DANIELI 5:5 - Biblia Ilagho Jiboie Kwa Wandu Wose

⁵ Shwa wori mkonu ghwa mundu ghukawoneka ghukiandika aighu ya wurigha ghwa ngome ya mzuri kulangaya kilambo chewikiria taa; mzuri ukawona ugho mkonu ghukiandika.

DANIELI 5:5 ပူးပေါင်းရင်းမြစ်များ

AYUBU 20:5

Kukaia mundu mmbiwi wadaboilwa kwa ngelo vui; kuboilwa kwa mundu usene kuobua kwa Mlungu ni kwa ngelo vui.

MAKATANISHO 29:1

Uo ukanilwagha mando malazi, ukichuria kughilika, uchanoneka shwa hata ndechaadima kuboiswa anduangi.

JEREMIA 50:43

“Mzuri wa Babuloni wasikire malagho gharo mikonu yake ikateweleka; ukangilwa ni luwawo, sa lwa muka ukumbagha lufu lwa kuva.

DANIELI 4:31

Hata imbiri ya madedo agho kusia momunyi kwa mzuri, lwaka lukacha kufuma mlungunyi lukighamba, “Ee Mzuri Nebukadnezari, kwazerwa huwu: Wuzuri ghwameria kuinjwa kwako.

DANIELI 4:33

Agho malagho ghikakatishwa aighu ya Nebukadnezari shwa wori. Ukaghenjwa noko kufuma kwa wandu; ukaja nyasi sa ng'ombe, na mumbi ghwake ghukakabwa ni mami kwa mishushure ya mlungunyi, hata iridia jake jikazogua na kuwuya ilacha sa mafuri gha indu, na chwakule rake rikawuya ndacha sa ra nyonyi.

DANIELI 5:15

Idana wandu wa hikima na waghanga waredwa kwapo winishomie ghaja maandiko na kunimanyisha kutambua kwaro, ela ndewidimie kunitambushira agho malagho.

DANIELI 5:4

Wikanywa divei, wikawoka kuikasa milungu ibonyero kwa dhahabu na feza, na shaba, na chuma, na midi na magho.

DANIELI 5:6

Niko fwana ya wushu ghwake ikaghaluka, maghesho mengi ghikawuka andenyi kwake; mawungo ghake ghikateweleka, na vitemberu vake vikakoda koda.

DANIELI 5:8

Niko wandu wa hikima wose wa mzuri wikacha, ela ndeweredimieghe kushoma maandiko hata kummbonyera mzuri kutambua kwaro anduangi.

WAKOLOSAI 2:14

na kuivuta ija karatasi ya mashitakio erekoghe ikidishitakia kwa sharia raro; nayo oreiwikieghe na mbai, ukiiwamba aighu ya msalaba.