DANIELI 5:23 - Biblia Ilagho Jiboie Kwa Wandu Wose

²³ ela kwakujosere kumoni aighu ya BWANA wa mlungunyi, kukareda vikombe na bakuli ra Hekalu yake na kunywa navo divei chiaimweri na wabaa wako wa isanga, na waka wako, na waka wako wekanya. Kukaikasa milungu iyo ibonyero kwa feza na dhahabu, na shaba, na chuma, na midi, na magho isewonagha, hata isesikiragha, angu kumanya ilagho jingi; kukamsowia ishima uo Mlungu umaziriagha miruke yako na mighendo yako yose.

DANIELI 5:23 ပူးပေါင်းရင်းမြစ်များ

KUZOYA 14:19

Nao ukamrasimia Abramu ukaghamba, “Mlungu Uo-Uko-Aighu-Nandighi, uo oreumbieghe mlungunyi na ndoenyi, ndemrasimie Abramu.

KUZOYA 2:7

Niko BWANA Mlungu ukam'bonya mdamu wa teri kufuma kwa ndoe, ukamfuria miruke ya irangi mbuonyi kwake, na mdamu ukakaia mundu uko moyo.

2 WAZURI 14:10

Idana oho Amazia kwamerie kuwisima Waedomu nandighi, na oho kwachulwa ni kukukasa kubaa ngolonyi kwako; katwa ni ugho wubaa ghwako kukaie mzinyi. Kwaki sena kukuloliagha malagho ghekughusha oho chiaimweri na Juda?”

AYUBU 12:10

Irangi ja kula kindo chiko moyo, na miruke ya wadamu wose eeka mikonunyi kwake.

AYUBU 31:4

Mlungu waichi kula ilagho nijibonyagha; wawuyawona seji nighendagha.

ZABURI 104:29

Kukavisigha, viakambwa ni chongo; kukawusa miruke yako, viafwa na kuwuya terinyi kwawo.

ZABURI 115:16

Mlungunyi ni kwa BWANA, ela ndoenyi ookuneka wadamu.

ZABURI 139:3

Oho kwaichi seji nighendagha na seji nihoreshagha; kwaichi mabonyo ghapo ghose.

ZABURI 146:4

Mdamu ukafwa, wadawuya ndoenyi, na mipango yake yadasia ijo ituku jeni.

MAKATANISHO 20:24

Mundu wadalongozwa ni BWANA; udima wada kumanya seji irangi jake jichaakaia?

ISAYA 13:11

BWANA waghora huwu, “Nichaghukaba wurumwengu kwa wundu ghwa wuwiwi ghwake, na wawiwi, kwa wundu ghwa wulaghe-laghe ghwawo; kukukasa kose kwa wandu nichakumeria, na kuwisera awo wikudukie.

ISAYA 14:13

Koreghambieghe ngolonyi kwako, ‘Nichajoka ighu hata mlungunyi; ighu kuchumba nyerinyeri ra Mlungu, na kuwika kifumbi chapo cha nguma koighu. Nichasea kidombo niide mido ya mghondi ghwa ikwanyiko ja milungu, noko kula cha kaskazinyi.

ISAYA 2:12

Kwa kukaia BWANA wa majeshi oko na ituku jesera icho chose chikudukie na kukujosa, icho chose chikujosere ighu;

ISAYA 33:10

BWANA waghamba, “Idana nichawuka, nichajoswa na kunekwa wubaa ghwapo.

ISAYA 37:19

nao wakorie milungu yawo nayo ni kazi ya mikonu ya wadamu, ya midi na magho; niko oredimieghe kuinona.

ISAYA 37:23

Nani kusindemmenya na kumsholia? Nani kusindemdokia-dokia huwu? Nani kusindemzighana kwa lumenyo? Kodeeka kukinibonyera huwo ini Mlungu, Mweli wa Israeli!

ISAYA 42:5

Mlungu, uo BWANA oreumbieghe na kuwika mlungunyi na ndoenyi, na vose viko andenyi yaro; uo Mlungu uwinekagha wandu miruke na irangi jedua moyo waghamba huwu:

JEREMIA 10:23

Naichi ee BWANA, mdamu ndeghendagha kwa kudima kwake moni anduangi, hata ndekuwadie mdamu ungi udimagha kughenja mighendo yake moni.

JEREMIA 48:26

“Mmbongerenyi Moabu angu orekujosereghe moni aighu yapo ini BWANA, upate kughala-ghala aighu ya madaika ghake; na kusekwa.

JEREMIA 50:28

“Sikirenyi wandu weredwaloghe wunyika wikimbiagha kufuma Babuloni, wipate kueresha kulipa kisasi kwa BWANA Mlungu onyu andenyi ya Sioni, kwa wundu ghwa Hekalu yake.

