DANIELI 3:28 - Biblia Ilagho Jiboie Kwa Wandu Wose

²⁸ Nebukadnezari ukaghamba, “Mlungu wa Shadraka, Meshaki na Abednego ndekaso, uo umdumie malaika wake kuwikira wadumiki wake. Weremrumrieghe na kuleghatala momu ghwapo; wikakaia tayari kufunya mimbi yawo kuchumba kudumikia na kutasa mlungu ghungi isaakaia ni Mlungu wawo moni.

DANIELI 3:28 ပူးပေါင်းရင်းမြစ်များ

KUZOYA 9:26

Nao ukaghamba sena, “Mrasimie Shemu ee BWANA Mlungu wapo, na Kanaani ndekaie mzumba wake.

1 MALAGHO GHA NGELO 5:20

wikawisima wose angu weremlilieghe Mlungu ngelo wiko wudenyi, nao ukawitumbulia ilombi jawo kwa kukaia werekusaghikieghe kwake.

2 MALAGHO GHA NGELO 20:20

Wikawuka nakesho kio, wikaghenda cha kireti cha Tekoa; hata iji werekoghe wikighenda, Jehoshafati ukawuka kimusi ukaghamba, “Nisikirenyi inyo wandu wa Juda nenyo mkaiagha Jerusalemu! Mrumirienyi BWANA Mlungu onyu nenyo mchamangishwa; wirumirienyi walodi wake, nenyo mchasima.”

2 MALAGHO GHA NGELO 32:21

BWANA ukamduma malaika ikawibwagha mang'oni ghiwadie ndighi na vilongozi na wabaa wa kazi andenyi ya kambi ya Waashuru. Uo mzuri ukaghala cha mzawo na waya m'baa. Nao iji wangia andenyi ya nyumba ya mlungu ghwake, wana wamu wa wana wake weni, wikam'bwagha na lufu ahoeni.

EZRA 1:3

Mlungu ndekaie nenyo mmbose muko wandu wake. Ghendenyi Jerusalemu muiaghe sena Hekalu ya BWANA, Mlungu wa Israeli, uo utaswagha Jerusalemu.

EZRA 6:11

Wokoni nalaghira angu mndungi ukeghalusa sharia ihi, mkabo ghucharuchulwa kufuma nyumbenyi kwake ghusongolo nao udungo nagho, na nyumba yake ichabonywa kukaia sa tungasi.

ZABURI 103:20

Mkasenyi BWANA inyo weke malaika wake mmbwadie ndighi, msikiragha malagho ghake, na kuwada agho ughoragha.

ZABURI 147:11

ela BWANA wadaboilwa ni wandu wimuobuagha, awo wilusuwiriagha lukundo lwake lukatie.

ZABURI 33:18

Ola BWANA wadawizighana awo wimuobuagha, awo wilusuwiriagha lukundo lwake lukatie;

ZABURI 33:21

Hee, wadadiboia ngolonyi kodu, kwa kukaia dadajisuwiria irina jake ja wueli.

ZABURI 34:22

BWANA wadawikombua wadumiki wake; ndekuwadie ungi wa awo wimkimbiriagha uchaatanywa anduangi.

ZABURI 62:8

Rumirienyi Mlungu ngelo rose ee wandu, mumghorie wasi ghonyu ghwa ngolonyi; Mlungu nuo andu kodu kokimbiria.

KUFUMA 20:5

kusakevighoghomia hata kuvidumikia, angu ini BWANA Mlungu wako, ne Mlungu uko na iriso; nawikabagha wanake kwa wundu ghwa kaung'a ra weke ndee, hata kivalwa cha kadadu na cha kana; awo wizamilwagha ni ini;

ISAYA 12:2

“Ola Mlungu nuo kukia kwapo, nichamrumiria hata sichaaobua anduangi; kwa kukaia BWANA Mlungu nuo ndighi na lumbo lwapo, nao nuo kukia kwapo.”

ISAYA 37:36

Nao malaika wa BWANA ukaghenda kambinyi ya Waashuru, na kuwibwagha wandu elfu ighana na mirongo wunyanya na wasanu. Hata iji wandu werewukieghe nakesho, wikakua awo wandu wose wifue.

