DANIELI 4:19 - Biblia Ilagho Jiboie Kwa Wandu Wose

¹⁹ Niko Danieli, uo uwangwagha Belteshazari, ukakambwa ni chongo kwa ngelo vui, ukiririkanya jeghora. Mzuri ukaghamba, “Belteshazari, iyo ndodo na kutambushira kwaro isekukambire chongo.” Belteshazari ukatumbulia, “Bwana wapo, iyo ndodo ndeikaie ya awo wizamilwagha ni oho, na kutambushira kwaro kukaie kwa wamaiza wako!

DANIELI 4:19 ပူးပေါင်းရင်းမြစ်များ

KUZOYA 31:35

Nao Raheli ukamzera ndee, “Mghosi, kusewawo ni ngolo angu nisekuwukiagha, ni angu nakaia na ghaja malagho gha kiwaka.” Nao Labani ukalola, ela ndereiwonieghe milimu yake anduangi.

KUZOYA 32:18

Kumtumbulie huwu, ‘Ni ra mdumiki wako Jakobo, ni manosi gha bwana wapo Esau, nao moni wori oko na nyuma uacha.’”

KUZOYA 40:12

Nao Josefu ukaghamba, “Kutambua kwaro niko uku: Iro mbashu idadu ni matuku adadu.

1 WAZURI 18:7

Nao iji Obadia orekoghe ukighenda, ukakwana na Elija ukammanya na kukughoghomesha andoenyi; ukakotia, “Wele ni oho kumoni bwana wapo Elija?”

KUFUMA 32:32

Ela idana nakulomba kuwifue wughoma kaung'a yawo; si huwo, nakulomba kuvute irina japo kufuma kwa icho chuo kuandikie wandu wako.”

JEREMIA 29:7

Mlindie sere andenyi ya ugho muzi nam'bonya mdwalo wunyika, mghulombie ugho muzi kwapo ini BWANA, kwa kukaia ghukakaia na sere nenyo mchakaia na sere.

JEREMIA 4:19

Luwawo lubirie! Luwawo lubirie! Niaghala-ghala kwa ulo luwawo! Ai kondenyi ngolonyi kwapo! Ngolo yapo yaawuyakaba icho kisha, sidimagha kunyama kima; kwa kukaia naawuyasikira lwaka lwa tarumbeta, lwaka lwa wuda.

DANIELI 1:7

Uja m'baa wa wanjama wa mzuri orewinekieghe marina: Danieli ukammbanga Belteshazari, na Hanania ukammbanga Shadraka, na Mishaeli ukammbanga Meshaki, na Azaria ukammbanga Abednego.

DANIELI 2:26

Nao mzuri ukamzera Danieli uo uwangilo irina jimu Belteshazari, “Welee, kwadima kunimanyisha ija ndodo nereiwonieghe na kutambua kwaro?”

DANIELI 2:37

Oho ee mzuri, ko mzuri wa wazuri; Mlungu wa mlungunyi wakunekie wuzuri, na kudima, na ndighi, na wubaa.

DANIELI 4:24

“Uku niko kutambua kwaro ndodo iyo ee mzuri. Sharia yafumie kwa Uo-Uko-Aighu-Nandighi na kuredwa aighu yako bwana wapo mzuri.

DANIELI 5:12

Uo mundu Danieli orewangiloghe Belteshazari ni mzuri, orewonekieghe kukaia na roho iboie na ndighi emanya na kutambua ndodo, na ndawi, na kusasawua malagho. Idana duma Danieli uredo, nao uchakutambushira agha malagho.”

DANIELI 5:18

Ee mzuri, Mlungu, Uo-Uko-Aighu-Nandighi, oremnekieghe ndeyo Nebukadnezari wuzuri, ndigi na wubaa, na nguma.

DANIELI 5:19

Kwa wundu ghwa ugho wubaa oremnekieghe, wandu wose wa mbari na viteto weremuobueghe na kumsughusikia; uo orekundieghe kum'bwagha, orem'bwaghieghe; na uo orekundieghe ukaie moyo, orekaieghe moyo; uo orekundieghe kumjosa, oremjosereghe; na uo orekundieghe kumsera, oremserieghe.

DANIELI 7:15

“Na ini Danieli, nerekoghe ngija wasi na kusumbulwa ni agho mawono andenyi kwapo.

DANIELI 7:28

Uku niko kutua kwa maza iro; na ini Danieli, ngaja wasi andenyi ya maririkanyo ghapo loli loli, hata fwana yapo ikaghaluka; ela ngawika iro maza ngolonyi kwapo.”

DANIELI 8:27

Ini Danieli ngalemwa na kuwuya mkongo kwa matuku mengi. Niko ngawuka na kuzoya kubonya kazi ra mzuri, ela nereshinuloghe ni agho mawono, hata seredimieghe kughitambua anduangi.

HABAKUKI 3:10

Iji mighondi erekuwonieghe ikaobua; vua ikanya kufuma mawingunyi; machi mengi ghikaghona ndoenyi nandonyi, na mivo-mivo yaro ikawuka nokoighu.

1 SAMUELI 1:15

Ela Hana ukatumbulia, “Ii hata bwana wapo, ini ne muka niko na wasi m'baa; sinyue divei hata chofi anduangi, ela nedeeka ngimneka BWANA wasi ghwa ngolo yapo.

1 SAMUELI 24:8

Konyuma, Daudi wori ukawuka ukafuma nyuma yake na kummbanga Sauli ukighamba, “Ee bwana wapo mzuri!” Sauli uendazighana nanyuma, Daudi ukaghoghoma na kudunga chongo chake andonyi kwa ishima;

1 SAMUELI 26:15

Daudi ukamzera Abneri, “Wele nechi ko mndwawomi? Nani umu uko sa oho andenyi ya Israeli? Kwaki sena kusemlindirie bwana wako mzuri? Kwa kukaia mndumu wachee kambinyi nakio upate kumtotesha bwana wako mzuri.

1 SAMUELI 3:17

Eli ukamzera, “BWANA wakuzerie wada? Kusenivise ilagho jingi ja agho ghose ukughorie. Kukanivisa, kukabwa ni Mlungu kuchumba.”