DANIELI 2:34 - Biblia Ilagho Jiboie Kwa Wandu Wose

³⁴ Hata iji korekoghe kukizighana, Igho ibaa jeredumbukieghe, jisedumbulo ni mkonu ghwa mdamu; jikaipotokia iyo fwana maghunyi kwaro ghiko nusu chuma na nusu wongo, na kughichikanya vipande vipande.

DANIELI 2:34 ပူးပေါင်းရင်းမြစ်များ

ZABURI 118:22

Igho jerelegheloghe ni waaghi, jawurie ibaa ja mbembenyi.

ISAYA 28:16

Kwa huwo Bwana MLUNGU waghora huwu, “Olenyi nawika igho Sioni, kwa wundu ghwa msingi, ni igho ja mbembenyi jitimilo jiko ja zoghori mbaa kwa wundu ghwa msingi ghumange, jiandikilo, ‘Uo urumiriagha, ndechaafushwa waya anduangi.’

ISAYA 60:12

Ela mbari ra wandu na wuzuri ugho ghose ghusekudumikiagha oho, ghuchatota; na mbari yaro ichasia toe.

ISAYA 8:9

Kabenyi tarumbeta ya wuda inyo mbari ra wandu, mmbonefushwa waya; deghenyi madu masanga gha kula; kaienyi tayari kwa wuda, mmbonefushwa waya.

EZEKIELI 32:28

Kwa huwo kuchachikanywa na kulala aghadi ya wandu wiseshamishiro, chiaimweri na awo werebwaghiloghe wudenyi.

EZEKIELI 47:5

Ukapima meta maghana masanu, ghikawuya moda m'baa ghusedimagha kuruwukika, angu machi gherechurikieghe, ghimilie sena ghikate kwa kubung'a; moda ghuseruwukikagha.

DANIELI 2:33

maghu ghake gherekoghe gha chuma na chwau rake rerekoghe nusu chuma na nusu wongo.

DANIELI 7:27

Niko wuzuri, na nguma rose na wubaa ghose ghwa agho mawuzuri gha ndoenyi ghichaanekwa waeli, awo wandu wa Uo Uko Aighu Na Ndighi, na wuzuri ghwawo ghuchakaia ghwa kala na kala. Wabonyi nguma wose wa ndoenyi wichawidumikia na kuwisikira.’

DANIELI 8:25

Uchatumia mikalo upate kuwona nicha, nao uchakughesha moni kukaia m'baa. Uchawitotesha wengi wisemanyire, wikikaia na sere. Uchatima hata kulwa na M'baa wa wabaa, ela uchasia moni usekabilo ni mdamu ungi.

ZEKARIA 12:3

Ituku ijo jikavika, nichaibonya Jerusalemu ikaie sa igho jilemere kwa wundu ghwa wandu wose; mbari ya wandu wangi wichaatima kujiwusira, wichashoghonoka nandighi. Na mbari ra wandu wose wurumwengunyi wichacha kulwa nayo.

ZEKARIA 4:6

Malaika ukanizera nimghorie Zerubabeli agha malagho gha BWANA huwu, “Kuchasima, ela si kwa ndighi ra kiwuda angu kwa ndighi rako, ela kwa Roho wapo.

MATHAYO 16:18

Nani nakuzera, Oho ko Petro, na aighu ya igho iji, nichajiagha ikanisa japo, hata kifwa ndechichaadima kujisima anduangi.

JOHANE 1:13

Awo werewurieghe wana wa Mlungu, si kwa ndighi ra kidamu, angu kwa ndighi ra mumbi, hata kwa lukundo lwa mdamu anduangi, ela kwa Mlungu.

MABONYO GHA WADUMI 4:11

Uhu Jesu nuo ughorelo ni Maandiko Ghielie huwu: ‘Igho jerelegheloghe ni inyo waaghi, nijo jawuya ibaa ja mbembenyi.’

2 WAKORINTHO 5:1

Angu isi damanya, mimbi edu ya ndoenyi iko sa hema, iyo dikaiagha andenyi yaro, iji yavuchulwa, deko na iaghi jifumagha kwa Mlungu; nyumba isebonyero kwa mikonu, ya kala na kala, iko mlungunyi.

WAEBRANIA 9:24

Angu Kristo nderengirieghe Andu kwa Wueli kubonyero ni mikonu, kuko fwana ya uko kwa loli anduangi, ela orengirieghe mlungunyi koni; upate kuwoneka imbiri ya Mlungu kwa wundu ghodu.

1 PETRO 2:7

Kwa huwo, ni wa zoghori mbaa konyu inyo mrumiriagha; ela kwa awo wiserumiriagha, “Ijo igho jeni waaghi werejileghieghe, nijo jeni jiwurie ibaa ja mbembenyi.”

WUFUNUO 11:15

Niko uo malaika wa mfungade ukaikaba tarumbeta yake, kukakaia na chwaka mbaa mlungunyi rikighamba, “Wuzuri ghwa wurumwengu ghwawuya wuzuri ghwa Bwana odu na ghwa Kristo wake, nao uchabonya nguma kwa kala na kala.”

WUFUNUO 17:14

Nawo wichalwa na uo Mwana wa Ng'ondi chiaimweri na awo wikwanye, werewangiloghe wikasaghulwa, nawo ni waloli; na uo Mwana wa Ng'ondi uchawisima, angu uo ni Bwana wa weke bwana na Mzuri wa wazuri.”