DANIELI 2:25 - Biblia Ilagho Jiboie Kwa Wandu Wose

²⁵ Shwa wori Arioko ukamghenja Danieli kwa mzuri, ukamzera, “Nampata mndumu wa awandu wibarishiro kufuma isanga ja Juda, nao wadima kukumanyisha kutambua kwaro iyo ndodo.”

DANIELI 2:25 ပူးပေါင်းရင်းမြစ်များ

KUZOYA 41:14

Nao mzuri ukaduma Josefu uwango. Nawo wikamfunya kifungonyi shwa wori; hata iji wameria kuara sombe, na kughalusa marwao, ukacha na kukaia kimusi imbiri ya mzuri.

NEHEMIA 7:6

Wandu wengi weredwaloghe wunyika werefumieghe isanga ja Babuloni; wikawuya Jerusalemu na Juda, kula mundu mzinyi kwake. Wandu wa nyumba rawo weredueghe wubarishonyi Babuloni kufuma Nebukadnezari wawidwa aho sa wafungwa.

MAKATANISHO 24:11

Wivuvuo awo wawuyaghenjwa kifonyi, wiwadie awo wawuyakuwa kungia cha kubwaghonyi.

MCHILI 9:10

Ijo jose kujibonyagha, bonya kwa kufunga ndighi; kwa kukaia ndekuwadie kazi ingi, angu ighesho jingi, angu kumanya kungi, hata hikima ingi andenyi ya wurumwengu ghwa wafu kwawuyakughendia.

DANIELI 1:6

Wamu wa awo wandu, werekoghe Danieli, na Hanania, na Mishaeli na Azaria wa kichuku cha Juda.

DANIELI 5:13

Nao Danieli ukaredwa imbiri ya mzuri. Mzuri ukamzera Danieli, “Welee, oho nuo Danieli, umu wa waja wandu werebarishiroghe ukaredwa kufuma isanga ja Juda ni aba?

DANIELI 6:13

Nao wikamzera mzuri, “Danieli uja mundu wa waja wibarishiro kufuma isanga ja Juda ndekutalagha oho ee mzuri, hata ndeitalagha ija sharia kuingirie sahihi, ela wadamlomba Mlungu mando adadu kwa ituku.”