DANIELI 6:12 - Biblia Ilagho Jiboie Kwa Wandu Wose

¹² Niko wikacha kwa mzuri wikamzera, “Ee mzuri, oho kwadungie sharia kukaikaba mhuri na kuingira sahihi kukaia mndungi ukalomba kindo chingi kwa mlungu ghungi angu kwa mundu, isaakaia ni kwako ee mzuri kwa matuku mirongo idadu, uchakumbwa andenyi ya kizimba cha shimba.” Mzuri ukatumbulia, “Niko koni kunughana na sharia ya Waamedi na Wapashia iseghaluswagha.”

DANIELI 6:12 ပူးပေါင်းရင်းမြစ်များ

ESTA 1:19

Idana iji kwakunda ee mzuri, kufunye momu Malkia Vashti useche kwako sena. Momu ugho ghuandiko kuinugha sharia ya Pashia na Media iseghalukagha, na ughu wumalkia kumneka muka mzima ufwanagha.

DANIELI 6:15

Niko waja wandu wikacha kwa nia imweri kwa mzuri, wikamzera, “Ee mzuri, sharia ija kuimanye ni ya Waamedi na Wapashia kukaia, momu ghungi ghwa mzuri ndeghudimagha kughaluswa.”

DANIELI 6:8

Idana ee mzuri, imangishe kwa kuikaba mhuri na kuingira sahihi eri iseghalulo kwa kunugha sharia ra Waamedi na Wapashia iseghaluswagha.”

MABONYO GHA WADUMI 16:19

Ela iji weke bwana wake wawona seji isuwirio ja fwaida yawo jasia, wikawiwada Paulo na Sila wikawikurudua na kuwighenja sokonyi kwa wabaa.

MABONYO GHA WADUMI 16:24

Na m'baa wa jela uendawusa malaghiro agho, ukawingira chumba cha ndenyi na kuwifunganya maghu ghawo na vilingo.