DANIELI 2:46 - Biblia Ilagho Jiboie Kwa Wandu Wose

⁴⁶ Niko mzuri Nebukadnezari ukaghwa kiwushu-wushu, na kumneka Danieli ishima ibaa; ukafunya momu kukaia ufunyiro vizongona na marumba.

DANIELI 2:46 ပူးပေါင်းရင်းမြစ်များ

EZRA 6:10

Malagho agho ghibonyo eri widime kumfunyira Mlungu wa mlungunyi vizongona viboie, winilombie na wana wapo.

DANIELI 3:5

iji mwasikira chwaka ra tarumbeta, na misherembe, na zeze, na ngoma, na kayamba, na firimbi, na kula chombo chebora, kula mundu ugho na kuitasa iyo fwana ya dhahabu iwikilo ni mzuri Nebukadnezari.

DANIELI 3:7

Nao iji wandu wose wasikira lwaka lwa tarumbeta, na misherembe, na zeze, na ngoma, na kayamba, na firimbi, na kula chombo chebora, wandu wose, wa mbari na viteto wikaghwa na kuitasa ija fwana ya dhahabu erewikiloghe ni mzuri Nebukadnezari.

DANIELI 8:17

Nao Gabrieli ukacha kaavui na andu nerekoghe kimusi; ngaobua na kughwa kiwushu-wushu. Ela uo ukanizera, “Manya ee Mwana wa mdamu, kukaia, agho mawono ni gha ngelo ra kutua.”

WALAWI 26:31

Nichabonya mizi yenyu iwue maghacho, na kunona andu konyu kotasira; nani nichavilegha vizongona venyu.

LUKA 17:16

ukaghwa kiwushu-wushu maghunyi kwake Jesu, na kumfunyira chawucha. Nao orekoghe Msamaria.

MABONYO GHA WADUMI 10:25

Hata iji Petro wangia, Kornelio ukammara, ukaghwa maghunyi kwake na kumtasa.

MABONYO GHA WADUMI 14:13

Na mkohani wa hekalu ya Zeu, erekoghe kaavui na muzi, ukareda njau na ngada ra maua mbengenyi; angu uo, chiaimweri na wandu, werekundieghe kuwifunyira wadumi kizongona.

MABONYO GHA WADUMI 28:6

Wikaweseria wikisuwiria uvimba angu kughwa shwa wori na kufwa; ela wiendawesera luma na kusowa ilagho jingi jizamie jikimpata, wikaghalua maghesho ghawo na kughamba wei uo ni mlungu.

WUFUNUO 11:16

Na awo waghosi mirongo iwi na bana, wiseagha kidombo vifumbinyi vawo va nguma imbiri ya Mlungu, wikaghwa kijimijimi na kumtasa Mlungu,

WUFUNUO 19:10

Niko ngaghwa kijimijimi maghunyi kwa uo malaika nipate kumtasa; ela uo ukanizera, “Kusakebonya huwo! Ini ne mdumiki sa kumoni, na sa awo wanyinyu wiwadie wushuhuda ghwa Jesu. Mtase Mlungu.” Angu ugho wushuhuda ghwa Jesu, niyo roho ya wulodi.

WUFUNUO 22:8

Ni ini moni Johane neresikireghe na kuriwona maza iri. Nani iji neresikireghe na kuriwona, nereghueghe kijimijimi maghunyi kwa uo malaika oreniwonyereghe maza iri, nani ngakunda nimtase.