JEREMIA 50:29

“Wizerenyi wakumbi mawanu wichelasa wandu wa Babuloni, ee, awo wose witumiagha ndana. Bonyenyi kambi mughurughaie muzi, mndungi wawo usefufunuke. Mlipenyi karakara na mabonyo ghake, mum'bonyere agho ghose karakara sa iji koni orebonyereghe, kwa kukaia wakukasire ukanimenya ini BWANA Mlungu, uo Mweli wa Israeli.

EZEKIELI 28:17

Korekukasireghe nandighi, kwa wundu ghwa kughoka kwako; kukainona hikima yako kwa wundu ghwa uko kuboa kwako. Nerekuchunueghe hata andoenyi, ngakufunukua kwa wazuri, wipate kukuzighana na kukufundisha kwako.

EZEKIELI 28:2

“Mwana wa mdamu, ghora na m'baa wa Tiro kumzere, Bwana MLUNGU waghamba huwu: Ngolo yako yakusikire, na oho kwaghambie, ‘Ini ne mlungu, nadasea kidombo aighu ya kifumbi cha milungu, ghadi na ghadi ya bahari,’ na sena hoku ko mdamu ndekuko mlungu ungi, hata ngera kwakutala kumoni kukaia na hikima sa mlungu.

EZEKIELI 28:5

Kwachurie mali rako kwa hikima yako mbaa ebonya biashara, kukachulwa ni lukaso ngolonyi kwako kwa wundu ghwa iro mali rako.

EZEKIELI 31:10

“Kwa huwo ini Bwana MLUNGU naghamba huwu: Kwa kukaia mudi ugho ghwazoghue ighu, na mdo ghwaro ghukavika mawingunyi, ghwakukasire kwa wundu ghwa wuighu ghwake.

DANIELI 11:12

Mzuri wa Misri uchakukasa kwa wusimi ghwake, na seji wabwagha masikari mengi, ela ndechaakaia msimi matuku ghose anduangi.

DANIELI 4:37

Idana ini Nebukadnezari, nadamkasa, na kumkuma, na kumneka ishima Mzuri wa mlungunyi; angu kazi rake rose ni ra loli, na chia rake ni ra hachi. Wandu wose wighendagha kwa kukukasa, oko na ndighi ra kuwisera.”

DANIELI 8:11

Lukakushabua na kukujosa loni aighu ya m'baa wa agho majeshi; na kughiria usefunyiro vizongona vekora va ituku ituku na Hekalu yake ikachikanywa.

HABAKUKI 2:4

Iji nijo ilagho, ‘Olenyi awo wiko wawiwi rohonyi kwawo, wichalemwa; ela awo wiko na hachi wichakaia moyo angu wiko waloli kwa Mlungu.’”

MABONYO GHA WADUMI 17:25

Hata ndedumikilwagha kwa mikonu ya wandu seji oosowa kindo chingi anduangi; angu uo moni nuo uwinekagha wandu wose irangi, miruke, na vilambo vose.

1 WAKORINTHO 8:4

Wokoni na kuja vindo vifunyiro kizongona kwa milimu, isi damanya angu “Milimu si kilambo chingi,” na angu Mlungu ungi mzima ndeuko, ela umweri.

1 TIMOTHEO 3:6

Usekaie mundu ughalukie kafwani, usechekalikia na kukujosa, nao uchetanywa sa Ibilisi.

WAEBRANIA 4:13

Hata imbiri ya Mlungu, ndekuwadie iumbo jingi jivisikie; ela vilambo vose veko worinyi, viwikilo na kufunukulwa imbiri ya meso ghake, uo dichaafunya mitalo edu kwake.

WUFUNUO 9:20

Awo wandu weresigharikieghe wisebwaghilo ni agho makabo, ndewereherieghe na kurisigha kazi ra mikonu yawo na kutasa pepo, na milimu ya dhahabu, feza, shaba, magho na ya midi; iyo isedimagha kuwona angu kusikira, hata kughenda anduangi.

WATANYI 16:23

Nao wazuri wa Wafilisti wikakwanyika wipate kughufunyira mlungu ghwawo Dagoni kizongona kibaa na kuzuma; angu wereghambieghe, “Mlungu ghodu ghwamngira m'maiza odu Samsoni mikonunyi kodu.”

1 SAMUELI 17:26

Daudi ukawizera awo wandu werekwanyeghe, “Mundu ukam'bwagha u Mfilisti na kuinjira Israeli ughu waya ubonyerwa kii? U Mfilisti useshamishiro ni kilamboki hata udime kazaruma majeshi gha Mlungu uko moyo?”

1 SAMUELI 17:36

Mdumiki wako wabwaghie shimba na kibarabara wori; na uhu Mfilisti useshamishiro uchakaia sa imu ya iro nyamandu, kwa kukaia wawuyamenya majeshi gha Mlungu uko moyo.”