DANIELI 3:24 - Biblia Ilagho Jiboie Kwa Wandu Wose

²⁴ Niko mzuri Nebukadnezari ukashinika na kuwuka kimusi kwa shwa-shwa; ukawikotia wanjama wake, “Welee, ndediwikumbieghe wandu wadadu wifungie andenyi ya modo?” Wikamtumbulia mzuri, “Ni loli ee mzuri.”

DANIELI 3:24 ပူးပေါင်းရင်းမြစ်များ

2 MALAGHO GHA NGELO 22:4

Ukabonya mawiwi imbiri ya BWANA, sa iji koni wandu wa nyumba ya Ahabu werebonyereghe; angu ndee uendafwa, wandu wa nyumba ya Ahabu niwo werekoghe wanjama wake, nawo wikamshekeria kunoneka.

DANIELI 3:17

Ikakaia ni huwo, Mlungu odu, uo dimdumikiagha wadima kudikira na ijo iwiwi ja modo, nao uchadikira na mkonu ghwako ee mzuri.

DANIELI 3:23

Na awo wandu wadadu, awo weke Shadraka, Meshaki, na Abednego wikapotoka andenyi ya ghuja modo wifungie.

DANIELI 3:25

Nao ukawizera, “Ela naawuyawona wandu bana wifungulo, nawo waawuyasela andenyi ya modo wisewonagha ilagho jingi! Na fwana ya uo mundu wa kana ooka sa awo wana wa milungu.”

DANIELI 4:22

“Mudi ugho ni oho kumoni ee mzuri, kuzoghue na kuwuya m'baa. Wubaa ghwako ghwazoghue na kuvika mlungunyi, na nguma rako raerie hata kutua kwa ndoenyi.

DANIELI 4:27

Kwa wundu ugho ee mzuri, njama yapo ndeirumirikie imbiri kwako. Sigha kaung'a rako, kuinughe hachi; kusighe mawiwi, kuwonyere wughoma kwa awo wikorongelo eri kukaie na sere na kuwona nicha.”

DANIELI 5:18

Ee mzuri, Mlungu, Uo-Uko-Aighu-Nandighi, oremnekieghe ndeyo Nebukadnezari wuzuri, ndigi na wubaa, na nguma.

DANIELI 5:6

Niko fwana ya wushu ghwake ikaghaluka, maghesho mengi ghikawuka andenyi kwake; mawungo ghake ghikateweleka, na vitemberu vake vikakoda koda.

DANIELI 6:22

Mlungu wapo wamdumie malaika wake, na kuifunga memu ya shimba, naro nderinibonyere ilagho jingi anduangi, kwa kukaia serewonekieghe kukaia na ikosa jingi imbiri kwake; na hata imbiri kwako ee mzuri sibonyere ikosa jingi anduangi.”

DANIELI 6:7

Wabaa wose wa wuzuri, wazighaniri, na wabaa wa masanga, wanjama na wabaa wose warumiriana kukaia mzuri udunge sharia na kuimangisha, kukaia, mndungi ukalomba kilambo chingi kwa mlungu ghungi, angu kwa mdamu, isaakaia ni kwako koni ee mzuri kwa matuku mirongo idadu, uchakumbwa andenyi ya kizimba cha shimba.

MABONYO GHA WADUMI 12:13

Hata iji wakongoda mnyango ghwa shighadi, mwai uwangwagha Roda ukacha kumdika.

MABONYO GHA WADUMI 26:13

nao dime ghadi ee Mzuri, nerewonieghe chienyi mwengere kufuma mlungunyi, ghuelie kuchumba iruwa, ghukang'ala-ng'ala chia rose kwapo, na wose deredambanyeghe.

MABONYO GHA WADUMI 26:27

Mzuri Agripa, kwawirumirie walodi? Namanya angu kwawirumirie.”

MABONYO GHA WADUMI 9:6

ela wuka kungie mzinyi, na oho kuchaghorelwa agho kuchaabonya.”

1 SAMUELI 17:55

Nao iji Sauli wammbona Daudi ukimghendia Goliathi, ukamzera Abneri uo orekoghe m'baa wa majeshi, “Abneri, aka kamdawana-lee ni kani?” Abneri ukatumbulia, “Sa iji roho yako iko moyo ee mzuri, simanyire.”