DANIELI 3:10 - Biblia Ilagho Jiboie Kwa Wandu Wose

¹⁰ Oho kwabonyere itangazo ee mzuri, kukaia, kula mundu ukasikira lwaka lwa tarumbeta, na misherembe, na zeze, na ngoma, na kayamba, na firimbi, na kula kilambo chebora, ugho na kuitasa iyo fwana ya dhahabu.

DANIELI 3:10 ပူးပေါင်းရင်းမြစ်များ

1 MALAGHO GHA NGELO 15:16

Wokoni Daudi ukawilaghira wabaa wa Walawi wiwike wakwawo webora na kukaba vombo va muziki kwa ndighi; vinubi, zeze, banjo na kufunya lwaka lwa kuboilwa.

1 MALAGHO GHA NGELO 15:28

Na huwo Waisraeli wikaireda Sanduku ya BWANA na ngemi iendanyagha na lwaka lwa mbembe, tarumbeta na banjo, nawo wikakaba muziki m'baa ghwa vinubi na zeze.

2 MALAGHO GHA NGELO 29:25

Mzuri ukawika Walawi andenyi ya Hekalu ya BWANA wiko na banjo, na vinubi na zeze; kunughana na malaghiro gha BWANA oremlaghirieghe Daudi ukimtumia mmboni wa mzuri Gadi, na mlodi Nathani; angu agho malaghiro ghedefuma kwa BWANA ghikiidiria kwa walodi wake.

ZABURI 94:20

Welee, wabonyi nguma wawiwi, awo wibonyagha sheshe kwa kutumia sharia, wadima kuwadana na oho?

KUFUMA 1:16

“Ngelo mwakawivarisha waka wa Waebrania, mkawona mwana wa womi wavalwa, mum'bwaghe ela mkawona mwana wa waka mumsighe ukaie moyo.”

KUFUMA 1:22

Mzuri ukawilaghira Wamisri ukighamba, “Kula mwana wa womi uchaavalwa kwa Waebrania, mumkumbe modenyi ghwa Naili, ela kula mwana wa waka mchamsigha ukaie moyo.”

MCHILI 3:16

Aighu ya agho, nawonie wurumwengunyi kukaia, andu loli na hachi ifwane ikaie, ghorekoghe wuwiwi.

ISAYA 10:1

Ni bugha konyu inyo mdungagha sharia riseko ra hachi, na kuandika malagho ghewikoronga wandu wapo.

DANIELI 3:11

Na uo ose useghwagha na kutasa uchakumbwa andenyi ya iwiwi ja modo.

DANIELI 3:15

Idana iji mwasikira lwaka lwa tarumbeta, na misherembe, na zeze, na ngoma, na kayamba, na firimbi, na kula kilambo chebora, mugho kiwushu-wushu na kuitasa ija fwana ya dhahabu niibonyere. Kamanya muko tayari kubonya huwo, ichakaia nicha; ela mkalegha, mchakumbwa shwa-shwa andenyi ya iwiwi ja modo. Na oko hao mlungu udimagha kumkira na mkonu ghwapo?”

DANIELI 6:12

Niko wikacha kwa mzuri wikamzera, “Ee mzuri, oho kwadungie sharia kukaikaba mhuri na kuingira sahihi kukaia mndungi ukalomba kindo chingi kwa mlungu ghungi angu kwa mundu, isaakaia ni kwako ee mzuri kwa matuku mirongo idadu, uchakumbwa andenyi ya kizimba cha shimba.” Mzuri ukatumbulia, “Niko koni kunughana na sharia ya Waamedi na Wapashia iseghaluswagha.”

AMOSI 6:5

inyo m'boragha chumbo mkitumia vinubi, na kukubonyera vombo vebora sa Daudi.

JOHANE 11:57

Wakohani wabaa na Mafarisayo werekoghe wafunya momu angu mndungi ukamanya andu uko, uwighorie wipate kummbwada.