DANIELI 5:3 - Biblia Ilagho Jiboie Kwa Wandu Wose

³ Niko wandu wikavireda vija vilambo va dhahabu na va feza veredwaloghe kufuma Hekalunyi, iyo nyumba ya Mlungu iko Jerusalemu; mzuri na wabaa wake wa isanga, na waka wake wekanya, wikanywa navo divei.

DANIELI 5:3 ပူးပေါင်းရင်းမြစ်များ

2 MALAGHO GHA NGELO 36:18

Ukawada vilambo vose va Hekalu, vibaa na vitini, na mali ya Hekalu, na mali ya mzuri, na wanjama wake, ukavidwa cha Babuloni.

ISAYA 5:14

Kwa huwo Andu kwa Wafu kwakaia na bea mbaa, kwatambarua momu ghwake kuwimila; wabaa wa Jerusalemu na wandu wawo wengi wasea aho, chiaimweri na wandu wake wengi wizumagha andenyi yaro.

JEREMIA 50:28

“Sikirenyi wandu weredwaloghe wunyika wikimbiagha kufuma Babuloni, wipate kueresha kulipa kisasi kwa BWANA Mlungu onyu andenyi ya Sioni, kwa wundu ghwa Hekalu yake.

DANIELI 5:2

Nao iji Belshazari orekoghe ukinywa divei, ukafunya momu vija vikombe na bakuli ra dhahabu na feza iro ndee Nebukadnezari orerifunyireghe Hekalunyi Jerusalemu riredo; eri mzuri, na wabaa wake wa isanga, na waka wake wekanya wipate kunywa naro.

DANIELI 5:23

ela kwakujosere kumoni aighu ya BWANA wa mlungunyi, kukareda vikombe na bakuli ra Hekalu yake na kunywa navo divei chiaimweri na wabaa wako wa isanga, na waka wako, na waka wako wekanya. Kukaikasa milungu iyo ibonyero kwa feza na dhahabu, na shaba, na chuma, na midi, na magho isewonagha, hata isesikiragha, angu kumanya ilagho jingi; kukamsowia ishima uo Mlungu umaziriagha miruke yako na mighendo yako yose.

DANIELI 5:4

Wikanywa divei, wikawoka kuikasa milungu ibonyero kwa dhahabu na feza, na shaba, na chuma, na midi na magho.

HOSEA 2:8

Nao nderemanyireghe wei ni ini nerekoghe ngimneka viro, na divei, na mavuda nderemanyireghe wei ni ini neremnekagha feza na dhahabu iro wereritumiagha kumtasa Baali.

HABAKUKI 1:11

Nawo wadaida sa mbeo, na kughenda chia rawo; wandu awa ni wawiwi, na wudimi ghwawo ni mlungu wawo.”

MALAKI 1:12

Ela inyo mwaawuyanisowia ishima iji mghoragha wei madhabahu yapo ndeifwane na iji mfunyagha vizongona vilue aighu yaro.

1 WATHESALONIKE 5:3

Iji wandu wakaghora, “Ni sere na banana” niko kutota kuchaawichea shwa wori; seji koni muka uko na kifu uchelwagha ni kulumwa ngelo ya kuva, hata ndewichaafufunuka anduangi.

WATANYI 19:1

Matuku agho, iji kuserekoghe na mzuri ungi Israeli, Mlawi umu orekoghe ukimara-mara kiwughenyi aighu ya isanga ja mighondinyi ja Efraimu, nao orewusireghe muka okanya kufuma Bethlehemu ya Juda.