DANIELI 2:18 - Biblia Ilagho Jiboie Kwa Wandu Wose

¹⁸ Ukawizera wilole wughoma ghwa Mlungu wa mlungunyi aighu ya ngasu ya ndodo iyo, eri uo na wangara wake wisetotesho chiaimweri na wandu wa hikima wa Babuloni.

DANIELI 2:18 ပူးပေါင်းရင်းမြစ်များ

KUZOYA 18:28

Welee, wikapungua wasanu kwa awo mirongo misanu wahachi, kuchaghutotesha ugho muzi ghose kwa wundu ghwa awo wasanu wapungua?” Nao ukaghamba, “Iji nawikua mirongo ina na wasanu sichaaghutotesha anduangi.”

ZABURI 136:26

Mfunyirenyi chawucha Mlungu wa mlungunyi; lukundo lwake lukatie lwadua kwa kala.

ZABURI 50:15

Kuniwange ituku kwapatwa ni wasi, nani nichakukira na oho kuchanikasa.”

ZABURI 91:15

Wikaniwanga, nichawidika; wikangia wasinyi, nichakanya nawo; nichawivuvua na kuwibonyera ishima.

ISAYA 37:4

Kewada BWANA Mlungu wako wameria kusikira malagho ghaghorwa ni Rabshake agho wadumwa ni bwana wake mzuri wa Waashuru, ghemsholia Mlungu uko moyo; nao ughikemie agho malagho ghake. Kwa huwo, kumlombe Mlungu kwa wundu ghwa masighariko gha wandu wisigharikie.’”

JEREMIA 33:3

“Niwange nani nichakutumbulia; nichakughoria maza mbaa rivisikie, iro kusererimanyireghe.

EZEKIELI 36:37

Bwana MLUNGU waghamba huwu, “Nichawibonya wandu wa Israeli winilombeghe, nani nichawibonya wichurikie kwa wungi sa ng'ondi.

DANIELI 2:23

Nakufunyira chawucha na makaso ee Mlungu wa weke aba, angu oho kwanineka hikima na ndighi, sena kwadimanyisha iyo ngasu ya mzuri.”

DANIELI 3:17

Ikakaia ni huwo, Mlungu odu, uo dimdumikiagha wadima kudikira na ijo iwiwi ja modo, nao uchadikira na mkonu ghwako ee mzuri.

DANIELI 4:26

Na sa iji erelaghiriloghe kusigha kirimba cha miri yaro, wuzuri ghwako ghuchamangishwa nyuma ya oho kumanya angu Mlungu wabonyagha nguma ndoenyi.

JONA 1:9

Ukawizera, “Ini ne Muebrania nani nadamtasa BWANA, Mlungu wa mlungunyi uo ubonyere bahari na ndoe iomie.”

MALAKI 3:18

Niko aho mchaamanya kuwitambua awo wiko na hachi na awo wawiwi; aghadi ya uo unidumikiagha, na uo usenidumikiagha.”

MATHAYO 18:12

Mmbona wada mundu ukakaia na ng'ondi ighana, nao ulaghashe imweri, ndechaasigha rija mirongo ikenda na ikenda mghondinyi, ughende kuilola ija imweri ilagharie anguwada?

MATHAYO 18:19

Sena namghoria inyo, ngera wawi wenyu wapatana ndoenyi kulomba ilagho jingi, Aba wa mlungunyi uchawibonyera ilagho ijo.

MABONYO GHA WADUMI 12:4

Hata iji wameria kummbwada, ukamngira jela na kummbika aisi ya walindiri bana bana kula izughe, ukikunda kumfunya kwa wandu nyuma ya Pasaka.

WAROMA 15:30

Namvoya wanidu kwa wundu ghwa Bwana odu Jesu Kristo, na kwa wundu ghwa lukundo lwa Roho, mfunge ndighi andwamweri nani kwa malombi ghenyu. Dimlombe Mlungu kwa wundu ghwapo,

2 PETRO 2:9

Kwa huwo, Bwana waichi kuwivuvua na matimo awo wimuobuagha Mlungu, na kuwiwika wakosi wifungie hata Ituku ja Kutanywa;

1 SAMUELI 17:37

Daudi ukachuria kughora, “Uo Mlungu orenikirieghe na vikoto va shimba na kibarabara, uchanikira na uhu Mfilisti.” Nao Sauli ukamzera, “Ghenda; Mlungu ukaie chiaimweri na oho.”