DANIELI 2:47 - Biblia Ilagho Jiboie Kwa Wandu Wose

⁴⁷ Mzuri ukamzera Danieli, “Kwa loli Mlungu wako ni Mlungu wa milungu, na BWANA wa wazuri, na mtambushiri wa ngasu, kwa kukaia oho kwachadima kuitambua ngasu ihi.”

DANIELI 2:47 ပူးပေါင်းရင်းမြစ်များ

KUZOYA 41:39

Niko Mzuri ukamzera Josefu, “Kwa kukaia Mlungu wakufunukuya oho maza iri rose, yawoneka worinyi angu ndekuwadie mndungi mzima uko na akili na suku iri kuko naro;

2 WAZURI 5:15

Niko Naamani ukawuya kwa Elisha chiaimweri na wandu wake wose; ukacha na kukaia kimusi imbiri yake, ukaghamba, “Ola namanya angu ndeuko Mlungu ungi mzima wurumwengunyi kose, ela kwa Israeli; kwa huwo idana nakulomba kuwuse manosi kufuma kwapo ini mdumiki wako.”

AYUBU 12:19

Wadawisoka wakohani wubaa ghwawo na kuwifunya noko, nao wadawisima awo wiko na ndighi.

ZABURI 136:2

Mfunyirenyi Mlungu chawucha, uo uko aighu ya milungu yose; lukundo lwake lukatie lwadua kwa kala.

ZABURI 136:3

Mfunyirenyi Bwana chawucha, uo uko aighu ya weke Bwana wose; lukundo lwake lukatie lwadua kwa kala.

ZABURI 72:11

Wazuri wose ndewimghoghomie, na mbari rose rimdumikie.

ZABURI 82:1

Mlungu waseria kifumbi chake cha mwandu ghwa mlungunyi; waawuyatanya aghadi ya milungu.

ZABURI 96:4

BWANA ni m'baa, ufwane ukaso nandighi; yafwana uobolo kuchumba milungu yose.

EZEKIELI 26:7

Bwana MLUNGU waghamba huwu, “Ola nichamreda Nebukadnezari mzuri wa Babuloni kufuma cha kaskazinyi, nao ni mzuri aighu ya wazuri, uchelwa na Tiro, nao uchacha na farasi, na magare, na wajoki farasi, ijeshi ja masikari mengi.

DANIELI 11:36

“Mzuri wa Siria uchabonya seji ukunde; uchakujosa na kukubonya m'baa aighu ya icho chose chiwangwagha mlungu; nao uchadeda malagho gha mashiniko aighu ya Mlungu wa milungu. Uchakaia nicha hata ngelo ya machu gha Mlungu kukatia, angu agho ghilaghirilo ghichapata kukatia kwaro.

DANIELI 2:19

Nao kio icho cheni, Mlungu ukamfunukuya Danieli ngasu ya ija ndodo. Danieli ukamkasa Mlungu wa mlungunyi ukaghamba:

DANIELI 2:22

Wadafunukua maza riko ndenyi ra ngasu, na agho ghivisikie kirenyi waghimanya; uo wadakaia mwengerenyi.

DANIELI 2:28

Ela oko Mlungu mlungunyi ufunukuagha maza rivisikie, nao wakumanyisha oho mzuri Nebukadnezari iro maza richaabonyeka ngelo richagha. Ndodo yako na mawono kughiwonie ngelo korekoghe kwalala wulinyi kwako nigho agha:

DANIELI 2:29

“Iji korekoghe kwalala wulinyi kwako ee mzuri, korekoghe kwachelwa ni maghesho gha maza richaakaia konyuma; na uo ufunukuagha maza ra ngasu, ukakumanyisha agho ghichaakaia.

DANIELI 2:30

Ela kwapo ini, ngasu ihi ndeifunukulo angu wei niko na hikima ichumbie wandu wose wiko moyo, ela ni angu ikundikie mzuri utambushiro ngasu, eri utambuo maza urigheshere.

DANIELI 2:37

Oho ee mzuri, ko mzuri wa wazuri; Mlungu wa mlungunyi wakunekie wuzuri, na kudima, na ndighi, na wubaa.

DANIELI 3:15

Idana iji mwasikira lwaka lwa tarumbeta, na misherembe, na zeze, na ngoma, na kayamba, na firimbi, na kula kilambo chebora, mugho kiwushu-wushu na kuitasa ija fwana ya dhahabu niibonyere. Kamanya muko tayari kubonya huwo, ichakaia nicha; ela mkalegha, mchakumbwa shwa-shwa andenyi ya iwiwi ja modo. Na oko hao mlungu udimagha kumkira na mkonu ghwapo?”

