DANIELI 3:4 - Biblia Ilagho Jiboie Kwa Wandu Wose

⁴ Itangazo jikabonywa kwa lwaka lubaa, “Inyo wandu wose wa mbari na viteto, mwalaghirwa

DANIELI 3:4 ပူးပေါင်းရင်းမြစ်များ

ESTA 8:9

Niko aho, ituku ja mori mirongo iwi na idadu, mori ghwa kadadu ghuwangwagha Siwani, Mordekai ukawiwanga waandiki wose wa mzuri; ukawighoria malagho gheandikia Wayahudi, na kopi rifunyo kwa machifu, Madisii, Mapisii, na wadumiki wose wa Serikali, masanga ighana na mirongo iwi na mfungade, kufuma India hata Kushi. Itangazo jikaandikwa kwa kula mbari na kiteto chawo; wokoni kwa Wayahudi kwa muandiko na kiteto chawo.

ISAYA 40:9

Wuka ee Jerusalemu, kujoke mghondinyi mlacha, kuchile malagho mecha. Wusira lwaka lwako kuchile malagho mecha ee Jerusalemu; wusira lwaka kuchile kuseko na wowa; izerenyi mizi ya Juda, “Wonenyi MLUNGU onyu.”

ISAYA 58:1

BWANA waghamba, “Ghora kwa lwaka lubaa, kusakeleka; wusira lwaka lwako sa tarumbeta, kuwighorie wandu wapo ikosa jawo, na kivalwa cha Israeli kuchighorie kaung'a rawo.

DANIELI 3:10

Oho kwabonyere itangazo ee mzuri, kukaia, kula mundu ukasikira lwaka lwa tarumbeta, na misherembe, na zeze, na ngoma, na kayamba, na firimbi, na kula kilambo chebora, ugho na kuitasa iyo fwana ya dhahabu.

DANIELI 3:3

Niko wabaa wose wa isanga, na walindiri wa mali wose, na wabonyi nguma na wanjama, na wawiki pesa, na watanyi wabaa na watini, na wandu wose wa veo va ighu; wikakwanyika kuiwika wakfu ija fwana erewikiloghe ni mzuri Nebukadnezari.

DANIELI 3:7

Nao iji wandu wose wasikira lwaka lwa tarumbeta, na misherembe, na zeze, na ngoma, na kayamba, na firimbi, na kula chombo chebora, wandu wose, wa mbari na viteto wikaghwa na kuitasa ija fwana ya dhahabu erewikiloghe ni mzuri Nebukadnezari.

DANIELI 4:1

Mzuri Nebukadnezari ukaduma malagho kwa wandu wose wa mbari, na viteto wikaiagha ndoenyi kose: “Sere ndeichurikie konyu!

DANIELI 4:14

Ukakema na lwaka lubaa ukighamba, ‘Demenyi ugho mudi, mdumbuo mbashu raro na kuangura malemba gharo, msasare matunda ghake, nyamandu ra isakenyi ripate kughenda, na nyonyi ra mbeonyi riinjike noko kufuma mbashunyi raro.

DANIELI 6:25

Niko mzuri Dario ukawiandikia wandu wose wa mbari na viteto wikaiagha ndoenyi kose: “Sere ndeichurikie konyu.

HOSEA 5:11

Israeli waawuyakorongeka; walaghashire isanga jerekoghe jake jeni, kwa kukaia orekoghe ukilola wutesia kwa wandu wisewadie kindo chingi.

MIKA 6:16

Kuchapatwa ni agha malagho angu kwaawuyanugha mafundisho gha Mzuri Omri, na gha mwana wake Mzuri Ahabu. Kwanughie njama rawo, nani nichakunona putu, na kula mundu uchakumenya. Kuchamenywa ni wandu kula andu.”

WUFUNUO 5:9

Wikabora lumbo luwishi wikighamba, “Kwafwana oho kuchiwada icho chuo na kuifungua mihuri yaro; angu oho korebwaghiloghe, na kwa bagha yako, kukamkombuya Mlungu wandu kufuma kula kichuku, kiteto, wandu, na mbari.