DANIELI 2:28 - Biblia Ilagho Jiboie Kwa Wandu Wose

²⁸ Ela oko Mlungu mlungunyi ufunukuagha maza rivisikie, nao wakumanyisha oho mzuri Nebukadnezari iro maza richaabonyeka ngelo richagha. Ndodo yako na mawono kughiwonie ngelo korekoghe kwalala wulinyi kwako nigho agha:

DANIELI 2:28 ပူးပေါင်းရင်းမြစ်များ

KUZOYA 40:8

Nawo wikamzera, “Deeloda ndodo, naro ndekuwadie mndungi odima kuritambua anduangi.” Josefu ukawizera, “Kutambua kose ndakwadafuma kwa Mlungu. Namlomba munighorie ndodo renyu.”

KUZOYA 41:16

Josefu ukamzera mzuri, “Si ini ungi, ela Mlungu wadima kumneka mzuri matumbulio mecha.”

KUZOYA 41:25

Nao Josefu ukamzera mzuri, “Ndodo ya mzuri ni imweri. Mlungu wamfunukuya mzuri ijo walighisa kubonya.

KUZOYA 49:1

Nao Jakobo ukawiwanga wana wake wose ukawizera, “Kwanyikenyi chiaimweri, nipate kummanyisha iro maza richaampata matuku ghichagha:

ZABURI 115:3

Mlungu odu oko mlungunyi, wadabonya ijo jose ujikundagha.

ISAYA 2:2

Matuku ghichagha, andu Hekalu yawuyakaia, mghondi ghwaro ghuchakaia m'baa kuchumba mighondi yose; na mbari rose richaghughendia.

JEREMIA 10:7

Nani usekuobuagha oho ee Mzuri wa iro mbari ra wandu? Angu kwafwana oho kuwusa ijo ishima; angu ndekuwadie ungi sa oho, aghadi ya wandu wa akili wa iro mbari, hata aghadi ya mawuzuri ghawo ghose.

JEREMIA 30:24

Machu gha BWANA ghibirie ndeghichaawuya nyuma hata ghameria kukatisha seji ughidumie, kukatisha agho ughiririkanyire. Mchamanya agho ngelo ra kutua.

JEREMIA 48:47

Ela kutuonyi nichammbunjira Moabu mecha ghake, ini BWANA naghamba.” Uko niko kutanywa kwa Moabu.

EZEKIELI 28:3

Kuaghesha kedi koko na hikima kuchumba Danieli, na wei ilagho jingi ndejivisikie kwako.

EZEKIELI 38:16

Kuchawichea wandu wapo Israeli sa ikungughu, kupate kulwa nawo; kuchafinikira isanga jose. Matuku gha kutua nichakureda kupate kujikaba isanga japo, eri iro mbari ra wandu ripate kunimanya, ingelo nichaawonyera wueli ghwapo imbiri kwawo kwa kukutumia oho ee Gogu.

EZEKIELI 38:8

Nyuma ya matuku mengi, kuchatumbanywa; miaka ichagha kuchaghenda kulwa na isanga jisighie kulwa wuda, wandu waro werewunjiroghe kufuma kwa mbari nyingi, na kuwikwa aighu ya mighondi ya Israeli, iyo eresighiloghe miduu kwa ngelo ndacha; na wandu waro wose waawuyakaia nicha.

DANIELI 1:20

Kwa malagho ghose gha hikima na kumanya, agho mzuri oreghikotereghe, ukawiwona awo kukaia wiboie mando ikumi kuchumba waghanga na wasawi wose werekoghe andenyi ya wuzuri ghwake.

DANIELI 10:14

Nani nacha kukumanyisha iro maza richaawipata wandu wako matuku ghichagha; kwa kukaia mawono agho ni malagho gha ngelo nyingi richagha.”

DANIELI 2:18

Ukawizera wilole wughoma ghwa Mlungu wa mlungunyi aighu ya ngasu ya ndodo iyo, eri uo na wangara wake wisetotesho chiaimweri na wandu wa hikima wa Babuloni.

DANIELI 2:22

Wadafunukua maza riko ndenyi ra ngasu, na agho ghivisikie kirenyi waghimanya; uo wadakaia mwengerenyi.

DANIELI 2:44

Matuku gha awo wazuri, Mlungu wa mlungunyi uchawika wuzuri ghusechaanonwa jingi, hata nguma raro nderichaasighilwa mndungi. Wuzuri ugho ghuchachikanya-chikanya agha mawuzuri ghose, na kughimeria; nagho ghuchadua kwa kala na kala.

DANIELI 2:45

Kwawonie ijo igho jisedumbulo ni mkonu ghwa mdamu jikisea kufuma mghondinyi na kuifasha ija fwana, chuma, na shaba, na wongo, na feza na dhahabu. Uo Mlungu m'baa wakumanyisha ee mzuri malagho ghichaakaia konyuma. Ndodo ihi ni ya loli na kutambushira kwaro wori ni kwa loli.”

DANIELI 2:47

Mzuri ukamzera Danieli, “Kwa loli Mlungu wako ni Mlungu wa milungu, na BWANA wa wazuri, na mtambushiri wa ngasu, kwa kukaia oho kwachadima kuitambua ngasu ihi.”

DANIELI 4:5

Ngaloda ndodo ikaniobosha, ngelo nerekoghe nalala wulinyi kwapo ngiririkanya na kughesha malagho, nao ngaturukia.

HOSEA 3:5

Konyuma, wandu wa Israeli wichawuya na kumlola BWANA Mlungu wawo, na mzuri wawo Daudi; na kutua wichamchea BWANA kwa kuobua, na kuwona wucha ghwake.

AMOSI 4:13

BWANA nuo orebonyereghe mighondi. Nuo ubonyere mbeo iweteghe, na kumghoria mdamu maghesho ghake; nuo ughalusagha dime iwuye kio. Wadasela aighu ya mighondi ya ndoenyi. Irina jake ni BWANA, uo Mlungu Uwadie-Ndighi-Rose.

MITALO 24:14

Balaamu ukamzera Balaki, “Ola idana niaghala cha mzedu, ela choo nikughorie seji awandu wichaawibonya wandu wako matuku ghichagha.”

MATHAYO 6:9

Idana mlombeghe sa huwu: ‘Aba odu kuko mlungunyi, Irina jako jikaso.

WUKUMBUSO 31:19

“Kwa huwo idana andika ulu lumbo, kuwifundishe wandu wa Israeli; lupate kunishuhudiagha aighu yawo.

WUKUMBUSO 4:30

Iji kwangilwa ni wasi, na kupatwa ni maza iri rose, kutua kuchamghalukia BWANA Mlungu wako na kumsikira.

2 TIMOTHEO 3:1

Ela kutambukilo huwu, kukaia matuku gha kutua mbai, richacha ngelo ra wasi;

WAEBRANIA 1:1

Kufuma kokala, Mlungu oreghorieghe mando malazi na weke aba wedu kwa chia zima-zima, ukitumia walodi.

2 PETRO 3:3

Ilagho ja imbiri, suti mtambukilo kukaia matuku gha kutua mbai, wandu wisekagha kwa lumenyo wichacha wikiseka kwa kunugha bea rawo weni,

WUFUNUO 1:1

Wufunuo ghwa Jesu Kristo, ugho Mlungu oremnekieghe uwiwonyere wadumiki wake iro maza riko suti rikaie kafwani. Na Kristo ukamduma malaika wake urimanyishe kwa mdumiki wake Johane;