DANIELI 3:28

Nebukadnezari ukaghamba, “Mlungu wa Shadraka, Meshaki na Abednego ndekaso, uo umdumie malaika wake kuwikira wadumiki wake. Weremrumrieghe na kuleghatala momu ghwapo; wikakaia tayari kufunya mimbi yawo kuchumba kudumikia na kutasa mlungu ghungi isaakaia ni Mlungu wawo moni.

DANIELI 3:29

Kwa huwo, ini nafunya momu kukaia, Wandu wangi wa mbari ingi, angu wa kiteto chingi wichaaghora ilagho jingi aighu ya Mlungu wa Shadraka, Meshaki, na Abednego, wichadumbulwa viluponge viluponge, na nyumba rawo richachikanywa na kuinjwa. Ndekuwadie mlungu ghungi mzima ghudimagha kukira kwa chia ihi anduangi.”

DANIELI 4:17

Kutanya uko kwanughana na sharia idumbulo na kutangazwa ni weke malaika waeli wichereshagha, eri kutua wandu wiko moyo wimanye kukaia Uo-Uko-Aighu-Nandighi wadabonyera mawuzuri ghose gha wadamu nguma, nao wadamneka uo ose umkundagha, na kumjosa uo uko mnyonge.’

DANIELI 4:25

Kuchawingwa kufuma kwa wadamu, na oho kuchakaianya na nyamandu ra isakenyi; kuchaja nyasi sa ng'ombe, na oho kuchakabwa ni mami kwa mishushure ifumagha mlungunyi. Miaka mfungade ichaida, hata kwamanya kukaia Uo Uko Aighu na Ndighi wabonyagha nguma aighu ya mawuzuri gha wadamu, nao wadamneka uo ose umkundagha.

DANIELI 4:32

Oho kuchaghenjwa noko kufume kwa wandu, kukaianye na nyamandu ra isakenyi, kuje nyasi sa ng'ombe kwa miaka mfungade, hata kwameria kukufundisha kukaia Uo Uko Aighu Na Ndighi wabonyeragha mawuzuri gha wadamu nguma, na kumneka uo ose ukundagha.”

DANIELI 5:11

Oko mundu andenyi ya wuzuri ghwako uko na roho ya milungu ielie. Ngelo ra ndeyo, suku, na kumanya, na hikima iko sa ya milungu, erewonekieghe andenyi kwake; na ndeyo mzuri Nebukadnezari orem'bonyereghe ukakaia m'baa wa wasawi, na waghanga, na Wababuloni, na wamanyi wa nyerinyeri.

AMOSI 3:7

Kwa loli Mlungu ndebonyagha ilagho jingi, usezoe kande kufunukua mpango ghwake kwa wadumiki wake walodi.

1 WAKORINTHO 14:25

ngasu ra ngolo yake richawikwa worinyi, nao ukighwa kijimijimi, uchamtasa Mlungu na kughora worinyi angu Mlungu oko aghadi konyu loli.

WUKUMBUSO 10:17

Angu BWANA Mlungu onyu ni Mlungu wa milungu, na BWANA wa weke bwana; ni m'baa wa kudima, nao ni Mlungu oobosha; usemtalagha mndungi kuchumba mmbao, hata ndehongwagha anduangi.

1 TIMOTHEO 6:15

Na uko kuwoneka kwake, kuchawonyerwa worinyi kwa ngelo yaro ni uo ukaswaghwa uko M'baa uekeri, Mzuri wa wazuri na Bwana wa weke bwana.

JOSHUA 22:22

“Uo-Uwadie-Ndighi ni Mlungu, uo nuo BWANA! Uo-Uwadie-Ndighi ni Mlungu, Uo nuo BWANA! Uo wamanya kwaki dibonyere huwo, nesi dakunda na Israeli cheni imanye! Ikakaia dighalukie dikasigha kumrumiria BWANA, msedisighe kukaia moyo sena!

WUFUNUO 1:5

na kufuma kwa Jesu Kristo uo mshahidi mloli, mvalwa wa imbiri wa awo wifue, na uo uwibonyeragha nguma wazuri wa ndoenyi. Kwake uo udikunde, ukadifungua kwa bagha yake difume kaung'enyi redu,

WUFUNUO 17:14

Nawo wichalwa na uo Mwana wa Ng'ondi chiaimweri na awo wikwanye, werewangiloghe wikasaghulwa, nawo ni waloli; na uo Mwana wa Ng'ondi uchawisima, angu uo ni Bwana wa weke bwana na Mzuri wa wazuri.”

WUFUNUO 19:16

Oko na irina jiandikilo ijohonyi kwake na barenyi kwake, MZURI WA WAZURI, na BWANA WA WEKE BWANA.