DANIELI 4:13 - Biblia Ilagho Jiboie Kwa Wandu Wose

¹³ “Hata iji nerekoghe nilale wulinyi, ngawona mawono, malaika mweli uchereshagha ukisea kufuma mlungunyi.

DANIELI 4:13 ပူးပေါင်းရင်းမြစ်များ

AYUBU 12:24

Wadainja kumanya kwa vilongozi va wandu, na kuwibonya wimare-mare andu icho kisha.

ZABURI 103:20

Mkasenyi BWANA inyo weke malaika wake mmbwadie ndighi, msikiragha malagho ghake, na kuwada agho ughoragha.

ZABURI 89:7

Mlungu wadaobolwa andenyi ya mwandu ghwa waeli; wadaobosha kuchumba wose wiko mbai mbai kwake.

DANIELI 4:10

Mawono gherenichieghe niko nilale wulinyi kwapo ni agha: Nerezighanireghe ngawona mudi ghuko ghadi na ghadi ya ndoenyi; ghorekoghe mlacha nandighi.

DANIELI 4:17

Kutanya uko kwanughana na sharia idumbulo na kutangazwa ni weke malaika waeli wichereshagha, eri kutua wandu wiko moyo wimanye kukaia Uo-Uko-Aighu-Nandighi wadabonyera mawuzuri ghose gha wadamu nguma, nao wadamneka uo ose umkundagha, na kumjosa uo uko mnyonge.’

DANIELI 4:23

Na sa iji oho mzuri kuwonie malaika mweli ukisea kufuma mlungunyi na kughamba, ‘Demenyi ugho mudi na kughunona, ela msighe kirimba charo na miri yaro ndoenyi, nao mchifunge na mnyororo ghwa chuma na shaba a nyasinyi mbishi, upate mami gha mshushure ghwa mlungunyi; sighenyi ifungu jake jikaie chiaimweri na nyamandu ra isakenyi hata miaka mfungade iide.’

DANIELI 4:5

Ngaloda ndodo ikaniobosha, ngelo nerekoghe nalala wulinyi kwapo ngiririkanya na kughesha malagho, nao ngaturukia.

DANIELI 7:1

Mwaka ghwa imbiri ghwa kubonya nguma kwake Belshazari mzuri wa Babuloni, Danieli orelodieghe ndodo na kuwona mawono iji orekoghe ulale wulinyi kwake. Niko ukaiandika iyo ndodo na kuwonyera maza raro.

DANIELI 7:17

‘Iri nyamandu mbaa inya ni wazuri bana wichaawuka ndoenyi.

DANIELI 7:23

“Niko ukanimanyisha: ‘Ija nyamandu ya kana ni wuzuri ghuchaawoneka ndoenyi; nagho ghuchakaia na wuchumbano na mawuzuri mazima. Wuzuri ugho ghuchasima ndoenyi kose; ghuchaichikanya na kuifasha fasha.

DANIELI 8:13

Niko ngasikira malaika umu ukimkotia mmbao, “Agha mawono gha vizongona vekora va ituku ituku, na makosa ghishekeriagha kusowekelwa na uko kuisigha Hekalu, na majeshi kufashwa-fashwa ghidwa ngelo ing'ane wada?”

ZEKARIA 14:5

Mchafufunuka kwa kuidiria ghadi na ghadi ya ihi vololo ya mghondi ghwapo kwa kukaia ghuchashabuka hata Azeli. Mchakimbia seji weke ndeyo werekimbiagha msughusiko ghwa ndoe matuku gha Uzia mzuri wa Juda. Niko BWANA Mlungu wapo uchacha chiaimweri na weke malaika wake.

MATHAYO 25:31

“Ngelo Mwana wa Mdamu uchagha na wubaa ghwake, na weke malaika wose wiko andwamweri nao, uchasea kidombo aighu ya kifumbi chake cha nguma.

MARKO 1:24

ukighamba, “Isi dawadieki kwako, Jesu wa Nazareti? Kwaacha kuditotesha? Nakuichi oho nani; ni uja Mweli wa Mlungu.”

LUKA 4:34

“Aa! Kwakunde kudibonya wada oho Jesu wa Nazareti? Kwaacha kuditotesha? Ini nakuichi oho ko uja Mweli wa Mlungu.”

WUKUMBUSO 33:2

BWANA orechieghe kufuma Mghondi ghwa Sinai; ukajoka sa iruwa aighu ya Edomu, ukang'ala-ng'ala kwa wandu wake kufuma Mghondi ghwa Parani ukacha andwamweri na weke malaika elfu ikumi uko na lumu lwa modo mkonunyi kwake ghwa kiwomi.

JUDA 1:14

Na Enoko, mundu wa kivalwa cha mfungade nyuma ya Adamu, orefunyireghe wulodi aighu ya wandu awa ukighamba, “Olenyi Bwana waawuyacha andwamweri na maelfu gha waeli wake,

WUFUNUO 14:10

uchanywa divei irudie ya kubia kwa machu gha Mlungu, idungilo andenyi ya kikombe cha machu ghake; nao uchatirirwa kwa modo na kibiriti imbiri ya weke malaika wielie, na imbiri ya Mwana wa Ng'ondi.