DANIELI 4:32 - Biblia Ilagho Jiboie Kwa Wandu Wose

³² Oho kuchaghenjwa noko kufume kwa wandu, kukaianye na nyamandu ra isakenyi, kuje nyasi sa ng'ombe kwa miaka mfungade, hata kwameria kukufundisha kukaia Uo Uko Aighu Na Ndighi wabonyeragha mawuzuri gha wadamu nguma, na kumneka uo ose ukundagha.”

DANIELI 4:32 ပူးပေါင်းရင်းမြစ်များ

2 MALAGHO GHA NGELO 33:13

Ukamlomba Mlungu nao ukamsikira kuvoya kwake; ukasikira malombi ghake, na kummbunja sena Jerusalemu wuzurinyi kwake. Niko Manase ukamanya angu BWANA ni Mlungu.

AYUBU 42:2

“Naichi kukaia kwadima kubonya maza rose, hata ndekuwadie mpango ghungi ghwako ghudimagha kughirilwa anduangi.

AYUBU 9:12

Mlungu ukawusa-lee, nani udimagha kumghiria? Nani udimagha kumkotia, ‘Niki kubonyagha?’

ZABURI 115:3

Mlungu odu oko mlungunyi, wadabonya ijo jose ujikundagha.

ZABURI 135:6

Ijo jose BWANA ukundagha kubonya mlungunyi na ndoenyi wadajibonya, baharinyi na andu kumilie kose.

KUFUMA 8:10

Mzuri ukaghamba, “Munilombie kesho.” Musa ukamzera, “Ndeikaie sa iji koni kwaghamba; eri mpate kumanya angu ndeuko mlungu ungi mzima sa BWANA Mlungu odu anduangi.

KUFUMA 9:14

Ngelo ihi nichareda saka kwako koni, kwa wadumiki wako, na wandu wako; kupate kumanya angu ndekuwadie ungi ndoenyi kose uko sa ini anduangi.

KUFUMA 9:29

Musa ukamzera, “Ngameria kufuma mzinyi, nichalomba ngighorua mikonu yapo cha kwa BWANA, na lukuwa luchanyama, na vua ya magho ichasia; kupate kumanya angu ndoenyi ni kwa BWANA.

ISAYA 37:20

Kwa huwo idana ee BWANA Mlungu odu, kudikire usedikabe, eri mawuzuri ghose gha ndoenyi ghipate kumanya kukaia ni oho kuekeri kuko BWANA.”

ISAYA 40:15

Olenyi iro mbari ra wandu ni karakara na itanda ja machi jatonya andenyi ya ndoo, na wandu watalwa sa teri yakakadia sahani ya ratili; na visiwa ni sa teri mkonunyi kwake.

ISAYA 40:17

Mbari rose ra wandu si kindo chingi imbiri kwake, kwake ratalwa kukaia wuduu putu.

ISAYA 45:3

Nichakuneka mali rivisiro chiaimweri na iro rerewikiloghe, kupate kumanya angu ni Ini BWANA, Mlungu wa Israeli nerekuwangieghe kwa irina jako.

JEREMIA 27:5

“Ni ini niumbie wurumwengu kwa mkonu ghwapo ghwa ndighi, chiaimweri na wandu na nyamandu riko ndoenyi; nani nadamneka uo ose seji niwonagha.

DANIELI 2:21

Wadaghalua ngelo na vimu; wadainja wazuri na kuwika wazuri. Wadawineka hikima awo wiko na hikima, na kumanya kwa awo witambukilwagha.

DANIELI 4:31

Hata imbiri ya madedo agho kusia momunyi kwa mzuri, lwaka lukacha kufuma mlungunyi lukighamba, “Ee Mzuri Nebukadnezari, kwazerwa huwu: Wuzuri ghwameria kuinjwa kwako.

DANIELI 5:21

Orefunyiroghe kwa wandu, akili rake rikaghaluswa rikawuya ra nyamandu, ukakaianya na furo na kuja nyasi sa ng'ombe; mumbi ghwake ghukakabwa ni mami kwa mishushure ya mlungunyi hata ukatambua kukaia Uo-Uko-Aighu-Nandighi wabonyeragha mawuzuri gha ndoenyi nguma, na kummbika m'baa uo ose umkundagha.

JOSHUA 4:24

eri wandu wose wa ndoenyi wipate kumanya kukaia ndighi ra BWANA reko aeni; nenyo mpate kumuobua BWANA Mlungu onyu kwa kala na kala.”