DANIELI 3:7 - Biblia Ilagho Jiboie Kwa Wandu Wose

⁷ Nao iji wandu wose wasikira lwaka lwa tarumbeta, na misherembe, na zeze, na ngoma, na kayamba, na firimbi, na kula chombo chebora, wandu wose, wa mbari na viteto wikaghwa na kuitasa ija fwana ya dhahabu erewikiloghe ni mzuri Nebukadnezari.

DANIELI 3:7 ပူးပေါင်းရင်းမြစ်များ

JEREMIA 51:7

Babuloni edeeka sa kikombe cha dhahabu mkonunyi kwapo, chibonywaghwa wurumwengu ghose ghuwongie; iro mbari rerenyueghe divei yake rikakaia seji raawukwa ni isu.

DANIELI 2:46

Niko mzuri Nebukadnezari ukaghwa kiwushu-wushu, na kumneka Danieli ishima ibaa; ukafunya momu kukaia ufunyiro vizongona na marumba.

DANIELI 3:10

Oho kwabonyere itangazo ee mzuri, kukaia, kula mundu ukasikira lwaka lwa tarumbeta, na misherembe, na zeze, na ngoma, na kayamba, na firimbi, na kula kilambo chebora, ugho na kuitasa iyo fwana ya dhahabu.

DANIELI 3:4

Itangazo jikabonywa kwa lwaka lubaa, “Inyo wandu wose wa mbari na viteto, mwalaghirwa

DANIELI 3:5

iji mwasikira chwaka ra tarumbeta, na misherembe, na zeze, na ngoma, na kayamba, na firimbi, na kula chombo chebora, kula mundu ugho na kuitasa iyo fwana ya dhahabu iwikilo ni mzuri Nebukadnezari.

DANIELI 3:6

Na uo ose useghwagha na kutasa, uchawadwa shwa wori na kukumbwa andenyi ya iwiwi ja modo.”

DANIELI 3:8

Ngelo iyo Wababuloni wamu wikacha na kuwishitakia Wayahudi.

MABONYO GHA WADUMI 14:16

Kwa vivalwa viidie, uo moni orewisighieghe wandu wa mbari rose wighende sa iji werekundieghe weni.

1 JOHANE 5:19

Isi damanya angu de wa Mlungu, na wurumwengu ghose ghwadakaia aisi ya Uja Mmbiwi.

WUFUNUO 12:9

Na iyo choka mbaa ikapotolwa, iyo choka ya kala, iyo iwangwagha Ibilisi na Shetani, uo mkalii wa wurumwengu ghose; nao ukapotolwa andoenyi chiaimweri na weke malaika wake.

WUFUNUO 13:14

Nayo yawikalia wandu wose wikaiagha ndoenyi kwa awo weke mwakilimbiti ererumiriloghe kuwibonya imbiri ya iyo nyamandu; ikiwilaghira angu wibonye fwana etaswa, kwa ishima ja iyo nyamandu ya imbiri ereshoghonologhe kwa lufu, na kukaia moyo sena.

WUFUNUO 13:3

Chongo chimu cha iyo nyamandu cherekoghe chikiwoneka seji cheebarwa lughuma, ela chonda chake chikaona; na wandu wose wa ndoenyi wikainugha iyo nyamandu wikishinika.

WUFUNUO 13:8

Na wandu wose wikaiagha ndoenyi wichaitasa; awo, imbiri wurumwengu ghuseumbilo, marina ghawo ghisereandikiloghe andenyi ya chuo cha irangi cha Mwana wa Ng'ondi uo orebwaghiloghe.

WUFUNUO 17:8

Iyo nyamandu kuiwonie erekoghe, ela ndeiduagha; yalighisa kujoka kufuma kinenyi cha abuso, na kughenda kutotenyi. Na awo wandu wiko ndoenyi awa marina ghawo ghiseandikilo andenyi ya chuo cha irangi, kufuma kuzoya kwa wurumwengu, wikashinika kwa kuiwona iyo nyamandu; angu erekoghe, ikasoweka; nayo ikawuya ikawoneka moyo sena.

WUFUNUO 19:20

Iyo nyamandu ikawadwa chiaimweri na uja mlodi wa tee, uo orebonyereghe weke mwakilimbiti imbiri ya iyo nyamandu; kwa awo, orewikalieghe awo wandu werepatireghe ija alama ya iyo nyamandu, na awo wereghutasireghe ugho mlimu ghwake. Awa wawi, werekumbiloghe wimoo andenyi ya ndiwa ya modo ghuakagha kwa kibiriti.