DANIELI 3:27 - Biblia Ilagho Jiboie Kwa Wandu Wose

²⁷ Na wabaa wa isanga na wa serikali, na wanjama wa mzuri, wikakwana chiaimweri. Wikawona kukaia modo ndeghuwibonyere waja wandu ilagho jingi; hata kukaia na ndighi mimbinyi kwawo; maridia ghawo na nguwo rawo nderiwonie ilagho jingi, hata irumba ja modo ndejerekoghe kwawo anduangi.

DANIELI 3:27 ပူးပေါင်းရင်းမြစ်များ

1 WAZURI 13:28

Ukaghenda ukaghuwona mumbi ghwa uja mlodi wa Mlungu ghuko achienyi, na shimba na punda riko kimusi mbai na mbai ya ugho mumbi. Shimba ndeerejieghe ugho mumbi, hata kubwagha punda.

2 WAZURI 19:19

Kwa huwo ee BWANA Mlungu odu, nakuvoya kudikire nao, eri mawuzuri ghose gha ndoenyi ghipate kumanya angu oho ko Mlungu kuekeri ee BWANA.”

ZABURI 83:18

Kuwibonye wimanye kukaia ni oho kuekeri kuwangwagha BWANA; M'bonyi nguma m'baa ndoenyi kose.

ISAYA 26:11

Mkonu ghwako ghwawusirwa ighu ghukabe ee BWANA, ela ndewighuwonagha. Ndewiwone kufunga ndighi kwako kwa wundu ghwa wandu wako, wipate kufwa waya. Modo ghuwikilo kwa wundu ghwa wamaiza wako, ndeghuwimerie.

ISAYA 43:2

Hata ngera kwaida aghadi ya machi mengi, ini nichakaia andwamweri na oho. Kukaida aghadi ya meda ya machi mengi, ndegichaakudwa anduangi. Kukaida aghadi ya modo, ndekuchaahia; hata lumu lwa modo lukakuleta, ndekuchaalungua anduangi.

DANIELI 3:21

Niko awo wandu wikafungwa wiko wirwae marwao ghawo ghose; majoho ghawo na kofia rawo, na marwao ghawo mazima; wikakumbwa andenyi ya ijo iwiwi ja modo.

DANIELI 6:23

Nao mzuri ukaboilwa nandighi; ukafunya momu Danieli ujoso na kufunywa kizimbenyi cha shimba. Niko Danieli ukajoswa na kufunywa kizimbenyi cha shimba, nao nderekoghe na alama ingi eshoghonolwa iwonekagha mumbinyi kwake, kwa kukaia orekoghe ukimrumiria Mlungu wake.

DANIELI 6:7

Wabaa wose wa wuzuri, wazighaniri, na wabaa wa masanga, wanjama na wabaa wose warumiriana kukaia mzuri udunge sharia na kuimangisha, kukaia, mndungi ukalomba kilambo chingi kwa mlungu ghungi, angu kwa mdamu, isaakaia ni kwako koni ee mzuri kwa matuku mirongo idadu, uchakumbwa andenyi ya kizimba cha shimba.

MATHAYO 10:30

Nenyo hata maridia gha vongonyi konyu ghatalilo putu.

MABONYO GHA WADUMI 26:26

Angu mzuri waichi agha malagho, na kwake niaghora kuseko na wowa. Namanya angu mzuri ndeidilo ni ilagho jingi, angu ndegherebonyekieghe kwa kiviso anduangi.

MABONYO GHA WADUMI 27:34

Kwa huwo namlomba muje vindo mpate ndighi; kwa kukaia ndekuwadie hata iridia ja chongo cha mndungi jichaatota anduangi.”

WAEBRANIA 11:34

wikarimisha medo ibirie, wikafufunuka wisebwagho kwa lufu, wikapata ndighi nyuma ya kusilwa kwawo, wikawuya mang'oni wudenyi, wikawinga majeshi gha kighenyi.