DANIELI 2:22 - Biblia Ilagho Jiboie Kwa Wandu Wose

²² Wadafunukua maza riko ndenyi ra ngasu, na agho ghivisikie kirenyi waghimanya; uo wadakaia mwengerenyi.

DANIELI 2:22 ပူးပေါင်းရင်းမြစ်များ

KUZOYA 41:16

Josefu ukamzera mzuri, “Si ini ungi, ela Mlungu wadima kumneka mzuri matumbulio mecha.”

AYUBU 12:22

Wadafunukua maza rivisiro, na kuriwika mwengerenyi.

AYUBU 26:6

Mlungu waichi maza rose ra Andu kwa Wafu; ndekuwadie kilambo chingi chivisikie kwake anduangi.

ZABURI 104:2

Kwadarwa mwengere sa nguwo, kwawikie mlungunyi sa hema.

ZABURI 25:14

BWANA ni mghenyi wa awo wimuobuagha, nao wadawimanyisha ilaghano jake.

ZABURI 36:9

Oho koko ndoria ya irangi; kwa mwengere ghwako, dadawona mwengere.

MCHILI 8:1

Mundu wa hikima nuo umanyagha malagho seji ghiko. Hikima yadam'bonya ukaie na kuboilwa, na kubonya wushu ghwake ghukaie ghuelie.

ISAYA 41:22

Redenyi iyo milungu yenyu ipate kudighoria iro maza richagha. Dighorienyi malagho gha kala ngera ghafwane wada, dipate kughilawua na kughimanya kutambua kwaro ni wada; angu ima ndeidighorie maza richagha.

ISAYA 41:26

Nani oreghighorieghe agha kufuma koicho eri dipate kughimanya angu ughilodere imbiri ya ngelo nesi dighambe, ‘Waghorie loli?’ Ndekuwadie ungi ughorie, hata ndekuwadie ungi usikire malagho ghenyu.

ISAYA 42:9

Olenyi niamghoria kiimbiri kukaia, maza ra kala riaida, nani idana niamghoria maza mbishi.”

ISAYA 45:7

Ni ini nibonyagha mwengere, sena ni ini niumbagha kira; ni ini niredagha marasimio na bugha; Ini ne BWANA uo ubonyagha maza rose.

JEREMIA 23:24

Mundu wadima kukuvisa andu kwake kwa kiviso nisemmbone? Waghamba BWANA. Welee, si ini nichurie mlungunyi na ndoenyi?

JEREMIA 33:3

“Niwange nani nichakutumbulia; nichakughoria maza mbaa rivisikie, iro kusererimanyireghe.

DANIELI 2:11

Iji ilagho mzuri wawuyakotia jakurie, na ndekuwadie mdamu ungi udimagha kummbonyera, isaakaia ngera milungu iseko na mimbi.”

DANIELI 2:19

Nao kio icho cheni, Mlungu ukamfunukuya Danieli ngasu ya ija ndodo. Danieli ukamkasa Mlungu wa mlungunyi ukaghamba:

DANIELI 2:47

Mzuri ukamzera Danieli, “Kwa loli Mlungu wako ni Mlungu wa milungu, na BWANA wa wazuri, na mtambushiri wa ngasu, kwa kukaia oho kwachadima kuitambua ngasu ihi.”

DANIELI 5:11

Oko mundu andenyi ya wuzuri ghwako uko na roho ya milungu ielie. Ngelo ra ndeyo, suku, na kumanya, na hikima iko sa ya milungu, erewonekieghe andenyi kwake; na ndeyo mzuri Nebukadnezari orem'bonyereghe ukakaia m'baa wa wasawi, na waghanga, na Wababuloni, na wamanyi wa nyerinyeri.

DANIELI 5:14

Nasikire malagho ghako wei koko na roho ya milungu ielie andenyi kwako na kukaia kwawadie suku na kumanya na hikima ndicha.

MATHAYO 13:13

Kwa wundu ughu, niko naghora nawo kwa mifwano: angu kuzighana hoku wawuyazighana, ela ndewiwonagha; na kusikira hoku wawuyasikira, ela ndewisikiragha hata ndewitambukilwagha anduangi.

JOHANE 1:9

Ugho mwengere ghorekoghe ghwa loli, ghuchee wurumwengunyi kumlangalishira kula mdamu.

JOHANE 21:17

Jesu ukamkotia sena indo ja kadadu, “Wele Simoni mwana wa Johane, kwanikunde?” Petro ukangilwa ni wasi angu oremkotereghe indo ja kadadu, kwanikunde? Ukamzera, “Bwana oho kwavimanya vilambo vose, kwaichi angu nakukunde.” Jesu ukamzera, “Kuzighaneghee ng'ondi rapo.

JOHANE 8:12

Jesu ukawizera Mafarisayo sena, “Ini nuo mwengere ghwa wurumwengu, uo uninughagha ini na jingi ndechaaghenda na kira anduangi, ela uchakaia na mwengere ghwa irangi.”

1 WAKORINTHO 4:5

Kwa huwo msaketanya imbiri ya ngelo, Bwana usechee; uo uchaariwika mwengerenyi maza rivisiro kirenyi idana, nao uchaifunukua mipango ya ngolo ra wandu. Niko kula mundu uchapata kukaswa kwake kufuma kwa Mlungu.

WAEFESO 3:5

Nayo ndeeremanyishiroghe wandu wa vivalwa vizima, seji imanyishiro idana kwa wadumi na walodi wake wielie, kwa chia ya uo Roho Mweli;

WUKUMBUSO 29:28

Niko BWANA ukawifunya isangenyi kwawo kwa machu na kubia na makai mabaa, ukawikumba noko cha isanga izima seji iko idime.’

1 TIMOTHEO 6:16

Uo uekeri nuo uko na irangi jisenonekagha, nao wadakaia andenyi ya mwengere ghusedimagha kusoghoderwa, uo mndungi usemmbonie jingi, hata usedimagha kummbona; kwake uo ndejikaie ishima na kubonya nguma kwa kala na kala. Amen.

WAEBRANIA 4:13

Hata imbiri ya Mlungu, ndekuwadie iumbo jingi jivisikie; ela vilambo vose veko worinyi, viwikilo na kufunukulwa imbiri ya meso ghake, uo dichaafunya mitalo edu kwake.

JAKOBO 1:17

Kula kuneka kuboie, na kula inosi jikatie, jadafuma aighu, jikisea kufuma kwa uja Aba wa miengere. Uo ndeughalukagha, hata kukaia na kiju cheghaluka anduangi.

1 JOHANE 1:5

Agha nigho malagho dereghisikireghe kufuma kwa Mwana wake; nesi damchilia inyo kukaia, Mlungu ni mwengere, na andenyi kwake ndekuwadie kira chingi anduangi.