DANIELI 5:13 - Biblia Ilagho Jiboie Kwa Wandu Wose

¹³ Nao Danieli ukaredwa imbiri ya mzuri. Mzuri ukamzera Danieli, “Welee, oho nuo Danieli, umu wa waja wandu werebarishiroghe ukaredwa kufuma isanga ja Juda ni aba?

DANIELI 5:13 ပူးပေါင်းရင်းမြစ်များ

EZRA 10:16

Niko awo wandu wiwurie kufuma wubarishonyi wikarumiria ugho mpango. Mkohani Ezra ukasaghua wandu vilongozi va vichuku, kunughana na familia rawo, kula mundu ukaandika irina. Ituku ja imbiri ja mori ghwa ikumi wikasea kidombo kuzighana agho malagho.

EZRA 10:7

Nao itangazo jikafunywa kwa Juda na Jerusalemu yose kukaia wandu wose wiwurie kufuma wubarishonyi wikwane Jerusalemu,

EZRA 4:1

Nao iji wamaiza wa wandu wa Juda na Benjamini weresikireghe angu wandu wiwurie kufuma wubarishonyi werekoghe wikiagha Hekalu ya BWANA, uo Mlungu wa Israeli,

EZRA 6:16

Wandu wa Israeli, wakohani na Walawi, na wandu wose werewurieghe kufuma wubarishonyi, wikaiwika iyo Hekalu wakfu kwa kuboilwa.

DANIELI 1:1

Mwaka ghwa kadadu iji Jehoiakimu orekoghe mzuri wa Juda, Nebukadnezari mzuri wa Babuloni orechieghe ukaghurughaia muzi ghwa Jerusalemu.

DANIELI 1:2

BWANA ukamngira Jehoiakimu mzuri wa Juda mikonunyi kwake chiaimweri na vilambo vimu va Hekalunyi. Ukavireda isanga ja Babuloni kwa nyumba ya mlungu ghwake, na vilambo va hekalunyi ukaviranganya na vilambo va mlungu ghwake.

DANIELI 1:21

Danieli ukasigharika aho ngomenyi kwa mzuri, hata mwaka ghwa imbiri ghwa mzuri Koreshi.

DANIELI 1:6

Wamu wa awo wandu, werekoghe Danieli, na Hanania, na Mishaeli na Azaria wa kichuku cha Juda.

DANIELI 2:25

Shwa wori Arioko ukamghenja Danieli kwa mzuri, ukamzera, “Nampata mndumu wa awandu wibarishiro kufuma isanga ja Juda, nao wadima kukumanyisha kutambua kwaro iyo ndodo.”

DANIELI 2:48

Mzuri ukammbika Danieli ukaie m'baa, na kumneka manosi mazima mengi; ukam'bonya ukaie m'baa wa isanga jose ja Babuloni, na m'baa wa wandu wa hikima wose.

DANIELI 5:11

Oko mundu andenyi ya wuzuri ghwako uko na roho ya milungu ielie. Ngelo ra ndeyo, suku, na kumanya, na hikima iko sa ya milungu, erewonekieghe andenyi kwake; na ndeyo mzuri Nebukadnezari orem'bonyereghe ukakaia m'baa wa wasawi, na waghanga, na Wababuloni, na wamanyi wa nyerinyeri.

DANIELI 5:14

Nasikire malagho ghako wei koko na roho ya milungu ielie andenyi kwako na kukaia kwawadie suku na kumanya na hikima ndicha.

DANIELI 5:18

Ee mzuri, Mlungu, Uo-Uko-Aighu-Nandighi, oremnekieghe ndeyo Nebukadnezari wuzuri, ndigi na wubaa, na nguma.

DANIELI 5:2

Nao iji Belshazari orekoghe ukinywa divei, ukafunya momu vija vikombe na bakuli ra dhahabu na feza iro ndee Nebukadnezari orerifunyireghe Hekalunyi Jerusalemu riredo; eri mzuri, na wabaa wake wa isanga, na waka wake wekanya wipate kunywa naro.

DANIELI 6:13

Nao wikamzera mzuri, “Danieli uja mundu wa waja wibarishiro kufuma isanga ja Juda ndekutalagha oho ee mzuri, hata ndeitalagha ija sharia kuingirie sahihi, ela wadamlomba Mlungu mando adadu kwa ituku.”

DANIELI 8:1

Mwaka ghwa kadadu ghwa kubonya nguma kwake mzuri Belshazari, ini Danieli nerewonieghe mawono gha kawi.

DANIELI 8:27

Ini Danieli ngalemwa na kuwuya mkongo kwa matuku mengi. Niko ngawuka na kuzoya kubonya kazi ra mzuri, ela nereshinuloghe ni agho mawono, hata seredimieghe kughitambua anduangi.

JOHANE 7:1

Nyuma ya agho, Jesu orekoghe ukimara-mara Galilaya, hata ndereghendieghe Judea anduangi; angu Wayahudi werekoghe wikimlola wim'bwaghe.

JOHANE 7:3

Niko waruna wikamzera, “Fuma aha kwende Judea, wanughi wako wipate kuriwona iro kazi kuribonyagha.