DANIELI 4:4 - Biblia Ilagho Jiboie Kwa Wandu Wose

⁴ “Ini Nebukadnezari nerekoghe ngihoresha andenyi nyumbenyi kwapo, na kusikira nicha andenyi ya ngome yapo.

DANIELI 4:4 ပူးပေါင်းရင်းမြစ်များ

ISAYA 56:12

Wazerana weni na weni, ‘Choonyi, dinyo divei; dipate kukoja chofi ibirie; kesho dichawuria kunywa kuchumba idime.’”

JEREMIA 48:11

BWANA waghamba, “Moabu orekoghe na raha kufuma wanake ghwake, utumbanyikie sa divei, jingi iseghalusiro kudungirilwa chombo kizima, hata jingi ndedwalo wunyika; kwa huwo wadadua na luwala, na irumba jake ndejighalukie.

EZEKIELI 28:17

Korekukasireghe nandighi, kwa wundu ghwa kughoka kwako; kukainona hikima yako kwa wundu ghwa uko kuboa kwako. Nerekuchunueghe hata andoenyi, ngakufunukua kwa wazuri, wipate kukuzighana na kukufundisha kwako.

EZEKIELI 29:3

kughambe, ini Bwana MLUNGU naghamba huwu: Ne m'maiza wako oho mzuri wa Misri, Oho choka mbaa kukaiagha aghadi ya meda yako, kukighamba, ‘Moda ghwa Naili ni ghwapo, ni ini nereghubonyereghe.’

DANIELI 2:11

Iji ilagho mzuri wawuyakotia jakurie, na ndekuwadie mdamu ungi udimagha kummbonyera, isaakaia ngera milungu iseko na mimbi.”

DANIELI 4:19

Niko Danieli, uo uwangwagha Belteshazari, ukakambwa ni chongo kwa ngelo vui, ukiririkanya jeghora. Mzuri ukaghamba, “Belteshazari, iyo ndodo na kutambushira kwaro isekukambire chongo.” Belteshazari ukatumbulia, “Bwana wapo, iyo ndodo ndeikaie ya awo wizamilwagha ni oho, na kutambushira kwaro kukaie kwa wamaiza wako!

DANIELI 5:8

Niko wandu wa hikima wose wa mzuri wikacha, ela ndeweredimieghe kushoma maandiko hata kummbonyera mzuri kutambua kwaro anduangi.

ZEFANIA 1:12

“Ngelo iyo, nichashoa taa nimlole Jerusalemu; nani nichawikaba awo wandu wikudukagha weni wikighamba, ‘BWANA ndebonyagha ilagho jingi icha angu iwiwi.’