DANIELI 5:6 - Biblia Ilagho Jiboie Kwa Wandu Wose

⁶ Niko fwana ya wushu ghwake ikaghaluka, maghesho mengi ghikawuka andenyi kwake; mawungo ghake ghikateweleka, na vitemberu vake vikakoda koda.

DANIELI 5:6 ပူးပေါင်းရင်းမြစ်များ

ZABURI 22:14

Ndighi rapo ranisia sa machi ghadilwa andonyi; maindi ghapo ghose ghawinika, na ngolo yapo yakaia sa sungu yasagha andenyi kwapo.

ZABURI 69:23

Kuwibwaghe meso ghawo wisewone, na viwonu vawo kuvingire wunyonge ghwa toe.

ISAYA 35:3

Ibonyerenyi ndighi iyo mikonu itewelekagha, na vitemberu visewadie ndighi.

ISAYA 5:27

Ndewisilwagha hata ndewikuwagha, ndewidungumiagha hata ndewilalagha; mkowa ghwa kiwonunyi ndeghufungukagha, hata kamba ya chadu ndeidumbukagha anduangi.

JEREMIA 50:43

“Mzuri wa Babuloni wasikire malagho gharo mikonu yake ikateweleka; ukangilwa ni luwawo, sa lwa muka ukumbagha lufu lwa kuva.

EZEKIELI 21:7

Nawo wikakukotia, ‘Kwaki kusoriagha ngolo huwo?’ Kuwizere, ni kwa wundu ghwa maza rawuyacha. Rikacha, kula ngolo ichachulwa ni kiture, na mikonu ichateweleka; roho richadumbuka, na vitemberu vichaselwa ni mbogha. Ola iro maza riacha, naro richakatishwa.”

EZEKIELI 7:17

Mikonu yose ichateweleka, na vitemberu vose vichaselwa ni mbogha sa machi.

DANIELI 2:1

Mzuri Nebukadnezari ukibonya nguma, mwaka ghwake ghwa kawi orelodieghe ndodo ikamjisha wasi ngolonyi, na dilo rake rikaela.

DANIELI 3:19

Niko Nebukadnezari ukajokwa ni machu loli loli, na wushu ghwake ghukaghaluka aighu ya Shadraka, na Meshaki, na Abednego. Ukafunya momu jija iwiwi ja modo jichurilo mando mfungade kuchumba seji modo ghwaro ghorekundikieghe.

DANIELI 4:19

Niko Danieli, uo uwangwagha Belteshazari, ukakambwa ni chongo kwa ngelo vui, ukiririkanya jeghora. Mzuri ukaghamba, “Belteshazari, iyo ndodo na kutambushira kwaro isekukambire chongo.” Belteshazari ukatumbulia, “Bwana wapo, iyo ndodo ndeikaie ya awo wizamilwagha ni oho, na kutambushira kwaro kukaie kwa wamaiza wako!

DANIELI 4:5

Ngaloda ndodo ikaniobosha, ngelo nerekoghe nalala wulinyi kwapo ngiririkanya na kughesha malagho, nao ngaturukia.

DANIELI 5:5

Shwa wori mkonu ghwa mundu ghukawoneka ghukiandika aighu ya wurigha ghwa ngome ya mzuri kulangaya kilambo chewikiria taa; mzuri ukawona ugho mkonu ghukiandika.

DANIELI 7:28

Uku niko kutua kwa maza iro; na ini Danieli, ngaja wasi andenyi ya maririkanyo ghapo loli loli, hata fwana yapo ikaghaluka; ela ngawika iro maza ngolonyi kwapo.”

NAHUMU 2:10

Nineve yatoteshwa, yakimbilwa na kusighwa nduu; Wandu wafwa ngolo kwa wowa, vitemberu vawo viasughusika na ndighi rawo rasia, na mawushu ghaghaluka gha mshashu.

WAEBRANIA 12:12

Kwa huwo iwusirenyi mikonu yenyu iko minyonge na kuvifungisha ndighi vitemberu venyu vitewelekagha.