DANIELI 4:9 - Biblia Ilagho Jiboie Kwa Wandu Wose

⁹ Ee Belteshazari, m'baa wa wasawi, kwa kukaia naichi roho ya milungu ielie eko andenyi kwako, hata ndekuwadie ngasu ingi ikurie kwako, ola ndodo hei niilodere, kunimanyishe kutambua kwaro.

DANIELI 4:9 ပူးပေါင်းရင်းမြစ်များ

KUZOYA 41:38

Mzuri ukawizera wadumiki wake, “Welee, dadima kumpata hao mundu sa uhu uko na Roho wa Mlungu andenyi kwake.”

ISAYA 33:18

Kuchakumbuka agho gherekuoboshagha na kukotia, “Weko hao waja weredilawiagha kodi? Weko hao waja werekoghe wikilawua minara yedu ya wulindiri?”

ISAYA 54:14

Kuchamangishwa kwa hachi, na makorongo ghichakaia kula na oho, kwa kukaia ndekuchaakaia na wowa, hata kiture; angu vichakaia kula na oho.

EZEKIELI 17:23

Nichaghuwa aighu ya mghondi mlacha ghwa Israeli ghupate kubonya mbashu na kuva matunda. Ghuchawuya mudi ghwa sida ghwa ishima, na nyamandu ra mbari rose richakaia aisi ya kiju chake, na nyonyi ra mbeonyi wori ra kula kichuku richabonya vijungu aisi ya mbashu rake.

EZEKIELI 28:3

Kuaghesha kedi koko na hikima kuchumba Danieli, na wei ilagho jingi ndejivisikie kwako.

DANIELI 1:20

Kwa malagho ghose gha hikima na kumanya, agho mzuri oreghikotereghe, ukawiwona awo kukaia wiboie mando ikumi kuchumba waghanga na wasawi wose werekoghe andenyi ya wuzuri ghwake.

DANIELI 2:47

Mzuri ukamzera Danieli, “Kwa loli Mlungu wako ni Mlungu wa milungu, na BWANA wa wazuri, na mtambushiri wa ngasu, kwa kukaia oho kwachadima kuitambua ngasu ihi.”

DANIELI 2:48

Mzuri ukammbika Danieli ukaie m'baa, na kumneka manosi mazima mengi; ukam'bonya ukaie m'baa wa isanga jose ja Babuloni, na m'baa wa wandu wa hikima wose.

DANIELI 4:18

Ihi niyo ndodo niilodere ini Nebukadnezari ee Belteshazari. Kuniwonyere kutambua kwaro, kwa kukaia wandu wa hikima wose wa wuzuri ghwapo yawilema kutambua. Ela oho, angu kuko na roho ya milungu ielie, kwadima kunitambushira.”

DANIELI 4:5

Ngaloda ndodo ikaniobosha, ngelo nerekoghe nalala wulinyi kwapo ngiririkanya na kughesha malagho, nao ngaturukia.

DANIELI 4:8

Kutua Danieli, uo orewangwagha Belteshazari kunughana na irina ja mlungu ghwapo, ukacha. Ngawona andenyi kwake roho ya milungu ielie, nani ngamghoria ndodo yapo, ngighamba,

DANIELI 5:11

Oko mundu andenyi ya wuzuri ghwako uko na roho ya milungu ielie. Ngelo ra ndeyo, suku, na kumanya, na hikima iko sa ya milungu, erewonekieghe andenyi kwake; na ndeyo mzuri Nebukadnezari orem'bonyereghe ukakaia m'baa wa wasawi, na waghanga, na Wababuloni, na wamanyi wa nyerinyeri.

1 SAMUELI 4:8

Dapatwa ni mashaka! Nani uchaadikira na ihi milungu iko na ndighi huwu? Ihi milungu niyo cheni erewikabieghe Wamisri kwa kula kichuku cha saka aja kireti.