DANIELI 2:2 - Biblia Ilagho Jiboie Kwa Wandu Wose

² Nao mzuri ukafunya momu wasawi, na waghanga, na walaghui, na Wababuloni wiwango, wipate kumghoria mzuri iro ndodo rake. Wikacha na kukaia kimusi imbiri kwake.

DANIELI 2:2 ပူးပေါင်းရင်းမြစ်များ

KUZOYA 41:8

Nakesho yaro ukaja wasi loli-loli, ukaduma waghanga wose wa Misri, na wandu wa akili wose wiwango. Mzuri ukawighoria ndodo rake, ela ndekorewonekieghe ungi omtambushira anduangi.

ESTA 1:13

Mzuri orekoghe wakuzaisira kukaia na njama na wandu wake wa hikima, awo wimanyagha vimu na sharia ya isanga. Niko ukawiwanga wifunye maghesho ghawo.

KUFUMA 7:11

Niko Farao ukawiwanga wandu wake wa akili na wasawi, na awo waghanga wa Misri wikabonya wokoni kwa wuya ghwa akili rawo.

ISAYA 19:3

Nichawibwagha ngolo putu, na kuinona mipango yawo, nawo wichalola njama kwa milimu na kwa walaghui, waghanga na wasawi;

ISAYA 8:19

Wandu wikamzera, “Lolenyi njama kwa walaghui na wasawi; awo wihohoriagha na kudeda sa nyonyi;” huwo ndeiwifwane wandu wilole njama kwa Mlungu wawo? Welee, ni hachi wandu kulola njama kwa wafu wulalo ghwa awo wiko moyo?

DANIELI 1:20

Kwa malagho ghose gha hikima na kumanya, agho mzuri oreghikotereghe, ukawiwona awo kukaia wiboie mando ikumi kuchumba waghanga na wasawi wose werekoghe andenyi ya wuzuri ghwake.

DANIELI 1:4

Werekoghe wikaie wandu wa irika wiseko na itiko, wighokie sena wiko na kumanya kwa hikima yose. Wichulo ni kumanya, na hikima ekunda kukufundisha, widimagha kudumika andenyi ya ngome ya mzuri. Ashpenazi orekoghe uwifundishe hata wimanye kiteto cha Kibabuloni.

DANIELI 2:10

Wababuloni wikamtumbulia mzuri, “Ndeuko mndungi ndoenyi udimagha kumkatishira mzuri haja yake; kwa kukaia ndeuko mzuri ungi m'baa ndoenyi uko na ndighi nyingi ukotere jingi ikoto sa ijo wei utumbulilo ni wasawi, waghanga, walaghui angu Wababuloni.

DANIELI 2:27

Danieli ukamtumbulia mzuri, “Ndekuwadie wandu wangi wa hikima, angu waghanga wangi, angu wasawi, angu walaghui widimagha kukumanyisha ee mzuri maza ra ija ngasu kwawuyaikotia.

DANIELI 3:8

Ngelo iyo Wababuloni wamu wikacha na kuwishitakia Wayahudi.

DANIELI 4:3

Iro alama rake ni mbaa saki, na mashiniko ghake ghawadie ndighi saki! Wuzuri ghwake ni ghwa kala na kala, nao wadabonya nguma kivalwa hata kivalwa.

DANIELI 4:6

Kwa huwo ngafunya momu kukaia wandu wose wa hikima wiko Babuloni wiredo kwapo, wipate kunimanyisha kutambushira kwaro iyo ndodo.

DANIELI 5:7

Mzuri ukakema kwa lwaka; ukalomba wasawi, na Wababuloni, na wamanyi wa nyerinyeri wiredo. Ukawizera wandu wa hikima wa Babuloni, “Mundu uo ose uchaashoma maandiko agha, na kunighoria kutambushira kwaro, ucharushwa marwao gha zambarau, na kungirwa mkufu ghwa dhahabu singonyi kwake; nao uchakaia mundu wa kadadu kwa wuzuri ghwapo.”

1 SAMUELI 6:2

Wafilisti wikawiwanga wakohani na walaghui wikawizera, “Dibonya wada na ihi Sanduku ya BWANA? Diiwunjanya naki andu kwaro? Dighorienyi?” Wikaghamba,