ISAYA 50:10

Nani aghadi konyu umuobuagha BWANA na kulusikira lwaka lwa mdumiki wake? Uo ughendagha kirenyi andu kuseko na mwengere, nderumirie irina ja BWANA na kukusaghika kwa Mlungu wake.

DANIELI 2:47

Mzuri ukamzera Danieli, “Kwa loli Mlungu wako ni Mlungu wa milungu, na BWANA wa wazuri, na mtambushiri wa ngasu, kwa kukaia oho kwachadima kuitambua ngasu ihi.”

DANIELI 3:25

Nao ukawizera, “Ela naawuyawona wandu bana wifungulo, nawo waawuyasela andenyi ya modo wisewonagha ilagho jingi! Na fwana ya uo mundu wa kana ooka sa awo wana wa milungu.”

DANIELI 4:34

Nebukadnezari ukaghamba, “Kutua kwa agho matuku, ini Nebukadnezari nerewusireghe meso ghapo cha mlungunyi, nawurilwa ni akili rapo, ngamkasa Uo-Uko-Aighu-Nandighi, ngamkasa na kumneka ishima uo uduagha moyo kwa kala na kala. Uo wadabonya nguma kwa kala na kala, na wuzuri ghwake ghwadakaia vivalwa na vivalwa.

DANIELI 6:16

Mzuri ukafunya momu Danieli uredo. Nao ukaredwa na kukumbwa andenyi ya kizimba cha shimba. Mzuri ukamzera Danieli, “Mlungu wako uo kumdumikiagha tuli tuli ukukire!”

DANIELI 6:26

Ini nafunya momu andenyi ya wuzuri ghwapo, wandu wiobuo na kusughisika imbiri ya Mlungu wa Danieli. Uo ni Mlungu uko moyo, uduagha kwa kala na kala; wuzuri ghwake ndeghuchaanonwa jingi; na nguma rake nderiwadie kutua kungi.

MATHAYO 4:10

Niko Jesu ukamzera, “Ghenda noko Shetani! Yaandikilo, ‘Kumtase Bwana Mlungu wako, na kumdumikia uo moni uekeri.’”

MABONYO GHA WADUMI 4:19

Ela Petro na Johane wikawitumbulia, “Tanyenyi mmbeni ngera ni hachi imbiri ya Mlungu kumsikira inyo kuchumba uo moni;

MABONYO GHA WADUMI 5:19

Ela kio ghadi malaika wa Bwana ukairughua minyango ya jela na kuwifunya shighadi ukawizera,

WAROMA 12:1

Kwa huwu wanidu, namvoya kwa wundu ghwa wughoma mungi ghwa Mlungu, muifunye mimbi yenyu ikaie sa kizongona chiko moyo; chielie, chirumirilwagha ni Mlungu; nako niko kutasa konyu kwa loli.

1 WAKORINTHO 13:3

Ngera nafunya vose niko navo, na kuneka wakiwa, hata kufunya mumbi ghwapo ghukoro, nani siwadie lukundo, sipatagha fwaida ingi anduangi.

WAFILIPI 1:20

Angu niko nawuyawona na kusuwiria nandighi kukaia, sichaafushwa waya anduangi; ela kwa ngolo mbaa, idana sa matuku ghose, Kristo uchabonyerwa ishima mumbinyi kwapo; ngera ni kwa chia ya kukaia moyo, angu kwa chia ya kufwa.

WAEBRANIA 1:14

Welee, weke malaika wose si roho ridumikagha, ridumilo ripate kudumika kwa wundu ghwa awo wipatagha kukia anguwada?

WAEBRANIA 11:37

Werelasiroghe na magho, weredumbuloghe na misumeno, werebwaghiloghe kwa lufu, werekoghe wikimara-mara wikirwa mirongo ya ng'ondi na ya mburi; werekoghe wakiwa, wandu wa wasi, wikorongelo.

1 PETRO 1:21

Kwa chia yake uo, moko na irumirio kwa Mlungu, uo oremrukishireghe kufuma kwa wafu, na kumneka wubaa; eri irumirio jenyu, na isuwirio jenyu, jikaie kwa Mlungu.

WUFUNUO 12:11

Nawo wedemsima kwa iyo bagha ya Mwana wa Ng'ondi, na kwa ilagho ja wushuhuda ghwawo; angu ndewereghikundieghe marangi ghawo hata kifwa.