DANIELI 4:6 - Biblia Ilagho Jiboie Kwa Wandu Wose

⁶ Kwa huwo ngafunya momu kukaia wandu wose wa hikima wiko Babuloni wiredo kwapo, wipate kunimanyisha kutambushira kwaro iyo ndodo.

DANIELI 4:6 ပူးပေါင်းရင်းမြစ်များ

KUFUMA 7:11

Niko Farao ukawiwanga wandu wake wa akili na wasawi, na awo waghanga wa Misri wikabonya wokoni kwa wuya ghwa akili rawo.

ISAYA 8:19

Wandu wikamzera, “Lolenyi njama kwa walaghui na wasawi; awo wihohoriagha na kudeda sa nyonyi;” huwo ndeiwifwane wandu wilole njama kwa Mlungu wawo? Welee, ni hachi wandu kulola njama kwa wafu wulalo ghwa awo wiko moyo?

DANIELI 1:17

Mlungu ukawineka awa wandu wa irika bana hikima na kumanya kokufundisha; ukamneka Danieli kumanya, kutambua mawono, na ndodo rose.

DANIELI 2:2

Nao mzuri ukafunya momu wasawi, na waghanga, na walaghui, na Wababuloni wiwango, wipate kumghoria mzuri iro ndodo rake. Wikacha na kukaia kimusi imbiri kwake.

DANIELI 2:48

Mzuri ukammbika Danieli ukaie m'baa, na kumneka manosi mazima mengi; ukam'bonya ukaie m'baa wa isanga jose ja Babuloni, na m'baa wa wandu wa hikima wose.

DANIELI 4:15

Ela msighe kirimba na miri yaro ndoenyi, chifungilo na mnyororo ghwa chuma na shaba aghadi ya nyasi mbishi. Msighenyi ukabo ni mami gha mishushure ya mlungunyi, na vindo vake vikaie chiaimweri na nyamandu, iro nyasi ra mlambenyi.

DANIELI 5:11

Oko mundu andenyi ya wuzuri ghwako uko na roho ya milungu ielie. Ngelo ra ndeyo, suku, na kumanya, na hikima iko sa ya milungu, erewonekieghe andenyi kwake; na ndeyo mzuri Nebukadnezari orem'bonyereghe ukakaia m'baa wa wasawi, na waghanga, na Wababuloni, na wamanyi wa nyerinyeri.

DANIELI 5:7

Mzuri ukakema kwa lwaka; ukalomba wasawi, na Wababuloni, na wamanyi wa nyerinyeri wiredo. Ukawizera wandu wa hikima wa Babuloni, “Mundu uo ose uchaashoma maandiko agha, na kunighoria kutambushira kwaro, ucharushwa marwao gha zambarau, na kungirwa mkufu ghwa dhahabu singonyi kwake; nao uchakaia mundu wa kadadu kwa wuzuri ghwapo.”