlungu wawo moni.

DANIELI 6:20

Hata iji orevikieghe kaavui andu Danieli orekumbiloghe, ukakema kwa lwaka lwa wasi, ukamzera Danieli, “Ee Danieli, mdumiki wa Mlungu uko moyo, welee, Mlungu wako kumdumikiagha tulituli wadimie kukukira kusejigho ni shimba?”

DANIELI 6:7

Wabaa wose wa wuzuri, wazighaniri, na wabaa wa masanga, wanjama na wabaa wose warumiriana kukaia mzuri udunge sharia na kuimangisha, kukaia, mndungi ukalomba kilambo chingi kwa mlungu ghungi, angu kwa mdamu, isaakaia ni kwako koni ee mzuri kwa matuku mirongo idadu, uchakumbwa andenyi ya kizimba cha shimba.

MABONYO GHA WADUMI 24:27

Ela miaka iwi iendasia, Porikio Festo orewadieghe wulalo ghwa Felike, na Felike ukikunda kuwiboia Wayahudi, ukamsigha Paulo jela.

MABONYO GHA WADUMI 25:11

Ikakaia niko mmbiwi, nani nabonyere ikosa jingi jinifwane nibwagho, ini sileghagha kufwa anduangi; ela ikakaia nisewadie ikosa aighu ya agho winishitakiagha nagho, mndungi ndenifunyagha kwawo anduangi. Nakata pili kwa Kaisari.”

MABONYO GHA WADUMI 25:9

Ela Festo ukikunda uwiboie Wayahudi, ukamkotia Paulo, “Kwakunde kujoke Jerusalemu kutanyo ajaeni imbiri kwapo aighu ya maza iri kushitakilwagha naro?” Paulo ukaghamba,

WAROMA 13:3

Angu awo wibonyagha nguma ndewiobolwagha ni awo wibonyagha nicha anduangi, ela wadaobolwa ni awo wibonyagha kiwiwi. Kwakunde kusemuobuo uo ubonyagha nguma? Bonya nicha, na oho kuchawona ukikurumiria;

2 WAKORINTHO 1:10

nao wadikirie na ndengwa ya kifwa, sena uchadikira; na isi daawuyamsuwiria, uo uchaachuria kudikira.