DANIELI 2:21 - Biblia Ilagho Jiboie Kwa Wandu Wose

²¹ Wadaghalua ngelo na vimu; wadainja wazuri na kuwika wazuri. Wadawineka hikima awo wiko na hikima, na kumanya kwa awo witambukilwagha.

DANIELI 2:21 ပူးပေါင်းရင်းမြစ်များ

1 WAZURI 10:24

Ndoenyi kose wandu wikalola kummbona Solomoni, wipate kusikira iyo hikima Mlungu oreingirieghe andenyi kwake.

1 WAZURI 3:28

Israeli yose ikasikira seji mzuri watanya, wikaishinikia hikima ya mzuri; wikamanya kwa loli kukaia Mlungu wamnekie hikima upate kutanya kwa hachi.

1 WAZURI 4:29

Mlungu ukamneka Solomoni hikima na kumanya kubaa, na akili nyingi risepimikagha.

1 MALAGHO GHA NGELO 22:12

BWANA ndekuneke suku na kutambukilwa, eri ingelo wakuwika aighu ya Wasraeli, kupate kuwibonyera nguma kwa Sharia ya BWANA Mlungu wako.

1 MALAGHO GHA NGELO 29:30

viko na mtalo ghose ghwa kubonya nguma kwake, na kudima kwake, na maza rose reremchieghe uo na Waisraeli, na mawuzuri ghose gha masanga ghiko mbai mbai.

ESTA 1:13

Mzuri orekoghe wakuzaisira kukaia na njama na wandu wake wa hikima, awo wimanyagha vimu na sharia ya isanga. Niko ukawiwanga wifunye maghesho ghawo.

AYUBU 12:18

Wadawiinja wazuri vifumbinyi kwawo, na kuwibonya wiwuye wafungwa.

KUFUMA 31:3

nani namchura Roho wa Mlungu, wuya, na kumanya, na wufundi ghwa vilambo va mbari rose;

KUFUMA 31:6

Sena namsaghua Oholiabu mwana wa Ahisamaki, kufuma kwa mbari ya Dani, upate kubonya kazi andwamweri nao. Wandu wose wiko na wuya na akili, nawineka kudima; wipate kubonya vilambo vose nerekulaghirieghe.

DANIELI 1:17

Mlungu ukawineka awa wandu wa irika bana hikima na kumanya kokufundisha; ukamneka Danieli kumanya, kutambua mawono, na ndodo rose.

DANIELI 10:1

Mwaka ghwa kadadu ghwa Koreshi mzuri wa Pashia, Danieli uo orewangwagha Belteshazari orenekeloghe wufunuo. Wufunuo ugho ghorekoghe ghwa loli, ghwa malagho gha wuda m'baa. Danieli ukamanya kutambua kwaro wufunuo ugho andenyi ya mawono.

DANIELI 11:6

Nyuma ya miaka imu, mzuri wa Misri, uchawadana na mzuri wa Siria. Uo mzuri wa Misri uchamlowora mwai wake eri wikaie na sere. Uo mwai ndechaadua na iro ndighi rake, hata mumi wake na mwana wake ndewichaakaia na ndighi redua, ela matuku agho uchabwaghwa chiaimweri na mumi wake na mwana wake na wadumiki wake.

DANIELI 2:20

“Irina ja Mlungu ndejikaso kwa kala na kala, hikima na kudima vadakaia kwake.

DANIELI 2:23

Nakufunyira chawucha na makaso ee Mlungu wa weke aba, angu oho kwanineka hikima na ndighi, sena kwadimanyisha iyo ngasu ya mzuri.”

DANIELI 2:9

kukaia, mkalemwa ni kunimanyisha iyo ndodo, kutanya kwapo ni uko koni uko kumweri. Mwamerie kupatana kunikalia kwa malagho gha tee na gha kisha, mkighesha wei malagho ghighaluka. Kwa huwo nighorienyi iyo ndodo, nani nichamanya loli mwadima kunighoria kutambua kwaro.”

DANIELI 4:14

Ukakema na lwaka lubaa ukighamba, ‘Demenyi ugho mudi, mdumbuo mbashu raro na kuangura malemba gharo, msasare matunda ghake, nyamandu ra isakenyi ripate kughenda, na nyonyi ra mbeonyi riinjike noko kufuma mbashunyi raro.

DANIELI 4:17

Kutanya uko kwanughana na sharia idumbulo na kutangazwa ni weke malaika waeli wichereshagha, eri kutua wandu wiko moyo wimanye kukaia Uo-Uko-Aighu-Nandighi wadabonyera mawuzuri ghose gha wadamu nguma, nao wadamneka uo ose umkundagha, na kumjosa uo uko mnyonge.’

DANIELI 4:22

“Mudi ugho ni oho kumoni ee mzuri, kuzoghue na kuwuya m'baa. Wubaa ghwako ghwazoghue na kuvika mlungunyi, na nguma rako raerie hata kutua kwa ndoenyi.

DANIELI 4:32

Oho kuchaghenjwa noko kufume kwa wandu, kukaianye na nyamandu ra isakenyi, kuje nyasi sa ng'ombe kwa miaka mfungade, hata kwameria kukufundisha kukaia Uo Uko Aighu Na Ndighi wabonyeragha mawuzuri gha wadamu nguma, na kumneka uo ose ukundagha.”

DANIELI 7:25

Uchadeda malagho ghelwa na Uo-Uko-Aighu-Nandighi, na kuwikoronga waeli wake, nao uchatima kughalua sharia rawo ra dini na ndima; nawo wichangirwa mikonunyi kwake kwa miaka idadu na nusu.

LUKA 21:15

angu ini nichamneka malagho na hikima, hata mndungi usechaadima kumtangala anduangi.

WAROMA 13:1

Kula mundu ndewisikire awo wibonyagha nguma, angu ndekuwadie nguma ingi isefumagha kwa Mlungu, na awo wibonyagha nguma weewikwa ni Mlungu.

1 WAKORINTHO 1:30

Mlungu nuo asili ya irangi jenyu andenyi ya Kristo Jesu; nao nuo um'bonyere Kristo Jesu ukaie hikima edu, hachi edu, kueleshwa kodu, na wukomboli ghodu.

JAKOBO 1:17

Kula kuneka kuboie, na kula inosi jikatie, jadafuma aighu, jikisea kufuma kwa uja Aba wa miengere. Uo ndeughalukagha, hata kukaia na kiju cheghaluka anduangi.

JAKOBO 1:5

Ela ngera mndungi onyu wasowa hikima, ndelombe kwa Mlungu, uhu unekagha wandu kwa wungi, kuseko na kubukia; nao uchanekwa.

WUFUNUO 19:16

Oko na irina jiandikilo ijohonyi kwake na barenyi kwake, MZURI WA WAZURI, na BWANA WA WEKE BWANA.