DANIELI 2:35 - Biblia Ilagho Jiboie Kwa Wandu Wose

³⁵ Niko chuma, na feza, na shaba, na dhahabu, vose vikachika vipande vipande; vikawuya sa teri ya kwari kwalazi, na kiremba chikaweta na kuiduka noko, hata isemanyike wei kokoghe na kilambo aho. Ela ijo igho jereipotokieghe jikawuya ibaa na kuwuya mghondi m'baa hata ghukafinikira ndoenyi kose.

DANIELI 2:35 ပူးပေါင်းရင်းမြစ်များ

AYUBU 6:17

Ela ngelo ya mruke machi ghadasoweka na meda yaro yadasighwa miduu na kuoma.

ZABURI 103:16

ikawetwa ni mbeo yadasoweka, isewuyaamanyika andu ikoghe.

ZABURI 22:27

Mbari rose ra wandu richamkumbuka BWANA. Wurumwengunyi kose, wandu wichamghalukia uo, na vinyumba vose va wandu vichamtasa.

ZABURI 37:10

Kapindi katini, wawiwi wichasoweka; kukeduawilola, ndekuchaawiwona.

ZABURI 37:36

Ela iji naida aho sena, seremmbonieghe; ngamlola, ela sicheemmbona.

ZABURI 46:9

Wadabonya wandu wisighe wuda ndoenyi kose; wadachikanya ndana, na kunona mafumu; wadakora ngao kwa modo.

ZABURI 66:4

Wandu wose wa ndoenyi wakutasa oho, nawo wakuboria makaso; wajiboria irina jako makaso.”

ZABURI 86:9

Mbari rose ra wandu kuribonyere, richacha na kukughoghomia ee BWANA, naro richajineka wubaa irina jako.

ISAYA 11:9

Ndewichaashoghonuana angu kunona andenyi ya mghondi ghwapo ghose ghwa wueli, kwa kukaia ndoenyi kuchachulwa ni wandu wimmanyagha seji machi ghichuagha baharinyi.

ISAYA 8:9

Kabenyi tarumbeta ya wuda inyo mbari ra wandu, mmbonefushwa waya; deghenyi madu masanga gha kula; kaienyi tayari kwa wuda, mmbonefushwa waya.

DANIELI 2:44

Matuku gha awo wazuri, Mlungu wa mlungunyi uchawika wuzuri ghusechaanonwa jingi, hata nguma raro nderichaasighilwa mndungi. Wuzuri ugho ghuchachikanya-chikanya agha mawuzuri ghose, na kughimeria; nagho ghuchadua kwa kala na kala.

HOSEA 13:3

Kwa huwo wichasoweka sa ikungughu ja luma lwa nakesho, kara kara na mami ghiinjikagha kokio, na kara kara na makanda ghidukwagha noko ni mbeo kufuma kwa lwala loelea viro, angu sa mosi ghufumagha na idirisha.

MIKA 4:13

BWANA waghamba, “Wandu wa Jerusalemu, ghendenyi muwikabe wamaiza wenyu. Nicham'bonya mkaie na ndighi sa njau iko na mbembe ra chuma, na kochokocho ra shaba. Mcharifasha-fasha mbari ra wandu wengi; na iro mali wiripatire kwa kusoka, mchanifunyira ini BWANA wa wurumwengu ghose.”

ZEKARIA 12:3

Ituku ijo jikavika, nichaibonya Jerusalemu ikaie sa igho jilemere kwa wundu ghwa wandu wose; mbari ya wandu wangi wichaatima kujiwusira, wichashoghonoka nandighi. Na mbari ra wandu wose wurumwengunyi wichacha kulwa nayo.

1 WAKORINTHO 15:25

Angu ni suti Kristo ubonye nguma, hata Mlungu wameria kuwisima wamaiza wake wose, na kuwiwika aisi ya maghu ghake.

WUFUNUO 11:15

Niko uo malaika wa mfungade ukaikaba tarumbeta yake, kukakaia na chwaka mbaa mlungunyi rikighamba, “Wuzuri ghwa wurumwengu ghwawuya wuzuri ghwa Bwana odu na ghwa Kristo wake, nao uchabonya nguma kwa kala na kala.”

WUFUNUO 12:8

ela choka na weke malaika wake weresimiloghe, na wulalo ghungi ghwawo mlungunyi ndeghorewonekieghe sena anduangi.

WUFUNUO 20:11

Niko ngawona kifumbi cha nguma kibaa cha chokwa, na uo orechiserieghe. Nao ndoenyi na mlungunyi kukamkimbia, na andu kwaro ndekorewonekieghe anduangi.