DANIELI 5:20 - Biblia Ilagho Jiboie Kwa Wandu Wose

²⁰ Ela iji orekujosereghe ngolonyi kwake, na kukurisha ngolo yake ukikukasa, oreinjiroghe kufuma kifumbinyi chake cha nguma.

DANIELI 5:20 ပူးပေါင်းရင်းမြစ်များ

2 WAZURI 17:14

Ela ndeweresikireghe, wikakaia wighilikie sa weke ndee, awo wiseremrumirieghe BWANA Mlungu wawo.

2 MALAGHO GHA NGELO 32:25

Ela Hezekia ukasowa chawucha ingi kwa wundu ghwa ijo orebonyeroghe, angu orekoghe na lukaso. Kwa huwo BWANA ukawibonyera machu uo moni na wandu wa Juda, na Jerusalemu.

2 MALAGHO GHA NGELO 36:13

Sedekia ukamlegha mzuri Nebukadnezari uo oremghemeshereghe kwa irina ja Mlungu. Ukaghilika na kukurisha ngolo yake usemghalukie BWANA, uo Mlungu wa Israeli.

KUFUMA 18:11

Idana namanya angu BWANA ni m'baa kuchumba milungu yose, angu orekirieghe wandu kufuma mikonunyi kwa Wamisri, iji werekoghe wikiwikoronga.”

KUFUMA 9:17

Kwaduagha kukikujosa aighu ya wandu wapo, hata ndekukunde kuwisigha wighende.

KUFUMA 9:7

Farao ukaduma; nao ikawoneka kukaia nyamandu ingi ya Waisraeli ndeerefueghe anduangi. Ela Farao ukaikurisha ngolo yake, hata nderewisighieghe awo wandu wighende anduangi.

MAKATANISHO 16:18

Kukujosa kwadareda kunoneka; na roho ya lumenyo yadareda kughwa.

MAKATANISHO 16:5

BWANA wadazamilwa ni kula mundu ukujosagha moni; kwa loli ndechaasowa ikabo.

ISAYA 47:1

BWANA waghamba, “Sea, kusee kidombo a terinyi ee muzi ghwa Babuloni; seria andonyi kuseko na kifumbi cha nguma, ee muzi ghwa Wakaldayo! Kwa kukaia ndekuchaawangwa sena, ughokie, ufwano.

JEREMIA 13:18

BWANA ukanizera, “Ghoria mzuri, na mzuri-mae, wikusere kufuma vifumbinyi vawo va nguma; kwa kukaia virumbu vawo vighokie vamerie kupotoka kufuma vongonyi kwawo.

JEREMIA 19:15

“BWANA wa majeshi, uo Mlungu wa Israeli waghora huwu: Ola nichareda wuwiwi aighu ya muzi ughu na aighu ya mizi yaro mitini, ugho wuwiwi nereghughorieghe aighu yaro; kwa kukaia waghilishire singo rawo na kulegha kunisikira.”

JEREMIA 48:18

“Seenyi kufuma kwa wubaa ghonyu ee wandu mkaiagha Diboni; msee kidombo andoenyi terinyi! Kwa kukaia mnoni wa Moabu wameria kucha aighu yenyu, nao wameria kurichikanya ngome renyu.

EZEKIELI 30:6

BWANA waghamba huwu, Awo wandu witeserie Misri wichafwa, na iro ndighi orekukasagha naro richainjwa; wandu wichabwaghwa aghadi kwawo kufuma Megido hata Siene ini Bwana MLUNGU naghamba.

EZEKIELI 31:10

“Kwa huwo ini Bwana MLUNGU naghamba huwu: Kwa kukaia mudi ugho ghwazoghue ighu, na mdo ghwaro ghukavika mawingunyi, ghwakukasire kwa wundu ghwa wuighu ghwake.

DANIELI 11:36

“Mzuri wa Siria uchabonya seji ukunde; uchakujosa na kukubonya m'baa aighu ya icho chose chiwangwagha mlungu; nao uchadeda malagho gha mashiniko aighu ya Mlungu wa milungu. Uchakaia nicha hata ngelo ya machu gha Mlungu kukatia, angu agho ghilaghirilo ghichapata kukatia kwaro.

DANIELI 4:26

Na sa iji erelaghiriloghe kusigha kirimba cha miri yaro, wuzuri ghwako ghuchamangishwa nyuma ya oho kumanya angu Mlungu wabonyagha nguma ndoenyi.

DANIELI 4:28

Maza iri rose rikakatishwa aighu ya mzuri Nebukadnezari.

DANIELI 4:37

Idana ini Nebukadnezari, nadamkasa, na kumkuma, na kumneka ishima Mzuri wa mlungunyi; angu kazi rake rose ni ra loli, na chia rake ni ra hachi. Wandu wose wighendagha kwa kukukasa, oko na ndighi ra kuwisera.”

DANIELI 8:8

Ija fwandi ikakuduka loli loli. Ela iji erechurikieghe kukaia nandighi, luja lwembe lwake lubaa lukachika, na wulalo ghwaro rikabuka mbembe inya mbaa rilangayagha mbembe inya ra mlungunyi.

LUKA 18:14

Nao Jesu ukaghamba, “Namghoria, mmbwadi wushuru oreserieghe nyumbenyi kwake wanekwa hachi kuchumba Mfarisayo. Angu uhu ukujosagha moni, uchaserwa, na uhu ukuseragha moni, uchajoswa.”

WAEBRANIA 3:13

Ela mshashirane mmbeni na mmbeni kula ituku jiwangwagha “Idime”, eri mndungi onyu usekechakaia ughilikie kwa wukalo ghwa kaung'a.

1 SAMUELI 6:6

Kwaki mkurishagha ngolo renyu sa Wamisri na mzuri wawo? Welee ndewerewilekerieghe Waisraeli wikaghenda nyuma ya Mlungu kuwiseka anguwada?