DANIELI 2:5 - Biblia Ilagho Jiboie Kwa Wandu Wose

⁵ Mzuri ukawitumbulia, “Kwa loli mkalemwa ni kunimanyisha iyo ndodo na kutambua kwaro, mchadumbulwa viluponge viluponge, na nyumba renyu richachikanywa na kuinjwa.

DANIELI 2:5 ပူးပေါင်းရင်းမြစ်များ

2 WAZURI 10:27

Wikarichikanya-chikanya iro nguro ra Baali na kuighusha iyo hekalu ya Baali, na kuighalusa iwuye choronyi; nayo eko huwo linu.

EZRA 6:11

Wokoni nalaghira angu mndungi ukeghalusa sharia ihi, mkabo ghucharuchulwa kufuma nyumbenyi kwake ghusongolo nao udungo nagho, na nyumba yake ichabonywa kukaia sa tungasi.

ZABURI 50:22

“Zighanenyi ijo ilagho inyo muniliwagha, nisechemrashua hata msowe mndungi omkira.

ZABURI 58:7

Ndewilaghae sa machi ghiidagha; ndewifasho-fasho sa nyasi na kuoma.

DANIELI 2:12

Kwa ilagho ijo, mzuri ukajokwa ni machu loli loli, ukafunya momu wandu wose wa hekima wiko Babuloni witotesho.

DANIELI 3:29

Kwa huwo, ini nafunya momu kukaia, Wandu wangi wa mbari ingi, angu wa kiteto chingi wichaaghora ilagho jingi aighu ya Mlungu wa Shadraka, Meshaki, na Abednego, wichadumbulwa viluponge viluponge, na nyumba rawo richachikanywa na kuinjwa. Ndekuwadie mlungu ghungi mzima ghudimagha kukira kwa chia ihi anduangi.”

DANIELI 4:9

Ee Belteshazari, m'baa wa wasawi, kwa kukaia naichi roho ya milungu ielie eko andenyi kwako, hata ndekuwadie ngasu ingi ikurie kwako, ola ndodo hei niilodere, kunimanyishe kutambua kwaro.

WUKUMBUSO 13:16

Vilambo vose mwaviwada, muvitumbanye ghadi na ghadi ya ugho muzi andu kuko kuelie, na kughukora muzi chiaimweri navo, sa kizongona chekora chose kwa BWANA Mlungu onyu, nagho ghuchawuya ighacho kwa kala na kala, hata ndeghuchaaghwa sena.

JOSHUA 6:26

Ngelo iyo, Joshua ukawighemesha wandu ukighamba, “Kula mundu uchaatima kuagha ughu muzi ghwa Jeriko, ndewado ni njowe ra Mlungu. Uo ose uchaagha msingi ghwaro, uchafuilwa ni mwana wake wa imbiri wa womi; Na uo uchaagha mbenge raro, uchafuilwa ni mwana wake wa womi mtini.”

1 SAMUELI 15:33

Samueli ukaghamba, “Sa iji koni lufu lwako loreshekerieghe waka wengi kusowekelwa ni wana wawo, huwo koni mayo uchakusowa aghadi ya waka wambao.” Nao Samueli ukamdema Agagi vipande-vipande madhabahunyi imbiri ya BWANA aho Gilgali.