DANIELI 3:29 - Biblia Ilagho Jiboie Kwa Wandu Wose

²⁹ Kwa huwo, ini nafunya momu kukaia, Wandu wangi wa mbari ingi, angu wa kiteto chingi wichaaghora ilagho jingi aighu ya Mlungu wa Shadraka, Meshaki, na Abednego, wichadumbulwa viluponge viluponge, na nyumba rawo richachikanywa na kuinjwa. Ndekuwadie mlungu ghungi mzima ghudimagha kukira kwa chia ihi anduangi.”

DANIELI 3:29 ပူးပေါင်းရင်းမြစ်များ

2 WAZURI 10:27

Wikarichikanya-chikanya iro nguro ra Baali na kuighusha iyo hekalu ya Baali, na kuighalusa iwuye choronyi; nayo eko huwo linu.

EZRA 6:11

Wokoni nalaghira angu mndungi ukeghalusa sharia ihi, mkabo ghucharuchulwa kufuma nyumbenyi kwake ghusongolo nao udungo nagho, na nyumba yake ichabonywa kukaia sa tungasi.

ZABURI 3:8

Wusimi ghwadafuma kwa BWANA; irasimio jake ndejikaie aighu ya wandu wake.

ZABURI 76:10

Loli wandu wibirie nandighi wichakukasa, na awo wifufunukagha machu ghako wichakukwanyikia.

DANIELI 1:19

Nao mzuri ukadedanya nawo wose, ela aghadi kwawo ndekorekoghe na mndungi orewonekieghe udimagha kufwananishwa na weke Danieli, Hanania, Mishaeli, na Azaria. Kwa huwo awo wikarumirilwa widumike imbiri ya mzuri.

DANIELI 1:7

Uja m'baa wa wanjama wa mzuri orewinekieghe marina: Danieli ukammbanga Belteshazari, na Hanania ukammbanga Shadraka, na Mishaeli ukammbanga Meshaki, na Azaria ukammbanga Abednego.

DANIELI 2:17

Danieli ukawuya nyumbenyi kwake; ukawimanyisha weke Hanania, na Mishaeli, na Azaria, awo werekoghe wangara wake;

DANIELI 2:47

Mzuri ukamzera Danieli, “Kwa loli Mlungu wako ni Mlungu wa milungu, na BWANA wa wazuri, na mtambushiri wa ngasu, kwa kukaia oho kwachadima kuitambua ngasu ihi.”

DANIELI 2:49

Danieli ukamlomba mzuri uwike weke Shadraka, na Meshaki, na Abednego wikaie wabaa wezighana maza ra isanga ja Babuloni; ela Danieli ukakaia ahoeni wazenyi kwa mzuri.

DANIELI 2:5

Mzuri ukawitumbulia, “Kwa loli mkalemwa ni kunimanyisha iyo ndodo na kutambua kwaro, mchadumbulwa viluponge viluponge, na nyumba renyu richachikanywa na kuinjwa.

DANIELI 3:12

Weko Wayahudi wamu kuwiwikie wikaie wabaa wezighana maza ra isanga ja Babuloni awo weke Shadraka na Meshaki na Abednego. Awa wandu ee mzuri ndewikusikiragha oho. Ndewighudumikiagha mlungu ghwako, hata ndewiitasagha ija fwana ya dhahabu koreiwikieghe.”

DANIELI 3:15

Idana iji mwasikira lwaka lwa tarumbeta, na misherembe, na zeze, na ngoma, na kayamba, na firimbi, na kula kilambo chebora, mugho kiwushu-wushu na kuitasa ija fwana ya dhahabu niibonyere. Kamanya muko tayari kubonya huwo, ichakaia nicha; ela mkalegha, mchakumbwa shwa-shwa andenyi ya iwiwi ja modo. Na oko hao mlungu udimagha kumkira na mkonu ghwapo?”

DANIELI 3:17

Ikakaia ni huwo, Mlungu odu, uo dimdumikiagha wadima kudikira na ijo iwiwi ja modo, nao uchadikira na mkonu ghwako ee mzuri.

DANIELI 3:28

Nebukadnezari ukaghamba, “Mlungu wa Shadraka, Meshaki na Abednego ndekaso, uo umdumie malaika wake kuwikira wadumiki wake. Weremrumrieghe na kuleghatala momu ghwapo; wikakaia tayari kufunya mimbi yawo kuchumba kudumikia na kutasa mlungu ghungi isaakaia ni Mlungu wawo moni.

DANIELI 6:28

Kwa huwo Danieli ukakaia nicha matuku ghose Dario na Koreshi, Mpashia werekoghe wikibonya nguma.

WUKUMBUSO 32:31

Wamaiza wawo waichi kukaia milungu yawo cheni ndeiwadie ndighi; ndeiko na ndighi sa Mlungu wa Israeli.