DANIELI 2:44 - Biblia Ilagho Jiboie Kwa Wandu Wose

⁴⁴ Matuku gha awo wazuri, Mlungu wa mlungunyi uchawika wuzuri ghusechaanonwa jingi, hata nguma raro nderichaasighilwa mndungi. Wuzuri ugho ghuchachikanya-chikanya agha mawuzuri ghose, na kughimeria; nagho ghuchadua kwa kala na kala.

DANIELI 2:44 ပူးပေါင်းရင်းမြစ်များ

KUZOYA 49:10

Juda ndechaatana na mzata ghwa nguma, na uo ubonyagha nguma ndechaasoweka kwake anduangi. Hata uche mundu waro moni, uo uchaasikirwa ni wandu wose.

2 SAMUELI 7:13

Uo uchaniaghia nyumba, nani nichamangisha wuzuri ghwake kwa kala na kala.

2 SAMUELI 7:16

Nyumba yako na wuzuri ghwako ghuchamangishwa putu imbiri kwapo ini kwa kala; na kifumbi chako cha nguma nichachimangisha kwa kala na kala.’”

ZABURI 145:13

Wuzuri ghwako ni ghwa kala na kala, na nguma rako radua vivalwa hata vivalwa. BWANA ni mloli kwa malagho ghake ghose, nao ni mucha kwa mabonyo ghake ghose.

ISAYA 60:12

Ela mbari ra wandu na wuzuri ugho ghose ghusekudumikiagha oho, ghuchatota; na mbari yaro ichasia toe.

EZEKIELI 37:25

Wichakaia isangenyi ijo jerekailoghe ni weke ndee, ijo neremnekieghe mdumiki wapo Jakobo. Wichakaia aho, na wana wawo, na weke wawae kwa kala na kala, na mdumiki wapo Daudi uchakaia m'baa wawo kwa kala na kala.

DANIELI 2:28

Ela oko Mlungu mlungunyi ufunukuagha maza rivisikie, nao wakumanyisha oho mzuri Nebukadnezari iro maza richaabonyeka ngelo richagha. Ndodo yako na mawono kughiwonie ngelo korekoghe kwalala wulinyi kwako nigho agha:

DANIELI 2:34

Hata iji korekoghe kukizighana, Igho ibaa jeredumbukieghe, jisedumbulo ni mkonu ghwa mdamu; jikaipotokia iyo fwana maghunyi kwaro ghiko nusu chuma na nusu wongo, na kughichikanya vipande vipande.

DANIELI 2:35

Niko chuma, na feza, na shaba, na dhahabu, vose vikachika vipande vipande; vikawuya sa teri ya kwari kwalazi, na kiremba chikaweta na kuiduka noko, hata isemanyike wei kokoghe na kilambo aho. Ela ijo igho jereipotokieghe jikawuya ibaa na kuwuya mghondi m'baa hata ghukafinikira ndoenyi kose.

DANIELI 2:37

Oho ee mzuri, ko mzuri wa wazuri; Mlungu wa mlungunyi wakunekie wuzuri, na kudima, na ndighi, na wubaa.

DANIELI 2:43

Na sa iji koni kuwonie chuma chiranganyiro na wongo, wokoni wandu awa wicharangana andenyi ya kulowuana, ela ndewichaawadana. Wichakaia kara kara na chuma chisewadanagha na wongo.

DANIELI 4:3

Iro alama rake ni mbaa saki, na mashiniko ghake ghawadie ndighi saki! Wuzuri ghwake ni ghwa kala na kala, nao wadabonya nguma kivalwa hata kivalwa.

DANIELI 4:34

Nebukadnezari ukaghamba, “Kutua kwa agho matuku, ini Nebukadnezari nerewusireghe meso ghapo cha mlungunyi, nawurilwa ni akili rapo, ngamkasa Uo-Uko-Aighu-Nandighi, ngamkasa na kumneka ishima uo uduagha moyo kwa kala na kala. Uo wadabonya nguma kwa kala na kala, na wuzuri ghwake ghwadakaia vivalwa na vivalwa.

DANIELI 6:26

Ini nafunya momu andenyi ya wuzuri ghwapo, wandu wiobuo na kusughisika imbiri ya Mlungu wa Danieli. Uo ni Mlungu uko moyo, uduagha kwa kala na kala; wuzuri ghwake ndeghuchaanonwa jingi; na nguma rake nderiwadie kutua kungi.

DANIELI 6:27

Wadakira na kuvuvua, wadabonya alama na mashiniko mlungunyi na ndoenyi. Wamkirie Danieli kufuma kwa ndighi ra shimba.”

DANIELI 7:27

Niko wuzuri, na nguma rose na wubaa ghose ghwa agho mawuzuri gha ndoenyi ghichaanekwa waeli, awo wandu wa Uo Uko Aighu Na Ndighi, na wuzuri ghwawo ghuchakaia ghwa kala na kala. Wabonyi nguma wose wa ndoenyi wichawidumikia na kuwisikira.’

DANIELI 8:25

Uchatumia mikalo upate kuwona nicha, nao uchakughesha moni kukaia m'baa. Uchawitotesha wengi wisemanyire, wikikaia na sere. Uchatima hata kulwa na M'baa wa wabaa, ela uchasia moni usekabilo ni mdamu ungi.

MIKA 4:7

Wakelemeshero na kuwikwa kula na mzawo, ela nichabonya masighariko ghawo wizoe kwa wuwishi, ela wichawuya mbari mbaa. Kufuma ngelo iyo, nichawibonyera nguma aighu ya Mghondi ghwa Sioni kwa kala na kala.”

HAGAI 2:22

Nichabingilisha mawuzuri na kurimeria ndighi ra mawuzuri gha iro mbari. Nichaghibingilisha magare gha wuda na awo wighijokagha; farasi richafwa na wajoki farasi waro wichabwaghana weni na weni.

HAGAI 2:7

Mbari rose ra wandu nicharikumba noko, na mali rawo wicharireda aha, na Hekalu ichachulwa ni mali.

MATHAYO 28:18

Jesu ukawichea ukawizera, “Namerie kunekwa nguma rose mlungunyi na ndoenyi.

JOHANE 12:34

Nao ijo izungu jikamtumbulia, “Isi daghorelwa ni Sharia edu angu Kristo uchadua kwa kala na kala. Yakaia wada oho kughora, ‘Suti Mwana wa Mdamu ujoso aighu?’ Uo Mwana wa Mdamu nani?”

WAEBRANIA 12:28

Kwa huwo ndedifunye chawucha na kuboilwa kwa kuwusa wuzuri ghusedimagha kusughuswa; nesi ndedimtase Mlungu kwa chia im'boiagha, kwa ishima, na kuobua;

WUFUNUO 11:15

Niko uo malaika wa mfungade ukaikaba tarumbeta yake, kukakaia na chwaka mbaa mlungunyi rikighamba, “Wuzuri ghwa wurumwengu ghwawuya wuzuri ghwa Bwana odu na ghwa Kristo wake, nao uchabonya nguma kwa kala na kala.”

WUFUNUO 2:27

nao ucharibonyera nguma kwa mzata ghwa chuma, na kuribara seji kuwonagha nyungu ra wongo rikibarwa; nichamneka ndighi iro seji koni ini moni nerepatireghe kufuma kwa Aba,