DANIELI 2:48 - Biblia Ilagho Jiboie Kwa Wandu Wose

⁴⁸ Mzuri ukammbika Danieli ukaie m'baa, na kumneka manosi mazima mengi; ukam'bonya ukaie m'baa wa isanga jose ja Babuloni, na m'baa wa wandu wa hikima wose.

DANIELI 2:48 ပူးပေါင်းရင်းမြစ်များ

2 SAMUELI 19:32

Barzilai orekoghe mghosi nandighi wa miaka mirongo wunyanya; nao orekoghe wamneka mzuri vindo iji orekoghe aja Mahanaimu; angu orekoghe mzuri m'baa wa mali.

2 WAZURI 5:1

M'baa wa majeshi gha mzuri wa Siria, uwangwaghwa Naamani, orekoghe m'baa unekelo ishima na kukundwa ni mzuri, angu nuo oretumiloghe ni BWANA kuwiredia Wasiria wusimi; orekoghe mundu m'baa uwadie ndighi, ela orekoghe na sima.

AYUBU 1:3

Orekoghe na ng'ondi elfu mfungade, ngamila elfu idadu, ng'ombe elfu imweri, weke punda wa waka maghana masanu, na wadumiki wengi nandighi; huwo uo mundu orekoghe mzuri wa mali kuchumba wandu wose wa mashariki.

JEREMIA 5:5

Nichawighendia vilongozi, nani nichaghora nawo; kwa kukaia awo waiichi chia ya BWANA, iyo sharia ya Mlungu wawo.” Ela wose kwa nia imweri waleghie kubonyerwa nguma ni BWANA, na kulegha kumsikira.

DANIELI 2:6

Ela mkanimanyisha ndodo yaro na kutambua kwaro, nichamneka manosi na vilambo, nani nicham'bonyera ishima ibaa. Kwa huwo nimanyishenyi iyo ndodo chiaimweri na kutambua kwaro.”

DANIELI 3:1

Mzuri Nebukadnezari ukabonya fwana ya dhahabu. Wulacha ghwaro meta mirongo iwi na mfungade, na wushapa ghwaro kaavui na meta idadu. Ukaiwika wurindinyi ghwa Dura andenyi ya isanga ja Babuloni.

DANIELI 3:12

Weko Wayahudi wamu kuwiwikie wikaie wabaa wezighana maza ra isanga ja Babuloni awo weke Shadraka na Meshaki na Abednego. Awa wandu ee mzuri ndewikusikiragha oho. Ndewighudumikiagha mlungu ghwako, hata ndewiitasagha ija fwana ya dhahabu koreiwikieghe.”

DANIELI 3:30

Niko mzuri ukawijosa daraja weke Shadraka na Meshaki na Abednego andenyi ya isanga ja Babuloni.

DANIELI 4:6

Kwa huwo ngafunya momu kukaia wandu wose wa hikima wiko Babuloni wiredo kwapo, wipate kunimanyisha kutambushira kwaro iyo ndodo.

DANIELI 4:9

Ee Belteshazari, m'baa wa wasawi, kwa kukaia naichi roho ya milungu ielie eko andenyi kwako, hata ndekuwadie ngasu ingi ikurie kwako, ola ndodo hei niilodere, kunimanyishe kutambua kwaro.

DANIELI 5:11

Oko mundu andenyi ya wuzuri ghwako uko na roho ya milungu ielie. Ngelo ra ndeyo, suku, na kumanya, na hikima iko sa ya milungu, erewonekieghe andenyi kwake; na ndeyo mzuri Nebukadnezari orem'bonyereghe ukakaia m'baa wa wasawi, na waghanga, na Wababuloni, na wamanyi wa nyerinyeri.

DANIELI 5:16

Ela nasikira wei oho kwadima kutambua na kusasawua maza rikurie. Kukadima kunishomia ghaja maandiko na kunimanyisha kutambua kwaro, kucharushwa marwao gha zambarau, na kungirwa mkufu ghwa dhahabu singonyi kwako; na oho kuchakaia wa cheo cha kadadu andenyi ya wazuri.”

DANIELI 5:29

Niko Belshazari ukafunya momu Danieli urusho mwarwao gha zambarau, na kungirwa mkufu ghwa dhahabu singonyi kwake; sena itangazo jibonyo kukaia uchakaia wa cheo cha kadadu andenyi ya wuzuri.

DANIELI 5:7

Mzuri ukakema kwa lwaka; ukalomba wasawi, na Wababuloni, na wamanyi wa nyerinyeri wiredo. Ukawizera wandu wa hikima wa Babuloni, “Mundu uo ose uchaashoma maandiko agha, na kunighoria kutambushira kwaro, ucharushwa marwao gha zambarau, na kungirwa mkufu ghwa dhahabu singonyi kwake; nao uchakaia mundu wa kadadu kwa wuzuri ghwapo.”

DANIELI 8:27

Ini Danieli ngalemwa na kuwuya mkongo kwa matuku mengi. Niko ngawuka na kuzoya kubonya kazi ra mzuri, ela nereshinuloghe ni agho mawono, hata seredimieghe kughitambua anduangi.

MITALO 24:11

Kwa huwu idana kimbia kughale. Nereghambieghe nikulipa mafungu, ela BWANA wakughiria kuseghipate.”

1 SAMUELI 17:25

Wandu wa Israeli wikazerana, “Mwammbona uja mundu wacha? Loli waacha kuzaruma Israeli; mundu uo ose uchaam'bwagha, uchafughishwa ni mzuri kwa wungi, sena uchaloworwa mwai wa mzuri, na nyumba ya ndee ndeichaalipishwa kodi.”

1 SAMUELI 2:8

Wadamjosa mkiwa ufume terinyi, wadammbusira uo usowie ufume kitungasinyi cha ivu; upate kuwibonya wisee kidombo chiaimweri na wabaa, wipate ifwa ja malalo gha ishima. Angu nguro ra ndoenyi ni ra BWANA, na aighu yaro waghuwikirie wurumwengu.

1 SAMUELI 25:2

Na aho Maoni korekoghe na mndumu orekoghe na ndoe aja Karmeli. Mundu uo, orekoghe mzuri wa mali; ng'ondi elfu idadu, na mburi elfu imweri. Orekoghe ukidumbua ng'ondi rake mafuri aja Karmeli.