DANIELI 5:16 - Biblia Ilagho Jiboie Kwa Wandu Wose

¹⁶ Ela nasikira wei oho kwadima kutambua na kusasawua maza rikurie. Kukadima kunishomia ghaja maandiko na kunimanyisha kutambua kwaro, kucharushwa marwao gha zambarau, na kungirwa mkufu ghwa dhahabu singonyi kwako; na oho kuchakaia wa cheo cha kadadu andenyi ya wazuri.”

DANIELI 5:16 ပူးပေါင်းရင်းမြစ်များ

KUZOYA 40:8

Nawo wikamzera, “Deeloda ndodo, naro ndekuwadie mndungi odima kuritambua anduangi.” Josefu ukawizera, “Kutambua kose ndakwadafuma kwa Mlungu. Namlomba munighorie ndodo renyu.”

KUZOYA 41:15

Nao mzuri ukamzera Josefu, “Nalodere ndodo, ela ndekuwadie mndungi udimagha kuitambua anduangi nani nasikira wei oho kwadima kutambua ndodo iji kwaighorelwa.”

KUZOYA 41:42

Niko Mzuri ukaifunya pete ya muhuri kufuma chalenyi kwake, ukamngira Josefu chalenyi kwake, ukamrusha na marwao ghiboie gha kitani wori, na mkufu ghwa dhahabu singonyi kwake.

DANIELI 2:48

Mzuri ukammbika Danieli ukaie m'baa, na kumneka manosi mazima mengi; ukam'bonya ukaie m'baa wa isanga jose ja Babuloni, na m'baa wa wandu wa hikima wose.

DANIELI 2:6

Ela mkanimanyisha ndodo yaro na kutambua kwaro, nichamneka manosi na vilambo, nani nicham'bonyera ishima ibaa. Kwa huwo nimanyishenyi iyo ndodo chiaimweri na kutambua kwaro.”

DANIELI 5:29

Niko Belshazari ukafunya momu Danieli urusho mwarwao gha zambarau, na kungirwa mkufu ghwa dhahabu singonyi kwake; sena itangazo jibonyo kukaia uchakaia wa cheo cha kadadu andenyi ya wuzuri.

DANIELI 5:7

Mzuri ukakema kwa lwaka; ukalomba wasawi, na Wababuloni, na wamanyi wa nyerinyeri wiredo. Ukawizera wandu wa hikima wa Babuloni, “Mundu uo ose uchaashoma maandiko agha, na kunighoria kutambushira kwaro, ucharushwa marwao gha zambarau, na kungirwa mkufu ghwa dhahabu singonyi kwake; nao uchakaia mundu wa kadadu kwa wuzuri ghwapo.”

DANIELI 6:2

Na aighu ya awo, ukawika wabaa wamu wadadu wewizighana, Danieli ukikaia umu wawo. Werewikiloghe wiredeloghe mtalo ghwa maza ra isanga ni waja wabaa, eri mzuri usepate hasara.

MABONYO GHA WADUMI 8:18

Nao iji Simoni wawona angu wandu wiammbusa Roho Mweli kwa kuwikirilwa mikonu ya wadumi, ukawineka Petro na Johane pesa ukighamba,