DANIELI 4:14 - Biblia Ilagho Jiboie Kwa Wandu Wose

¹⁴ Ukakema na lwaka lubaa ukighamba, ‘Demenyi ugho mudi, mdumbuo mbashu raro na kuangura malemba gharo, msasare matunda ghake, nyamandu ra isakenyi ripate kughenda, na nyonyi ra mbeonyi riinjike noko kufuma mbashunyi raro.

DANIELI 4:14 ပူးပေါင်းရင်းမြစ်များ

AYUBU 24:20

Waliwa ni mae; wajighwa ni ming'ori; mmbiwi ndewuyaakumbukwa, wakaia sa mudi ghughuye.’

JEREMIA 27:5

“Ni ini niumbie wurumwengu kwa mkonu ghwapo ghwa ndighi, chiaimweri na wandu na nyamandu riko ndoenyi; nani nadamneka uo ose seji niwonagha.

JEREMIA 51:6

Kimbienyi mfume Babuloni, kula mundu ndekire irangi jake; msechebwaghwa andenyi ya ikabo jake; angu ihi niyo ngelo yapo ini BWANA elipia kisasi, agho malipo ghimfwanagha kulipilwa.

JEREMIA 51:9

Waghenyi wiko aho wikaghamba, ‘Kumangu daghuboisire muzi ghwa Babuloni, ela ghoolema kuboisika. Ghusighenyi noko dighende kula mundu cha isangenyi jake; kwa kukaia kutanywa kwake kwavikie mlungunyi, nako kwawusirilo hata mawingunyi.’”

EZEKIELI 31:10

“Kwa huwo ini Bwana MLUNGU naghamba huwu: Kwa kukaia mudi ugho ghwazoghue ighu, na mdo ghwaro ghukavika mawingunyi, ghwakukasire kwa wundu ghwa wuighu ghwake.

DANIELI 2:21

Wadaghalua ngelo na vimu; wadainja wazuri na kuwika wazuri. Wadawineka hikima awo wiko na hikima, na kumanya kwa awo witambukilwagha.

DANIELI 3:4

Itangazo jikabonywa kwa lwaka lubaa, “Inyo wandu wose wa mbari na viteto, mwalaghirwa

DANIELI 4:12

Ghorekoghe na malemba ghiboie, na matunda gherekoghe mengi nandighi. Mudi ugho ghorewinekieghe vindo wandu wose. Nyamandu ra isakenyi rerepatireghe kiju aho; na nyonyi ra mbeonyi rikakupatira wulalo mbashunyi kwaro; kula kiumbe chiko na mumbi cherepatireghe vindo aho.

DANIELI 4:23

Na sa iji oho mzuri kuwonie malaika mweli ukisea kufuma mlungunyi na kughamba, ‘Demenyi ugho mudi na kughunona, ela msighe kirimba charo na miri yaro ndoenyi, nao mchifunge na mnyororo ghwa chuma na shaba a nyasinyi mbishi, upate mami gha mshushure ghwa mlungunyi; sighenyi ifungu jake jikaie chiaimweri na nyamandu ra isakenyi hata miaka mfungade iide.’

DANIELI 4:29

Kutua kwa meri ikumi na iwi, orekoghe ukisela aighu gorofenyi ya ngome ya kiwuzuri ya Babuloni.

DANIELI 5:20

Ela iji orekujosereghe ngolonyi kwake, na kukurisha ngolo yake ukikukasa, oreinjiroghe kufuma kifumbinyi chake cha nguma.

DANIELI 5:21

Orefunyiroghe kwa wandu, akili rake rikaghaluswa rikawuya ra nyamandu, ukakaianya na furo na kuja nyasi sa ng'ombe; mumbi ghwake ghukakabwa ni mami kwa mishushure ya mlungunyi hata ukatambua kukaia Uo-Uko-Aighu-Nandighi wabonyeragha mawuzuri gha ndoenyi nguma, na kummbika m'baa uo ose umkundagha.

MATHAYO 3:10

Hata idana isoka jawikwa tayari kudema miri ya midi; kwa huwu kula mudi ghusevagha matunda ghiboie, ghuchademwa na kukumbwa modonyi.

MATHAYO 7:19

Kula mudi ghusevagha matunda ghiboie, ghwadademwa na kukumbwa modonyi.

LUKA 3:9

Na hata idana isoka jawikwa tayari mirinyi ya midi, kudema mudi ugho ghose ghusevagha matunda mecha, ghukumbo modonyi.”

WUFUNUO 10:3

ukawanga kwa lwaka lubaa sa shimba irurumagha. Nao iji wawanga, iro chukuwa mfungade rikadeda,

WUFUNUO 18:2

Ukaghora kwa lwaka lubaa nandighi ukighamba, “Ghwaghue, ghwaghue, ugho Babuloni m'baa! Ghwawurie malalo gha pepo, andu kwa kula roho mbiwi, na wulalo ghwa kula nyonyi mbiwi, izamie;